25 Feb 2013

မာရ်နတ်၏ ပထမစစ်တပ်

နမော တဿ ဘဂ၀တော အရဟတော သမ္မာသမ္ဗုဒ္ဓဿ” 

မာရ်နတ်ဟု ဆိုလိုက်သည်နှင့် အဖျက်သမား၊ အဖျက်တရားဟူ၍ ဗုဒ္ဗဘာသာဝင်တို့ ချက်ခြင်း သိကြ၏။ မာရ်ဆိုသည်မှာ “မာရ”ဟူသော ပဠိမှ ဆင်းသက်လာသည့် ပါဠိသက် မြန်မာဝေါဟာ ရဖြစ် ၏။ သေတတ် သည့်သဘော၊ သေအောင်သတ်တတ်သည့်သဘောကို မာရ(မာရ်)ဟု ခေါ်ပေသည်။ လူကိုသတ်သည့် မာရ်ကို လူသတ်သမား၊ စိတ်ကိုသတ်သည့်မာရ်ကို စိတ်သတ် သမား ဟု ခေါ်နိုင်ပေသည်။ လူကိုလည်း သတ်၊ စိတ်ကိုလည်းသတ်သည့်မာရ်က ငါးပါးရှိရာ ၎င်းတို့မှာ ဒေ၀ပုတ္တမာရ်၊ ကိလေသာမာရ်၊ အဘိသင်္ခါရမာရ်၊ ခန္ဓမာရ်နှင့် မစ္စုမာရ်တို့ဖြစ်ကြ၏။ ဒေ၀ပုတ္တမာရ်ဆိုသည်မှာ အားလုံးသိကြသော နတ်ပြည်ခြောက်ထပ်၏ အထက်ဆုံးနတ်ပြည် ဖြစ်သည့် ပရနိမ္မိတ၀ဿဝတီနတ်ပြည်ရှိ မာရ်နတ်သား ပင်ဖြစ်သည်။ ၎င်းမာရ်နတ်သည် ရဟန်းပုဂ္ဂိုလ် လူထိုထိုကို သံသရာပြတ်ကြောင်း အလုပ်လုပ်ပြီဆိုသည်နှင့် ထိုပုဂ္ဂိုလ်ကို ယင်းအလုပ် မအောင်မြင်အောင် နှောင့်ယှက်ဖျက်ဆီးလေတော့၏။ သူ့နှောင့်ယှက် မှု အောင်မြင်သွားလျှင် ထိုသူ ဘ၀များစွာ သေရတော့မည်ဖြစ်သောကြောင့် မာရ်နတ်ကို “မာရ=မာရ်=သတ်ဖြတ်သူ၊ ညှဉ်းပန်းနှိပ်စက်သူ”ဟု ခေါ်ပေသည်။ 

မာရ်နတ်မင်းကြီး ဘယ်လောက်များဆိုးလိုက်ပုံကိုပြောရလျှင် ဂေါတမမြတ်စွာဘုရား အလောင်းတော် သိဒ္ဓတ္ထမင်းသား တရားအားထုတ်ရန် တောထွက်ချိန်တွင် “ခုနစ်ရက်ကြာလျှင် စကြာမင်းကြီး ဖြစ်ရ ပါတော့မယ်။ ယခုလို ငယ်ရည်ငယ်သွေးအချိန်ဟာ ကာမဂုဏ်ကောင်းများ မြိန့်မြိန့်ကြီး ခံစားရမယ့်အချိန်ပါ။ တရားရှာတယ်ဆိုတာ အိုမင်းရင့်ရော်မှသာ ရှာတာပါ မင်းသား၊ နောက်ကြောင်းပြန် လှည့်ပါ။ တော မထွက်ပါနဲ့“ဟူ၍ သွေးဆောင်ခဲ့လေသည်။ အလောင်းတော် ဘုရားဖြစ်ခါနီးအချိန်တွင်လည်း ဖန်ဆင်း ထားသော တပ်မတစ်ထောင်တို့ဖြင့် ဘုရားအလောင်းတော်အား ကြောက်မက်ဖွယ်ကောင်းစွာ တိုက်ခိုက် ခဲ့လေသည်။ ဘုရားဖြစ်စ အချိန်တွင်လည်း “အရှင်ဘုရား နိဗ္ဗာန်လိုချင်တာ ရနေပြီပဲ။ တခြားသူတွေကို တရားတွေ လိုက်ဟောမနေပါနဲ့။ ပရိနိဗ္ဗာန်ပြုတော်မူပါ။”ဟူ၍ ဘုရားရှင်အား လျှောက်ကြားခဲ့ပြန်လေ သည်။ ကိလေသာမာရ်ဆိုသည်မှာ စိတ်ဆိုးစိတ်ညစ် ကိလေသာစိတ်များဖြစ်ပြီး ခန္ဓမာရ်က သေခြင်းဖြင့် အဆုံးသတ်သည့် ရုပ်ခန္ဓာကိုယ်၊ မစ္စုမာရ်က သတ္တ၀ါအားလုံး၏အဆုံးဖြစ်သော သေခြင်းတရား၊ အဘိသင်္ခါရမာရ်က ကုသိုလ်၊ အကုသိုလ်ကံရားများ ဖြစ်ကြလေသည်။ 

 ဒေ၀ပုတ္တမာရ်နတ်ကလည်း သတ္တ၀ါတို့ နိဗ္ဗာန်နှင့်ဝေးအောင် သွေးဆောင်ဖြားယောင်းနေသလို သတ္တ၀ါတို့၏ အတွင်းအဇ္ဈတ္တသဘော(မကောင်းမှု၌သာ မွေ့လျော်ပျော်ပိုက်လေ့ရှိသည့် မနောစိတ် ကိလေ သာမာရ်) ကလည်း နိဗ္ဗာန်ကို မမြင်ရအောင် အမြဲပင် ကားဆီးနေပေသည်။ ၀ဲသြဃ သံသရာမှာ ရည်မှန်းချက်မပါဘဲ ကျင်လည်နေကြရသည်သာ များလေသည်။ သတ္တ၀ါအများကို ထာဝရအေးချမ်းရာ နိဗ္ဗာန်သုခ မခံစားနိုင်အောင် ကားဆီးထားသည့် မာရ်နတ်၏စစ်တပ်ကြီးများမှာ အလွန်အင်အားတောင့် တင်းပေ၏။ တပ်မကြီးများသဖွယ် ခိုင်မာတောင့်တင်းပြီး တရားအားထုတ်သည့်ယောဂီ၌ “သဒ္ဓါ၊ သတိ။ သမာဓိ၊ ၀ီရိယ၊ ပညာ” ဟူသော နိဗ္ဗာန်ရရှိရေး တိုက်ခိုက်ကြသည့် ဗိုလ်ငါးပါး အင်အား မတောင့်တင်းပါက မာရ်နတ်၏ တပ်မကြီးများကို ကျော်လွှားနိုင်မည်မဟုတ်ပေ။ မာရ်နတ်၏ ဤတပ်မကြီးများကို ဗိုလ်ငါးပါးဖြင့် အားထုတ်ကြိုးပမ်းနေသည့် ယောဂီပင်လျှင် ကျော်လွှားနိုင်ရန် အထူးသတိရှိရသည်ဖြစ်ရာ တရားကို မယုံကြည်၊ ခန္ဓာကို အတ္တဖြင့်မှီ၍ သတိ၊ သမာဓိ၊ ၀ီရိယတရားတို့ကင်းနေသော အန္ဓပုထုဇဉ်တို့ကား မာရ်နတ်၏တပ်မကြီးများကို ရန်သူဟုပင် မမြင်နိုင်တော့ဘဲ မိမိ၏မိတ်ဆွေ အပေါင်းအဖော်များအဖြစ် မှတ်ယူနေတတ်ကြလေသည်။ ရန်သူကို မိတ်ဆွေအမှတ်ဖြင့် ပေါင်းဖော်မိသူမှာ မိမိပေါင်းဖော်မိသော ရန်သူ၏သတ်ခြင်းကို ခံရသလို ဘ၀များစွာ အကြိမ်ကြိမ် သေပွဲဝင်ခဲ့ကြရသည့် ပုထုဇဉ်၏အဖြစ်ကား စက်ဆုတ်ဖွယ်ရာဖြစ်ချေသည်။ 

“ငါးအာရုံအင်အစု၊ ခင်မှုနှင့်နေ့ကုန်၊ နင်ယခုမေ့ပုံလို၊ တွေ့မကြုံစခန်း၊ ပါယ်လေးဝ သောက ဘုံမှာ၊ မျောရရုံ ရှိတော့ခမန်း”ဆိုသည့် ကျေးဇူးတော်ရှင် လယ်တီဆရာတော် ဘုရားကြီး အဆုံးအမအတိုင်း ငါးပါးအာရုံ ကာမဂုဏ်တို့ကို တဏှာဖြင့် ရစ်ပတ်နှောင်ဖွဲ့၍ မောဟအမှောင်ထုအောက်မှာ ပျော်တပြုံးပြုံး မော်မဆုံးနိုင် သည့် ပုထုဇဉ်၏အဖြစ်ကား မျက်ကန်းလမ်းလျှောက်နေသူပမာဖြစ်တော့၏။ ပုထုဇဉ်တို့မှာ အဆင်းလှတော့ ကြည့်လိုချင်၊ အသံသာတော့ နားဆင်ချင်၊ အနံ့မွှေးမူ နမ်းရှူချင်၊ အရသာကောင်းမှ စားလိုလှ၍ အတွေ့အထိ ကောင်းကောင်းတွင် လဲလျောင်းမွေ့လျော်ချင်သည့် လောဘ၏စေခိုင်းရာအတိုင်း အာရုံခေါ်ရာ နောက်သာ လိုက်နေကြပြီး သေနေ့ကိုမေ့ထားကာ သတိတရားတွေပါး ပါရမီကုသိုလ်တရားဆို နားဖြင့်ပင် မကြားလိုချင်အောင် ကားဆီး၍ထားနေသည့် မာရ်နတ်၏ပထမစစ်တပ်ကြီးမှာ ကာမဂုဏ်ငါးပါး ကာမဂုဏ်တရားတို့ ဖြစ်ကြလေသည်။ 

“လှတာမက်တော့ ညစာခက်”ဆိုသလို လှတာလေးတွေ ၀တ်ချင်ကြလို့၊ လှတာလေးတွေ ကြည့်ချင်ကြလို့၊ လှနေတာချင်း ပြိုင်ချင်နေကြလို့ အလှကုန်ပစ္စည်းတွေလည်း ဈေးတက်လို့ နေကြကုန်ပြီ။ မည်မျှပင် တက်နေပါစေ ညစာသာအခက်ခံကြမည်၊ အလှတွေကိုတော့ ဆန့်ကျင်ဘက် မလုပ်နိုင်ကြပေ။ မိန်းကလေးအချို့မှာလည်း အဆင်းကလေး လှနေပါကြောင်း အချင်းချင်း ပြလိုနေကြ ၍ ကျောက်ခေတ်က လူသားပမာ လုံလုံခြုံခြုံဝတ်နိုင်ပါသော်လည်း အသားကို လေတိုးခံနေကြတော့၏။ မပေါ်ရုံ တမယ် ဖော်နေကြ သည်မှာ ချော်လဲလို့ပင် မတော်ပြီ။ မုဒုလက္ခဏဇာတ်တော်မှာ မိဖုရားကြီး မတော် လို့ ပေါ်တာတောင် အဘိညာဉ် ဈာန်ရသည့် ရသေ့ကြီးမှာ ဈာန်လျှော၍ မြေကြခဲ့ရဖူး၏။ ယခုလို အပြိုင်ဖော်နေကြသည်တွင် ကိလေသာစရိုက် နွားနှယ်လိုက်သကဲ့သို့ဖြစ်ကာ မာရ်နတ်မင်း အကြိုက်ဖြစ်တော့၏။ သြော်…ကိလေသာမာရ်နတ်မင်း ရူပါရုံ(အဆင်း)ဖြင့် မသေသေအောင် ဖို့သတ်လို့ နေချေသည်။ 

အိုအိုအေးဟု ချော့သိပ်မှ အိပ်တတ်သည့် ကလေးအရွယ်မှစ၍ သာယာငြိမ့်ငြောင်းသံစဉ် တို့ကိုသာ နားသောတ ဆင်လိုခဲ့ကြ၏။ တဏှာဖြင့် တပ်မက်နှောင်ဖွဲ့၍ သောတဖြင့် ငြိမ့်ကာ ငြောင်းလိုသလို အခဲမကျေမှုကိုလည်း ဒေါသဖြင့် ဟစ်ကြပြန်လေသည်။ မောဟအမှောင် ဖုံးသဖြင့်လည်း ဘာရယ်ညာရယ် မသိ၊ ထကြွကာ ကခုန်ကြပြီး နားသောတ မငြီးနိုင်ကြပေ။ ဒုန်းဒုန်းဒိုင်းဒိုင်း အုန်းအုန်းဂျိုင်းဂျိုင်းသံ ကြားလိုက်ပါလျှင် သောတ နားအကူဖြင့် ခန္ဓာကိုယ် စွေ့စွေ့ခုန်အောင် မာန်နတ်မင်းက အရူးထ မြူးကြွစေလေသည်။ သာယာငြိမ့်ငြောင်း၊ မသာယာ မငြိမ့်ငြောင်းသော်လည်း သဒ္ဒါရုံ(အသံ) အပေါင်း အဖော်ပြုကာ သံသာရာ လမ်းအဟောင်းမှာ သာ နားသောတ ကိန်းအောင်းမွေ့လျော်နေအောင် မာရ်နတ်မင်း သွတ်သွင်းနေချေသည်။ 

ထုံမွှေးကာကြိုင်သည့်ရနံ့ကိုသာ ဃာန(နှာခေါင်း)က ယိမ်းကာယိုင်လေသည်။ မမွှေးမကြိုင် ပုပ်စော် နံပါက ဒေါသဖြင့် ရှူးရှဲထကာ တရွှင်းရွှင်း မှုတ်ထုတ်ပါတော့၏။ ဘယ်ပန်းရနံ့ ညာပန်းရနံ့ဟူ၍ ဃာနက နမ်းမ၀လှကာ ဆံကေသာကိုလည်း သင်းကြိုင်နေမှ၊ မျက်နှာပြင်တွင်လည်း သင်းပျံ့နေမှ၊ ခန္ဓာကိုယ်အကုန်လုံး မွှေးထုံနေမှ ဃာနက သဘောကျ သည်ဖြစ်ရာ ဆံကေသာ၌လည်း စွတ်လိုက်ရသည့် ခေါင်းမွှေးဆီ၊ မျက်နှာပြင်၌လည်း လိမ်းခြယ်လိုက်ရသည့် ရောင်စုံအမွှေးပန်းချီ၊ တစ်ကိုယ်လုံးတွင်လည်း လိမ်းကျံလိုက်ရသည့် အမွှေးအလှဆီတို့ဖြင့် လိမ်းခြယ်ကာ သ,နေကြရသည်မှာ မာရ်နတ်မင်း၏ ဂန္ဓာရုံ(အနံ့) သတ်ကွင်းအတွင်း လည်စင်းလို့ ခံနေရချေသည်။ 

ဇိဝှါဆိုသော လျှာကလည်း ရသတဏှာ အားကြီးလာပါလျှင် တော်ထဲက ကြက်၊ ငှက်၊ ၀ှက် မဆိုထားနှင့် အိမ်ထဲက ခွေး၊ ကြောင်တို့ကိုပင် သတ်စားဖို့ ၀န်မလေးတတ်ချေ။ ရှေးအခါက နွားသတ်သမားတစ်ဦးသည် အမဲသားမပါလျှင် ထမင်းမစားတတ်သူဖြစ်ရာ တစ်နေ့သ၌ အမဲသားဟင်းမပါ၍ နောက်နေ့သတ်မည့်နွားကို အရှင်လတ်လတ် လျှာကိုဖြတ်ပြီး ကြော်ချက် စားသောက်မိခြင်းကြောင့် ပထမဇောစေတနာ အကျိုးပေး သဖြင့် စားနေဆဲ ထမင်းပန်းကန် ထဲသို့ သူ၏လျှာ ပြတ်ကျသေဆုံးကာ အ၀ိစိသို့ ကျရောက်ခဲ့ရလေသည်။ လျှာဆိုသည့်အတိုင်း အရသာကောင်းများကိုသာ ထာဝစဉ်ရှာဖွေနေတော့၏။ စားဖို့လည်းရှာ ရ၊ သောက်ဖို့လည်း ရှာရ၊ မျီးဖို့လည်းရှာနေကြရသည်မှာ လက်နှစ်လုံးခန့်သာရှိသည့် ယင်းလျှာကြောင့်ပါ တကား။ ဝေဒနက္ခန္ဓာနာမ်က ထိုလျှာဖြင့် ကြားခံထားပြီး လာသမျှအရသာကို မြိန်သျှက်လို့ သွားရေကျကာ လည်မြိုမှ အူအတွင်းသို့ သတိဉာဏ်ကင်းစွာ သက်ဆင်းနိုင်ဖို့အရေး မာရ်နတ်မင်းက ရသာရုံ ကြော့ ကွင်းဖြင့် ရစ်ပတ်လို့ ချည်နှောင်နေတော့၏။ 

ပါးလွှာလှသည့် ကိုယ်ကာယကလည်း အပြင်ဆုံးအလွှာဆိုသည့်အတိုင်း အရင်ဦးဆုံး အထိအတွေ့ရသည့် အရာပီပီ အသိမ်မွေ့ဆုံး နူးညံ့သည့်အရာများကိုသာ ထိတွေ့ခံစားလိုလှ ၏။ ဖောင်းဖောင် အိအိ ပျော့ပျောင်းငြောင်းငြိနေမှ နှူးနှတ်ထိသိချင်လှသဖြင့် ယုန်မွေး၊ သိုးမွေး၊ ပိုးမွေးတို့ဖြင့် ပြုလုပ်ထား သည့် အ၀တ်အစား ပျောင်းပျောင်းအိအိများကိုသာ ၀တ်လိုလှပေ၏။ ဖြစ်နိုင်ပါက နွေးထွေးနူးညံ့သည့် ကတီပါပြင်သာ ကမ္ဘာတခွင် ခင်းထားလိုလှသည်။ သင်းပျံ့ သည့် ပန်းမွေ့ယာမှာ နှစ်ကိုယ်မခွါ ချစ်သက်လျာနှင့် တီတီတာတာ စကားတွေပြောရင်း ထွေးဖက်ကာ အိပ်စက်ပျော်နေအောင် မာရ်နတ်က ဖောဋ္ဌဗ္ဗာ(အထိအတွေ့)အာရုံ ညွတ်ကွင်း ဖြင့် ကိလေသာမှိုင်းကာချကာ ဉာဏ်အမြင် ကန်းစေပါတော့သည်။ 

မာရ်နတ်၏တပ်တော်မှာ အမျိုးအဖော် ဆယ်ပါးရှာရာ အဆင်း၊ အသံ၊ အနံ့၊ အရသာ၊ အထိအတွေ့ ဟူသော ကာမဂုဏ်ငါးပါးဖြင့် ဖြားယောင်းသွေးဆောင်သည့် ပထမတပ်မကြီးသည် ကြီးမားထည်ဝါလှပါ၏။ သတိ ဉာဏ်ခိုင်ခံ့၍ ၀ီရိယကို မဏ္ဍိုင်ပြုကာ သမာဓိနှင့်သဒ္ဓါ အမြဲမခွါဆောင်ထားမှ မာရ်နတ်မင်း ညွတ်ကွင်း က လွတ်ကင်းအောင် အားထုတ်နိုင်ပေမည်။ မြင်ကားမြင်၏, မကြည့်၊ ကြားပါလျှင်လည်း နားမဆင်၊ နံပါမူ လည်း နမ်းမရှူ၊ ကောင်းနေက လည်း မတောင်းတဘဲ ထိနေသော်လည်း တဏှာ ဒိဋ္ဌိတို့ဖြင့် မကပ်ငြိရအောင် ဗိုလ်ငါးပါး မဂ္ဂင်တရားတို့ဖြင့် သတိထား ရှုပွားကြပါကုန်။ ထူထည်းလှသည့် ကိလေသာကို ယခုမကြာ အသိတရားနှင့် ဉာဏ်ဓားဖြင့် အလွှာပါးအောင် အခါခါ ရှုပွားရပါမည်။ ကိလေသာတို့ကို ဒါနဖြင့် လည်း ခွါချ၊ သီလဖြင့်လည်း ကွာကျစေကာ ဘာဝနာဖြင့်လည်း မပြတ်မလပ် အထပ်ထပ် အခါခါ ရှုပွားကျင့်ကြံရာ၏။ မြင်နေက မြင်သိ၊ ကြားပါက ကြားသိ၊ နံပါက နံသိ၊ စားပါက စားသိ၊ ထိပါက ထိသိ ဟူ၍ ရုပ်နှင့်နာမ် ဖြစ်ပျက်ဟန်ကို သဘောအမှန်ဆိုက်အောင် ယထာဘူတဉာဏ်နှင့် ခဏိက သမာဓိတို့ဖြင့် ထင်ရှားရာတစ်ခုခုသာ ပိုင်နိုင်စွာ ကြည့်ရှုနိုင်ပါ လျှင် ကတဉာဏ် ပြီးစေနိုင်ပေသည်။ 

 စာရှုသူဓမ္မမိတ်ဆွေများ မာရ်နတ်၏ပထမစစ်တပ်ကို ဗိုလ်ငါးပါးမဂ္ဂင် တရားဖြင့် အောင်မြင် စွာ ဖြတ်ကျော်နိုင်ကြရန်အလို့ငှါ သတိတရားဖြစ်စေကြောင်း မိတ်ဆွေကောင်းစေတနာထားပြီး ဤဆောင်း ပါး ရေးသားလိုက်ရပေသည်။ 
(ဣဒံ မေ ပုညံ အာသ၀က္ခယံ ၀ဟံ ဟောတု)

အပြည့်အစုံသို့

6 Feb 2013

နိုင်ငံ့အမတ်ကောင်း


“နမော တဿ ဘဂ၀တော အရဟတော သမ္မာသမ္ဗုဒ္ဓဿ”

နိုင်ငံ့အမတ်ကောင်း”ဆိုသည်မှာ မင်းနှင့်ပြည်သူတို့၏အကျိုးကို အမှန်တကယ်အလိုရှိသော စိတ်ကောင်းရှိသူဖြစ်ပြီး မည်သို့အကျိုးရှိအောင်ဆောင်ရွက်သင့်သည်ကိုလည်း မြော်မြင်သိရှိ ကာ ထိုအတိုင်း လက်တွေ့အကောင်အထည်ဖော် ဆောင်ရွက်နေသူပင်ဖြစ်၏။


မင်း ဆိုသည်မှာ သမ္မတဦးဆောင်သော အစိုးရအဖွဲ့ပင်ဖြစ်ပါသည်။ သက်ဦးဆံပိုင်ဘုရင်စနစ် တွင် ပြည်သူ့အရေးဆုံးဖြတ်ရာ၌ ဘုရင်၏ဆုံးဖြတ်ချက်မှန်ကန်မှုက လွန်စွာအရေးပါ၏။ ဤသို့ ဆုံးဖြတ်ချက်မှန်ကန်ရေးအတွက်လည်း ဘုရင့်ပညာရှိအမတ်တို့က အကြံဉာဏ်များပေးကြရ ၏။ ပညာဉာဏ်အမြော်အမြင်ရှိသောဘုရင်ဖြစ်ပါက ပညာရှိအမတ်တို့၏အကြံဉာဏ်ကို ကိုယ်တိုင်ဆင်ခြင်ထောက်ရှု၍ဆုံးဖြတ်ကာ ပြည်သူများ ချမ်းသာပွားရပေသည်။ ဉာဏ်အမြော် အမြင်နည်းသော ဘုရင်ဖြစ်ပါက ပညာရှိမှူးမတ်တို့၏ အကြံဉာဏ်တစ်ခုသာလျှင် အားထားရာ ဖြစ်သလို ဘုရင်က စိတ်လိုက်မာန်ပါဖြင့် မိမိအလိုတစ်ခုကိုသာကြည့်ဆုံးဖြတ်၍ ဆုံးဖြတ်ချက် မှားသွားပါက ပြည်သူများ ဒုက္ခပွားကြရပေသည်။ ထိုစနစ်တွင် ပညာရှိအမတ်များသည် မင်းနှင့် ပြည်သူတို့၏ အကျိုးစီးပွားဖြစ်ထွန်းရေးအတွက် လွန်စွာအရေးပါသူများဖြစ်ကြလေသည်။ ပညာရှိမှူးမတ်တို့၏ ဘုရင်အား သံတော်ဦးတင်လျှောက်ထားသောစကားများသည် တိုင်းပြည် အရေး၊ လူမှုအရေး၊ စီးပွားအရေး၊ ဘာသာသာသနာအရေး၊ တစ်ဦးတစ်ယောက်၏အရေးများ ကို ကောင်းသွားအောင်၊ ဆိုးသွားအောင် ဖန်တီးနိုင်သော မီဒီယာတစ်ခုဖြစ်ပါသည်။

ဥပမာ သာဓကထုတ်ပြရပါလျှင် ရှေးမြန်မာဘုရင်လက်ထက်အခါက သူဆင်းရဲလင်မယား နှစ်ယောက်ရှိကြ၏။ တစ်နေ့စားရဖို့အရေး လင်မယားနှစ်ဦးစလုံး နဖူးကချွေး ခြေမကျအောင် အလုပ်လုပ်ကြရသည့် သူဆင်းရဲများဖြစ်ကြ၏။ ၎င်းတို့နှစ်ဦးတွင် သံယောဇဉ်နှောင်ကြိုး ချည်နှောင်ကာထပ်တိုးလာသည်မှာ မယား၌လွယ်ထားရသော သန္ဓေဦးပင်ဖြစ်၏။ တစ်နေ့သ၌ မယား၏ချင်ခြင်းဖြစ်ပုံမှာ တိုင်းပြည်အုပ်ချုပ်မင်းလုပ်သူ၏ ပွဲတော်အုပ်ကိုမှ လွန်စွာစားချင်လှ ကာ မစားရပါက သေရတော့မည့်အရေး ပေါ်ပေါက်လာလေသည်။ သန္ဓေသား၏ ပူစာသည့် အရေး ဖခင်ကြီး တွေးပူရချေပြီ။ ဖခင်ခမျာ မိဘမေတ္တာစဦးဖြာသည့် ရှေးကုသလာအမှီပြု၍ အကုသလာ လုပ်ငန်းစဉ်ကို ကြံတွေးကာလုပ်မိလေတော့၏။ ဦးပြည်းကို ပြောင်အောင်ရိတ် ကာ သူတော်အယောင်ဆောင် သပိတ်သင်္ကန်းတို့ဖြင့် ဘုရင့်ပွဲတော်အမီ ကြွမြန်းလေသည်။ ပွဲတော်တည်တော့မည့် ဘုရင့်ရှေ့မှောက်တွင် မျက်လွှာချရပ်တော်မူရာ ဘုရင်ကြီးတွေးလိုက် သည်မှာ “ဤမျှ ရဲဝံ့လှသည့်အရှင်ဟာ သာမန်သူ မဖြစ်တန်ရာ။ တရားထူးရရှိပြီးသည့် အရှင် မြတ် ဧကန်ဖြစ်တန်ရာ၏။” ဟူ၍ စဉ်းစားပြီး ဆွမ်းဟင်းတို့ကို သပိတ်တွင် အပြည့်လောင်းလှူ လိုက်လေသည်။

ထို့နောက် မင်းကြီးသည် သပိတ်ဖြင့်ကြွမြန်းသွားသောအရှင်ကို သဒ္ဓါဖြင့် ကြည်ညိုမဆုံးဖြစ် သည့်အပြင် သူထင်ခဲ့သည့်အတိုင်း ထပ်မံကြည်ညိုနိုင်ရေးအတွက် နောက်ယောင်ခံကြည့်ရှုရန် ပညာရှိအမတ်တစ်ယောက်ကို စေလွှတ်တော်မူလေသည်။ ပညာရှိအမတ်လည်း မင်းကြီး၏ စေခိုင်းချက်အတိုင်း နောက်ယောင်ခံကြည့်ရှုရာ ရှေ့မှ တရွေ့ရွေ့ကြွကာသွားနေသည့်အရှင် သည် ဇရပ်တစ်ခုနားအရောက်တွင် သင်္ကန်းကို လျင်စွာချွတ်၍ လူဝတ်လဲကာ ဇရပ်၌ စောင့်နေ ရစ်ခဲ့သော မယားနှင့်အတူ ပွဲတော်အုပ် ထမင်းဟင်းတို့ကို အမြန်မနှေး နှစ်ဦးသား လွေးကြ လေတော့၏။ ပညာရှိအမတ်သည် ထိုအခြင်းအရာကိုမြင်သော် လွန်စွာမှစိတ်မကောင်းဖြစ်ရ သော်လည်း တွေးခေါ်၍စဉ်းစားလိုက်သည်မှာ “အမှန်အတိုင်း ဘုရင့်ထံ လျှောက်ကြားပါက ဘုရင်အမျက်တော်ရှ၍ ထိုလင်မယားနှင့်အတူ ၀မ်းဗိုက်ထဲက ကလေးပါ သေရလိမ့်မည်။ မင်းကြီးသည်လည်း ကြည်ညိုသဒ္ဓါတရားစိတ်များ ပျက်ယွင်းကာ ကုသိုလ်စိတ်ပျောက်၍ ဒေါသစိတ် ထောင်းထောင်းထရပေလိမ့်မည်။ ထို့ကြောင့် နှစ်ဦးနှစ်ဖက် အကျိုးဖြစ်ထွန်းအောင် သာ ငါ လျှောက်တင်ရပေမည်”ဟူ၍ တွေးခေါ်မြော်မြင်ပြီး ဘုရင့်ထံရောက်ချိန်တွင် ဘုရင်ကြီး က သိလိုဇောဖြင့် အားပါးတရ အလျင်အမြန်မေးလေသော် ပညာရှိအမတ်၏ လျှောက်ထားပုံ မှာ “မှန်လှပါ အရှင်မင်းကြီး၊ အရှင်မင်းကြီး စေလွှတ်သည့်အတိုင်း ကျွန်တော်မျိုး နောက်ယောင်ခံလိုက်ပါသွားရာ ဇရပ်တစ်ခုနားအရောက်တွင် ရှေ့မှကြွမြန်းနေသောအရှင် သည် ရဟန်းအသွင်ပျောက်သွားပါ၍ ပြန်လာခဲ့ရပါသည်ဘုရား”ဟု လျှောက်တင်လေသော် မင်းကြီးက “ငါ မပြောပေဘူးလား၊ ဒီအရှင်ဟာ ဈာန်အဘိညာဉ်ရထားသည့်ပုဂ္ဂိုလ်ထူးဆိုတာ” ဟူ၍ ပိတိသောမနဿများ ထပ်ဖြစ်ကာ ကြည်ညိုသဒ္ဓါတရားစိတ်များ ပိုမို၍ ဖြစ်ပွားခဲ့ရပေ သည်။

ထိုပညာရှိအမတ်ကြီးကား နိုင်ငံ့အမတ်ကောင်းပင်တည်း။ မင်း၏အကျိုးကိုလည်း အမှန်စင်စစ် လိုလားသူဖြစ်သလို ပြည်သူအကျိုးကိုလည်း အမှန်တကယ်လိုလားသော စိတ်ကောင်းရှိသူ ဖြစ်၏။ မုသားစကားကိုမဖြစ်စေဘဲ ပညာဉာဏ်ဖြင့် ပရိယာယ်စဉ် လျှောက်ကြားခဲ့ပုံ၊ မှန်သော် လည်း အကျိုးမရှိသောစကားကိုရှောင်ရှား၍ အမြော်အမြင်ရှိရှိ လျှောက်ထားခဲ့ပုံ၊ အမတ်ကြီး၏ စိတ်ထားမွန်မြတ်ပုံတို့မှာ အတုယူဖွယ်ရာဖြစ်ပေသည်။

နှစ်ဦးနှစ်ဖက် အကျိုးရှိအောင်ဆောင်ရွက်ခြင်းသည် ပညာရှိတို့ဆောင်ရွက်သည်လုပ်ငန်းဖြစ် ၏။ ထိုလုပ်ငန်းမျိုးကို ပညာဉာဏ်အမြော်အမြင်ရှိမှသာလည်း ဆောင်ရွက်နိုင်ပေသည်။ သုစိန္တိတ စိန္တီ- ကောင်းသောကြံစည်ခြင်း၊ သုဘာသိတ ဘာသီ- ကောင်းသောပြောဆိုခြင်း၊ သုကရ ကမ္မကာရီ- ကောင်းသောအလုပ်တို့ကိုသာဆောင်ရွက်ခြင်းတို့သည် သူတော် ကောင်းတို့၏ ဂုဏ်အင်္ဂါအရည်အချင်းတို့ပင်ဖြစ်ပေသည်။

ယခုအခါ၌ ကျွန်ုပ်တို့၏ ပြည်ထောင်စုနိုင်ငံတော်ကြီးသည် စည်းကမ်းပြည့်ဝ၍ ခေတ်မီဖွံ့ဖြိုးတိုး တက်သောဒီမိုကရေစီနိုင်ငံတော်အဖြစ် ကမ္ဘာ့အလယ်တွင် ရပ်တည်နိုင်အောင် ကြိုးစားကာ ဒီမိုကရေစီစနစ်ကိုကျင့်သုံးနေသောနိုင်ငံဖြစ်၏။ ယခုစနစ်သည်ကား ရှေးအခါက သက်ဦးဆံ ပိုင်ဘုရင်စနစ်ကဲ့သို့ မဟုတ်တော့ချေ။ နိုင်ငံအမတ်ကောင်းစိတ်ဓာတ်ဖြင့် တာဝန်ယူဆောင် ရွက်ရန်အတွက် ဘုရင်စနစ်က ပညာရှိအမတ်များ(ယခု အကြံပေးပုဂ္ဂိုလ်များ)ကသာ နိုင်ငံ အရေး ကောင်းစားဖို့ အဓိကကျသည် မဟုတ်တော့ချေ။ လူတိုင်းလူတိုင်းက အသ်ိရှိရှိ တာဝန်သိသိဖြင့် မိမိ၏ဆန္ဒကို ဖော်ထုတ်ခွင့်၊ ဟောပြောခွင့်၊ ရေးသားခွင့်၊ အကြံပြုခွင့်၊ သိလိုက မေးမြန်းခွင့် အစရှိသည့် လူ့ဘောင်လောက လူသားဓမ္မတာအတိုင်း စိတ်ထဲတွင် ချုပ်တည်းမထားဘဲ ချမှတ်ထားသောစည်းကမ်းစနစ်တကျဖြင့် ဖော်ထုတ်ပိုင်ခွင့်ရှိလေသည်။

ထိုသို့ ထုတ်ဖော်မှုကို ဖော်ထုတ်ပေးကြသော သတင်း၊ မီဒီယာ၊ စာပေစာနယ်ဇင်းတို့သည် ဘုရင်စနစ်က နိုင်ငံအမတ်ကြီးများသဖွယ်ဖြစ်၏။ မင်းနှင့်ပြည်သူအကြား စေ့စပ်ညှိနှိုင်းပေးကြ သော၊ နှစ်ဖက်စလုံးအကျိုးရှိရေးကို ဆောင်ရွက်ပေးကြသူများအဖြစ် တာဝန်ယူဆောင်ရွက်ကြ ရပေမည်။ နိုင်ငံ့အမတ်ကောာင်းဖြစ်ဖို့ရန်ကား လွန်စွာကြိုးစားအားထုတ်ရပါမည်။ အစွန်း ရောက် တွေးခေါ်မှုမျိုး မဖြစ်စေရ။ အစွန်းရောက်ပြောကြားရေးသားမှုမျိုး မဖြစ်စေရ။ အစွန်း ရောက်လုပ်ကိုင်ဆောင်ရွက်မှုမျိုး မဖြစ်စေရပေ။ လွန်စွာ သတိကြီးကြီး ရှိရပေမည်။ မျှတသော တွေးခေါ်မှု၊ ဘက်မလိုက်သော ဆင်ခြင်စဉ်းစားမှုမျိုးရှိကာ သမာသမတ်ကျသော ပြောဆို ရေးသား လုပ်ကိုင်ဆောင်ရွက်မှုမျိုး အမြဲရှိကြရမည်ဖြစ်၏။ မင်းနှင့်ပြည်သူတို့၏အကျိုးကို အစဉ်လိုလားသောစိတ်ကောင်းရှိသူဖြစ်ပြီး အမှန်တကယ်အကျိုးဖြစ်နိုင်သော စာပေတို့ဖြင့် အကျိုးပြုဆောင်ရွက်နိုင်အောင် ကြိုးပမ်းဆောင်ရွက်သင့်ပေသည်။

ရဟန်းသံဃာတော်တို့သည်လည်း တိုင်းပြည်အရေး၊ လူမျိုးအရေး၊ ဘာသာသာသနာအရေး အပါအ၀င် ဒီမိုကရေစီနိုင်ငံတော်ကြီးတည်ဆောက်ရေးအတွက် အဓိကပါဝင်ရမည်ဖြစ်၏။ ရဟန်းသံဃာတို့ကား ပြည်သူများကဲ့သို့ အခြေခံဥပဒေဘောင်တစ်ခုကိုသာ လိုက်နာဆောင် ရွက်ကြရမည့်ပုဂ္ဂိုလ်မျိုးများ မဟုတ်ကြပေ။ မြတ်စွာဘုရားပညတ်တော်မူသော ၀ိနည်းဒေသနာ ဥပဒေကိုပါ လိုက်နာပြီး ဥပဒေဘောင်နှစ်ခုအတွင်းမှ ဆောင်ရွက်ကြရမည့်ပုဂ္ဂိုလ်များ ဖြစ်ကြ၏။ မင်းနှင့်ပြည်သူတို့ကို ဟန်ချက်ညီစွာ ပေါင်းစပ်ဆောင်ရွက်နိုင်ရန်အတွက် ဘုရား အဆုံးအမတော်တို့ဖြင့် လမ်းကြောင်းမှန်ပြ ဆုံးမနိုင်သောပုဂ္ဂိုလ်များ ဖြစ်ကြပေသည်။

ဒီမိုကရေစီနိုင်ငံတော်ကြီးတွင် နိုင်ငံသားအားလုံး လိုက်နာဆောင်ရွက်ကြရမည့် စည်းကမ်း နည်းလမ်းအားလုံးသည် မြတ်စွာဘုရားဟောကြားခဲ့သော ပိဋကတ်သုံးပုံမှမလွတ်သည့် စည်းကမ်းနည်းလမ်းဥပဒေသတို့သာဖြစ်ပါသည်။ ယနေ့ခေတ်နိုင်ငံသားတို့အနေဖြင့် ပါဠိဖြင့် မရင်းနှီးကြသောကြောင့် ရဟန်းသံဃာတော်တို့က ဘုရားရှင်၏ ပါဠိတော်ကို ယနေ့ခေတ် လူများ နားလည်လွယ်သည့် အညတ်စကားတို့ဖြင့် သုံးနှုန်းကာ နှလုံးသားအတွင်း ဒီမိုကရေစီ စည်းကမ်းများ ရိုက်သွင်းပေးနိုင်ပေသည်။

မြတ်စွာဘုရားသည် သန့်ရှင်းမှုကို နှစ်သက်မြတ်နိုးတော်မူ၏။ အခါတစ်ပါး၌ ရှင်သာရိပုတ္တရာ ကိုယ်တော်ကြီးသည် သန့်ရှင်းရေးဆောင်ရွက်ပြီး အမှိုက်ပုံဘေးတွင် ဖလသမာပတ်ဝင်စားရာ ဘုရားရှင်ကြွလာပြီး ဤမျှ အထွတ်အထိပ်ထားအပ်သောတရားကို ဤကဲ့သို့ အမှိုက်ပုံ ဘေး၌ ၀င်စားရန်မသင့်တော်ကြောင်း ဆုံးမတော်မူခဲ့ဖူးလေသည်။ နိုင်ငံသားများအနေဖြင့် ကားပေါ်ကနေ ပလပ်စတစ်အမှိုက်များပစ်ချခြင်း၊ ကွမ်းတံတွေးများ ထွေးချင်သလိုထွေးခြင်း၊ အမှိုက်များကို စွန့်ပစ်ချင်သလို စွန့်ပစ်နေကြခြင်းသည် ဘုရားရှင်ဆုံးမစကားနှင့် ဆန့်ကျင်နေ သလို ဒီမိုကရေစီနိုင်ငံတော်က နိုင်ငံသားများ ရှောင်ကြဉ်ရမည့်လုပ်ရပ်များဖြစ်၏။ အမှိုက်များ ကို အမှိုက်ပုံးအတွင်း စနစ်တကျစွန့်ပစ်၍ သတ်မှတ်ထားသောနေရာသို့ရောက်အောင် ပို့ဆောင်ရှင်းလင်းခြင်းသည် မြတ်စွာဘုရား နှစ်သက်တော်မူသော၊ ချီးကျူးတော်မူသော၊ တစ်နည်း တရားအားထုတ်ခြင်းဖြစ်ပေသည်။

ရဟန်းသံဃာတော်တို့သည် ဘုရားအဆုံးအမသြ၀ါဒတို့ဖြင့် နိုင်ငံသားများ၏နှလုံးသားထဲသို့ ဘာသာရေးအသိစိတ် တည်ဆောက်ပေးခြင်းဖြင့် ဒီမိုကရေစီစည်းကမ်းများ ပြည့်ဝလာကြ အောင် ဆုံးမပြီး “နိုင်ငံအမတ်ကောင်း”တာဝန်ကို ယူနိုင်ကြပေသည်။ ရဟန်းသံဃာတော်များ ၏ ဆောင်ရွက်နိုင်မှုကား မင်းနှင့်ပြည်သူအားလုံးအတွက် လောကီအရေး ကောင်းစားရေး သာမက လောကုတ္တရာအသိအမြင် ရရှိရေးကိုပါဖြစ်စေပြီး နိုင်ငံတော်၏ မျက်လုံးများသဖွယ် ဖြစ်၏။ အမှားကိုမြင်အောင်၊ အမှန်ကို လမ်းပြဆောင်ကြဉ်းပေးကြသော ပုဂ္ဂိုလ်များဖြစ်ကြ၏။ စည်းကမ်းပြည့်ဝပြီး ခေတ်မီဖွံ့ဖြိုးတိုးတက်သော နိုင်ငံတော်ကြီးတည်ဆောင်နိုင်ရန်အတွက် မည်သူ့ဘက်ကိုမှမလိုက် သစ္စာဓမ္မသက်သက်ဖြင့် လမ်းပြနိုင်သူများဖြစ်ကြပေသည်။

ဗွီဒီယိုရုပ်ရှင်နှင့် အနုပညာသမားတို့သည်လည်း စည်းကမ်းပြည့်ဝပြီး ခေတ်မီဖွံ့ဖြိုးတိုးတက် သောနိုင်ငံတော်ကြီး ပေါ်ထွန်းလာစေရေးအတွက် ကျယ်ပြန့်စွာစွမ်းဆောင်နိုင်လေသည်။ လူ့ သဘောသည် ခံစားမှု ရသ,ကိုသာ နှစ်သက်သူ များကြ၏။ အနုပညာသဘောအရ ခံစားမှု ရသ,များ ပါနေရမည်ဖြစ်သော်လည်း ထိုခံစားမှုဖြင့် ဖန်တီးထားသော အနုပညာများကြားထဲ တွင် သုတရသများ၊ ဒီမိုကရေစီနည်းလမ်း ပညာပေးဗဟုသုတများပါဝင်စေကာ အနုပညာ ဖန်တီးမှုဖြင့် ပညာပေးဖော်ထုတ်ပြနိုင်ပေသည်။ အနုပညာသမားတို့သည် မင်းနှင့်ပြည်သူတို့၏ အချစ်တော်များဖြစ်ကြ၏။ တဏှာဖြင့် နှောင်ဖွဲ့၍ အချစ်မခံလိုကြပါနှင့်။ မေတ္တာဖြင့် ချစ်ခြင်း ခံကြရအောင် နေထိုင်ကျင့်ကြံကြရန် တင်ပြလိုပါသည်။ တဏှာဖြင့်ကား လွန်စွာရှုပ်ထွေး ပွေလီလှသဖြင့် တဏှာဖြင့် ဆွဲဆောင်စည်းရုံးနေပါက မြန်မာ့ယဉ်ကျေးမှု ပျက်ယွင်းသွားလျှင် မြန်မာတို့ကျင့်သုံးရမည့် ဒီမိုကရေစီစနစ်မျိုး တည်ဆောက်နိုင်လိမ့်မည်မဟုတ်ပေ။ ထို့ကြောင့် လူတို့သဘောအရ မိမိချစ်မြတ်နိုးသောသူတို့၏ အပြုအမူ၊ အနေအထိုင်၊ အကျင့်စာရိတ္တတို့ကို အတုလိုက်တတ်ကြသည်ဖြစ်ရာ အနုပညာသမားအားလုံးအနေဖြင့်  မိမိနိုင်ငံသားတို့ကို ကောင်းမွန်သောအမူအကျင့်များဖြစ်လာအောင်၊ ကောင်းမွန်သောနိုင်ငံသားများဖြစ်လာအောင် ဆောင်ရွက်ကြပြီး “နိုင်ငံအမတ်ကောင်း”တာဝန်ကို ယူနိုင်ကြပေသည်။

စီးပွားရေးအောင်မြင်ကြသော ကုန်သည်များ၊ ကုမ္ပဏီများ၊ နိုင်ငံ့သူဌေးသူကြွယ်များသည် လည်း တိုင်းပြည်နှင့်နိုင်ငံသားများအတွက် အရေးပါလှပေသည်။ စီးပွားရေးဆောင်ရွက်ရာတွင် အတ္တစီးပွားရေးသမားနှင့် ပရစီးပွားရေးသမားဟူ၍ နှစ်မျိုးရှိရာ ပရစီးပွားရေးသမားဖြစ်အောင် အားထုတ်ခြင်းဖြင့် “နိုင်ငံ့အမတ်ကောင်း”တာဝန်ကို ယူနိုင်ကြ၏။ မိမိချမ်းသားရေးကိုသာ ဦးတည်ပြီး မင်းကိုလာဘ်ပေးစည်းရုံးကာ ပြည်သူကို ဆင်းရဲသည်ထက်ဆင်းရဲအောင် လုပ်ဆောင်ကြသူများကား အတ္တစီးပွားရေးသမားတို့ဖြစ်၏။ မင်းနှင့်ပြည်သူတို့၏အကျိုးကို အလိုရှိပြီး စိတ်ကောင်းစေတနာကောင်းထားကာ မေတ္တာဖြင့်စီးပွားရှာခြင်းသည် ပရစီးပွားရေး သမားတို့ဖြစ်၏။ တိုင်းပြည်၏ ပညာရေး၊ ကျန်းမာရေး၊ အခြားအခြားသောတိုးတက်ရေးတို့ကို စီးပွားရေးအောင်မြင်နေကြသော တိုင်းပြည်၏သူဌေးကြီးများက ၀ိုင်းဝန်းကူညီပံ့ပိုးပေးခြင်းဖြင့် မိမိနိုင်ငံတော်ကို အမြန်ဆုံးတိုးတက်အောင် ဆောင်ရွက်နိုင်ပေသည်။

မိမိတို့နိုင်ငံတော်တွင် စာသင်ကျောင်းကောင်းကောင်း မတည်ဆောက်နိုင်သော ကျေးရွာလေး များ၊ ဆေးရုံကောင်းကောင်း၊ ဆေးပစ္စည်းအထောက်အပံ့ကောင်းကောင်း မရှိကြသော နယ်မြေဒေသများ၊ စာပေပညာ သင်ကြားလိုသော်လည်း ပညာသင်စရိတ်အခက်အခဲဖြစ်နေ သော ကျောင်းသူကျောင်းသားလေးများ၊ သားသမီးတို့ပညာရေးကို မြှင့်တင်ပေးချင်သော် လည်း မထောက်ပံ့နိုင်ကြသော ဆင်းရဲသားမိဘပြည်သူများကို နိုင်ငံတော်ရှိ သူဌေးသူကြွယ် ကြီးများက နိုင်ငံတော်၏ ကျန်းမာရေးနှင့်ပညာရေးကဏ္ဍ မြှင့်တင်နိုင်ရေးအတွက် မိမိတို့နိုင် သလောက် ၀ိုင်းဝန်းပြီး အထောက်အပံ့အကူအညီပေးခြင်းဖြင့် မင်းနှင့်ပြည်သူတို့၏အကျိုး အတွက် “နိုင်ငံအမတ်ကောင်း”အဖြစ် တာဝန်ယူဆောင်ရွက်နိုင်ပေသည်။

Technision (စက်မှုအတတ်ပညာရှင်)များသည်လည်း စက်မှုနိုင်ငံတော်တည်ဆောက်ရန် အတွက် အဓိကကျပေသည်။ မိမိ၏ ဆန်းသစ်တီထွင်မှုတို့ဖြင့် နိုင်ငံတော်၏စက်မှုကဏ္ဍကို မြှင့်တင်ပေးနိုင်ကြသူများအဖြစ် ကြိုးပမ်းအားထုတ်နိုင်ပေသည်။ ကိုယ်တိုင် ဆန်းသစ်တီထွင် နိုင်သူများဖြစ်အောင် အားထုတ်ကြိုးပမ်းနေကြသလို မိမိနိုင်ငံ၌ စက်မှုအတတ်ပညာရှင်များ ပေါများလာအောင် လူငယ်တို့ကို အားပေးအားမြှောက်ပြုကာ မွေးထုတ်ပေးရန် လိုအပ်ပါ သည်။ ထိုသို့အားထုတ်ခြင်းဖြင့် မင်းနှင့်ပြည်သူတို့၏အကျိုးကို ဆောင်ရွက်ပေးသလိုဖြစ်သော ကြောင့် “နိုင်ငံ့အမတ်ကောင်း”များအဖြစ် တာဝန်ယူဆောင်ရွက်နိုင်ကြပေသည်။

အစိုးရအဖွဲ့သည် ဥပဒေပြုရေး၊ အုပ်ချုပ်ရေး၊ တရားစီရင်ရေးကဏ္ဍတို့ကို ပီပြင်မှုရှိအောင်၊ မျှတမှုရှိအောင်၊ ပြည်သူတို့ကို အမှန်တကယ်အကျိုးရှိစေအောင်၊ တိုင်းပြည်၏ဂုဏ်သက္ခာကို မြင့်သည်ထက်မြင့်အောင်၊ မိမိအုပ်ချုပ်နေကြရသော နယ်မြေဒေသ၊ အခန်းကဏ္ဍတို့အလိုက် ကောင်းမွန်သည်ထက် ကောင်းမွန်အောင်၊ တစ်နေ့တခြား တရိပ်ရိပ်ဖြင့် တိုးတက်မှုရှိနေ အောင် အမြော်အမြင်ရှိရှိ၊ သစ္စာရှိရှိဖြင့် ရိုးသားကြိုးစားကြရမည့်သူများဖြစ်၏။

စည်းကမ်းပြည့်ဝပြီး ခေတ်မီဖွံ့ဖြိုးတိုးတက်သောနိုင်ငံတော်တည်ဆောက်ရန်အတွက် အရေး ကြီးဆုံးသူများကတော့ ပြည်သူလူထုပင်ဖြစ်၏။ ဒီမိုကရေစီနိုင်ငံသားစည်းကမ်းတို့ကို တစ်ဦး ချင်းလိုက်နာကာ အစိုးရအဖွဲ့ကို ပံ့ပိုးကူညီလုပ်ကိုင်ကြရမည်ဖြစ်၏။ ပြဋ္ဌာန်ထားသည့် အခြေခံ ဥပဒေနှင့်အညီနေထိုင်ကျင့်ကြံကာ နိုင်ငံကြီးသားစိတ် မွေးမြူကြရမည်ဖြစ်၏။ အလုပ်လုပ်သူ အတွက် အခွင့်အရေးဆိုတာရှိ၏။ အလုပ်လက်မဲ့အတွက် အခွင့်အရေးဆိုတာ မရှိနိုင်ပါ။ ထို့ကြောင့် ပြည်သူပြည်သားအားလုံးက လူတိုင်း အလုပ်လုပ်ဖို့လို၏။ တစ်ဦးချင်းဝင်ငွေ တိုးတက်ဖို့ကိုသာ ဆိုလိုခြင်းမဟုတ်ပေ။ ရွာရေး၊ ရပ်ရေး၊ မြို့နယ်ရေး၊ ပြည်နယ်ရေး၊ နိုင်ငံရေး ဟူ၍ အဆင့်ဆင့်ကောင်းလာအောင် အခြေခံကစပြီးကောင်းအောင် ၀ိုင်းဝန်းကူညီ လုပ်ကိုင် ဆောင်ရွက်ကြမှ၊ အားလုံးအလုပ်လုပ်မှ နိုင်ငံ အမြန်ဆုံးတိုးတက်မည်ဖြစ်၏။ နိဗ္ဗာန်ရရှိရေး အတွက် ပါရမီဆယ်ပါးဖြည့်ကျင့်မှုကို တောင်းယူ၍ မရ၊ ကိုယ်တိုင်ဖြည့်ကျင့်ဆည်းပူးမှ ရသကဲ့သို့ (ပါရမီဆိုသည်မှာ မိုးကျရွှေကိုယ်မဟုတ် သကဲ့သို့) မိမိနိုင်ငံတော်ကို စည်းကမ်း ပြည့်ဝကာ ခေတ်မီဖွံ့ဖြိုးတိုးတက်သော ဒီမိုကရေစီနိုင်ငံတော်ကြီးဖြစ်လာအောင် ဆောင်ရွက်ရ မည်မှာလည်း တောင်းယူရမည့်အရာ မဟုတ်၊ လူတိုင်း ကိုယ်စီလုပ်ယူမှ ရမည့်အရာ ဖြစ်ပေသည်။

ပုထုဇဉ်လူသားတို့တွင် အမှားနှင့် မကင်းနိုင်ကြပေ။ လူတိုင်းတွင် အမှားကိုယ်စီ ရှိကြ၏။ ဂေါတမမြတ်စွာဘုရားအလောင်းတော်ကြီးပင် နုစဉ်အခါ ပုထုဇဉ်တုန်းက အမှားတွေ ကျူးလွန် မိခဲ့သည်များကြောင့် ၀ိပက်တော် (၁၂) ပါးကို  ဘုရားဖြစ်ချိန်တွင် ကျေအောင် ပြန်ဆပ်ခဲ့ရပေ သည်။ သာမန်လူသားတို့အတွက် အမှားဆိုတာ အပြစ်ဟုမဆိုနိုင်ပါ။ ဖြစ်တတ်သော သဘောတရားသာဖြစ်ပါသည်။ ထို့ကြောင့် ကျွန်ုပ်တို့သည် တစ်ယောက်နှင့်တစ်ယောက်၊ တစ်ဖက်နှင့်တစ်ဖက်၊ တစ်အုပ်စုနှင့်တစ်အုပ်စု အပြန်အလှန် ရှုံ့ချခြင်း၊ ကဲ့ရဲ့ခြင်း၊ အပြစ်တင် ခြင်း၊ အထင်သေးခြင်းတွေကို ရှောင်ရှား၍ တူညီသော ဒီမိုကရေစီ စည်းကမ်းနည်းလမ်း (Common Way)အတိုင်း တစ်ဦးကတစ်ဦးကို ကူညီဖေးမ ပရဟိတစိတ်ဓာတ်ဖြင့် လျှောက် လှမ်းကာ “နိုင်ငံ့အမတ်ကောင်း”အဖြစ် လူတိုင်းက တာဝန်ယူ၍ စည်းကမ်းပြည့်ဝပြီး ခေတ်မီ ဖွံ့ဖြိုးတိုးတက်သော ဒီမိုကရေစီနိုင်ငံတော်ကြီးတည်ဆောက်ကြရန် လိုအပ်ပါကြောင်းနှင့် ဘုရားရှင်ဟောကြားတော်မူသော မဆုတ်ယုတ်ကြောင်းတရားခုနစ်ပါးတို့ကို တင်ပြပြီး ဤဆောင်းပါးကို မေတ္တာဖြင့် ရေးသားလိုက်ရပါသည်။

မဆုတ်ယုတ်ကြောင်းတရား(၇)ပါး
နိုင်ငံသားအားလုံးအနေဖြင့်-
(၁) ယုံကြည်ခြင်း(သဒ္ဓါတရား)နှင့် ပြည့်စုံနေကြသမျှ ကာလပတ်လုံး။
(၂) မကောင်းမှုပြုလုပ်ရန်ရှက်ခြင်း(ဟီရိတရား)ရှိနေကြသမျှ ကာလပတ်လုံး။
(၃) မကောင်းမှုပြုလုပ်ရန်ကြောက်ခြင်း(သြတ္တပ္ပတရား)ရှိနေကြသမျှ ကာလပတ်လုံး။
(၄) များသောအကြားအမြင်(ဗဟုသုတ) ရှိနေကြသမျှ ကာလပတ်လုံး။
(၅) မပြတ်အားထုတ်ခြင်း (လုံ့လ) ရှိနေကြသမျှ ကာလပတ်လုံး။
(၆) မမေ့မလျော့ခြင်း စွဲမြဲသော(သတိတရား) ရှိနေကြသမျှ ကာလပတ်လုံး။
(၇) ၀ိပဿနာပညာနှင့် ပြည့်စုံနေကြသမျှကာလပတ်လုံး။ ကြီးပွားရန်သာရှိပေသည်။ ဆုတ် ယုတ်ရန်ကား မရှိပေ။
(ဣဒံ မေ ပုညံ အာသ၀က္ခယံ ၀ဟံ ဟောတု)

အပြည့်အစုံသို့

4 Jan 2013

ပုရိသ ကံဆိုးပေါက်ကြီးများ(တတိယ(နိဂုံး)ပိုင်း)

နမော တဿ ဘဂ၀တော အရဟတော သမ္မာသမ္ဗုဒ္ဓဿ” 

ပုရိသတို့၏ ကြီးပွါးတိုးတက်အောင်မြင်ခြင်းမရှိဘဲ ဆုတ်ယုတ်စေကြောင်း၊ ဒုက္ခရောက်စေ ကြောင်း ကံဆိုးပေါက်ကြီးများမှာ (၁) သေရည်သေရက်များ သုံးဆောင်မှီဝဲခြင်း၊ (၂) မိန်းမမျိုးစုံ ခုံမင် လိုက် စားခြင်းဖြစ်ကြောင်း ဆောင်းပါး(ပထမပိုင်းနှင့်ဒုတိယပိုင်း)တို့တွင် ရေးသားဖော်ပြခဲ့ ပါသည်။ ယခု ဆောင်း ပါး(တတိယ(နိဂုံး)ပိုင်း)ဖြင့် ပုရိသတို့အား ဆက်လက်၍ အကြံပြု ရေးသားဖော်ပြသွားပါမည်။ 

စာရေးသူဆိုလိုချင်သည့် “ပုရိသကံဆိုးပေါက်ကြီးများ”ဆိုသော ဆောင်းပါးခေါင်းစဉ်အဓိပ္ပာယ် ကို အကျယ်ချဲ့ဖော်ပြလိုပါသည်။ ဤဆောင်းပါးတွင် အဓိကတိုက်တွန်းနှိုးဆော်လိုခြင်းသည် အမျိုးသားများ၏ မှားယွင်းနေမှု အများဆုံး အကျင့်စရိုက်ဆိုးများကိုဖော်ပြကာ သတိတရား ဖြစ်၍ လမ်းမှန်လျှောက် လှမ်းနိုင်ရေး အတွက် အမျိုးသားများအား အဓိကထား သတိပေးအကြံ ပြုချင်သောကြောင့် “ပုရိသ”ဟုရှေ့ တွင် တပ်လိုက်ခြင်းဖြစ်၏။ “ကံဆိုးပေါက်ကြီးများ”ဆိုသော အဓိပ္ပာယ်မှာ ဥပမာအားဖြင့် ရေကန် တစ်ကန်ထဲသို့ အရပ်လေးမျက်နှာမှ ရေများစီးဝင်သော် လည်း ထိုရေကန် ၏ထောင့်လေးထောင့်တွင် အပေါက်ကြီးလေးပေါက်ရှိနေရာ ထိုအပေါက်ကြီး များကို မပိတ်ပါ လျှင် ထိုရေကန်၌ ရေများ ဘယ်သော အခါမှ မရှိခြင်းကို ပြလိုရင်း၊ တစ်နည်း အလွန်ကြီးမားသောအဆောင်အဦကြီးတွင် သွပ်များမိုး ထားပြီး အုတ်ကန်ကြီးတစ်ခုတည်းသို့ ရေများစီးဆင်းကျရောက်စေရန် ရေတလျှောက်များ တပ်ဆင်ထားရာ မိုးများ သဲကြီးမဲကြီး ရွာသွန်းသောအခါ အုတ်ကန်ကြီးထဲသို့ ရေများ ဒလဟော ကျရောက်ပါသော်လည်း ထိုအုတ်ကန်ကြီး၏ ထောင့်လေးထောင့်တွင် အပေါက်ကြီးလေးပေါက်ရှိနေသောကြောင့် မိုးတိတ်သည့် အခါ၌ ထိုအုတ်ကန်ကြီးထဲတွင် ရေများ မရှိခြင်းကို ပြလိုရင်းဖြစ်၏။ ထိုဥပမာ အတိုင်းသာလျှင် ယောက်ျား တစ်ယောက်သည် ကုသိုလ်၊ ပညာ၊ ဥစ္စာ၊ ကျန်းမာရေး စသည့် လေးမျိုး ကောင်းကျိုးတရားများ ရှိထားသူဖြစ်စေ၊ ရှိလာအောင် အားထုတ်နေသူဖြစ်စေ ဆောင်းပါးတွင်ဖော်ပြသည့် စရိုက်လက္ခဏာ အမူအကျင့်ဆိုးကြီးများ ရှိနေပါလျှင် ရေကန်နှင့် အုတ်ကန်တို့၌ အပေါက်ကြီးများရှိနေ၍ ဘယ်သော အခါမှ ရေမရှိနိုင်သလို ကြီးပွါးတိုးတက်မှု မရှိ၊ အမြဲဆုတ်ယုတ်နေကာ ယောက်ျားမြတ်တစ်ဦးမဖြစ်နိုင်ဘဲ သာမန်ယောက်ျားတစ်ယောက် သာလျှင် ဘ၀နိဂုံးချုပ်ရမည်ဖြစ်သောကြောင့် ထိုအမူအကျင့်များသည် ကံဆိုးစေသော အပေါက်ကြီးများသဖွယ်ဖြစ်ရာ “ကံဆိုးပေါက်ကြီးများ”ဟု ခေါ်ဝေါ်သမုတ်ခြင်းဖြစ်ပေသည်။ 

“ယောက်ျးသရမ်း၊ လူ့ပေါက်ပန်းသည်၊ စဉ်တန်းလမ်းဖြောင့်၊ ဉာဏ်ချင့်ထောက်၍၊ ရိုးဖြောင့် သမာ၊ စီးပွါး ရှာရေး၊ မတွေးဘယ်ခါ၊ ဖြတ်လမ်းသာလျှင်၊ သာယာပျော့ပျောင်း၊ ငွေဖြင့်လောင်း ၍၊ လဲလျောင်းဆက်ခေါ်၊ အကျိုးမျှော်သည်၊ ရှုံးပေါ်ရှုံးမြဲ၊ လောင်းပွဲအစဉ်။” ပေါ့ပေါ့တွေး၊ ပေါ့ပေါ့နေကာ ပညာဉာဏ်ဖြင့်ဆင်ခြင်၍ ရိုးရိုးသားသားကြိုးစားစီးပွါးမရှာဘဲ အပျင်းထူသော ကြောင့် လွယ်လွယ်ရ မြန်မြန်ရလိုပြီး အလောင်းကစား လုပ်၍ အကျိုးအမြတ်ရလိုမှုသည် နောက်ဆုံး၌ ဒုက္ခဖြင့် လမ်းဆုံးရကာ ငွေမျော ငွေနှင့်လိုက်ရင်း ကိုယ့်ကျင့်သီလပါ မျောပါသွား ရသည့်အဖြစ်မျိုးတို့နှင့် ပုရိသများ ရင်ဆိုင်နေကြရခြင်းသည် အလောင်းကစားကျူးခြင်း အမှတ်(၃)ပုရိသကံဆိုးပေါက်ကြီးကြောင့်ဖြစ်၏။ လွယ်လွယ်ရသည့်ငွေကို လွယ်လွယ်ကုန်အောင် သုံးဖြုန်းတတ်သည်မှာ လူ့သဘာဝဖြစ်၏။ အလောင်းကစားနိုင်လို့ ငွေရပါက ခဏသာလျှင်ဖြစ်ပြီး ထိုအလောင်းကစားဖြင့်ပင် ထိုငွေများ ပြန်လည်ကုန်ဆုံးသွားပေသည်။ တစ်ပွဲနိုင် (၁၀)ပွဲရှုံး၊ (၁၀)ပွဲနိုင် ပွဲ(၁၀၀)ရှုံးရကာ နောက်ဆုံး ရှိနှင့်ပြီးသား ငွေအရင်းအနှီးပါပြုန်း၍ ကုန်းကောက်စရာမရှိအောင် မွဲတေသွားသူများ လောကမှာ အများအပြား မြင်တွေ့ကြားသိရပေသည်။ တချို့ အလောင်းကစားသမားများဆိုလျှင် မွဲတေသွားရုံတင်မကဘဲ သားကွဲမယားကွဲဖြစ်ရ ကာ ထောင်တန်းကျရသည့် ဒုက္ခတို့နှင့် ရင်ဆိုင်ကြရပေသည်။ 

ပုရိသတို့၏ အလောင်းကစားနည်းများမှာ အမျိုးအစား စုံလင်လှပေသည်။ ကြက်တိုက်၊ ဖဲရိုက်၊ လေးကောင် ဂျင်၊ ခြောက်ကောင်၊ ကြွေအံ စသည်တို့နှင့် ပုရိသတို့စိတ်လှုပ်ရှားကာ ယခုခေတ် ရေပန်းစားနေသည့် တစ်လုံးလောင်းလို့ ခေါ်သော ဘောလုံး အလောင်းကစား၊ တချို့ပုရိသများ ဇနီးမယားကပါ အားပေးကာ လင်မယားစုံ ညီ နှစ်လုံး ထီ၊ တစ်လလျှင် နှစ်ကြိမ် ရှိသမျှကုန်စေ ကာ ခါတိုင်းလိုလို ပေါက်ဂဏန်းများ လုံးလုံးလွဲသည့် သုံးလုံးချဲ တို့ဖြစ်ကြသည်။ 

ဖဲသမားများ အာရုံတွေမများဘဲ ဖဲချပ်များတွင် ဈာန်ဝင်စားနေတတ်သည်မှာ ကောင်းသော အာရုံကိုသာ ဤကဲ့သို့ယူလိုက်ပါလျှင် ယခုခေတ် ဈာန်အဘိညာဉ်ရပုဂ္ဂိုလ်ကြီးများ အလွန်ပင် များပြားနိုင်ပေသည်။ တချို့များ မိုးလင်းမှ မိုးချုပ်၊ မိုးချုပ်မှ မိုးလင်းကာ မျက်တွင်းများဟောက်ပက် ဒူးနှစ်ဖက်ဂျောက် ဂျက်မြည်ကာ ဒူလာရောဂါ ကိုင်ချင်ကိုင်ပါစေ တစ်နေုကုန်အောင် ဖဲထိုင်ရိုက်နိုင်ကြ၏။ နိုင်သည် မနိုင်သည် အပထားလို့ ဖဲသမားတို့ ရင်းရသည့်ဒုက္ခကား မသေးလှပေ။ နိုင်လိုက်ရှုံးလိုက်၊ ရှုံးလိုက်နိုင်လိုက်ဖြင့် ရှည်ကြာစွာ စွဲကစားပါမူ ပါဝါထူမျက်မှန် တပ်ရကာ အဆုံးတွင် ဒူလာရောဂါ ရနိုင်လေသည်။ ဤကား ဖဲရိုက်ခြင်းကို ၀ါသနာပါသော အလောင်းကစားများ၏ ဖြစ်စဉ်တည်း။ တချို့သည်ကား စွဲမကစားသော် လည်း တစ်ပွဲတစ်လမ်း အကဲစမ်းတတ်သည့် ဖြတ်လမ်းသမားလုပ်တတ်ရာ လိမ်ညာလှည့်စားခံရပါလျှင် ဘ၀ပါ ပျက်သုဉ်းရ တတ်ပေသည်။ 

သုံးလုံးချဲသမားများသည်လည်း ဂဏန်း၌ အာရုံစိုက်ကြပေသည်။ ယခင်က ဘယ်ဂဏန်းထွက် ခဲ့ခြင်းကြောင့် ယခုတစ်ပတ် ဘယ်ဂဏန်း သေချာပါမည်၊ ချဲထီပြက္ခဒိန်ထောက်၍ ဤဂဏန်း သုံးလုံး သေချာပေါက်ထွက်နိုင်သည်၊ ဟိုအတိတ် သည်နိမိတ်အရ ဒီဂဏန်းပါရလိမ့်မည် အစရှိသည်ဖြင့် ချဲထီမထွက်ခင် (၁၅)ရက်အလိုတွင် အမျိုးမျိုးတွက်ချက်ကြပေသည်။ တဖန် အိမ်မက်ဂဏန်း၊ ကလေးပြောဂဏန်း၊ အရူးပေးဂဏန်း၊ ဘုန်းကြီးပေးဂဏန်း၊ ပုံမှန်စွဲထိုးသည့် မွေးဂဏန်း၊ ယတြာဂဏန်း အစရှိသည်ဖြင့်လည်း အမျိုးမျိုးအဖုံဖုံယူကာ ခေါင်းမွေးဖြူအောင် တွက်ချက်ကြလေသည်။ ဤချဲဂဏန်းများ တွက်ချက်ကြသလို လောကီအကျိုး တိုးတက်စေ မည့် သင်္ချာပညာကိုသာ ကြိုးကြိုးစားစား တွက်ချက်ကြပါမူ နောင်အခါ ပါရဂူဘွဲ့များရ၍ နိုဘယ်လ်ဆုရသူများ ထွန်းကားပေါ်ပေါက်နိုင်ပေသည်။ သုံးလုံးချဲကို သုံးနှစ်သုံးမိုး စွဲထိုးနိုင်ပါ လျှင် အိမ်ကိုပင် မီးကွင်းရပေသည်။ အဘယ့်ကြောင့်ဆိုသော် ချဲကို သုံးနှစ်သုံးမိုး အလောင်းကစားပါက လောင်စရာကိုယ်ပိုင်အိမ် မရှိတော့၍တည်း။ သုံးလုံးချဲထီတွင် အကွက် ပေါင်း(၁၀၀၀)ရှိရာ ပေါက်မည့်အကွက်က (၁)ကွက်၊ မပေါက်မည့်အကွက်က (၉၉၉)ကွက် ဤမျှ အချိုးချ ကွာနေပါလျက် ဘာတွေ ဘယ်လိုတွက်ချက်၍ မိုက်ချက်တော့ ကန်းကုန်နေကြ သည်ကို စဉ်းစားဖို့သင့်ပေသည်။ ချဲထီဂဏန်းများကို ဟောကိန်းထုတ်ထွက်ချက်ကြသည်တွင် “သုည”မှ “ကိုး”အထိ ဂဏန်း (၁၀)လုံးရှိရာ လူ(၁၀)ဦးတို့က တစ်ယောက် တစ်ဂဏန်းပါမည်ဖြစ်ကြောင်း သင်္ချာပါရဂူကြီးများ သဖွယ် ရဲရဲတောက် ဟောကိန်းထုတ်ကြလေသည်။ ချဲထီဖွင့်သည့်နေ့တွင် ထွက်သည့်ပေါက် ဂဏန်းတွင် ဂဏန်းများ မပူးပါလျှင် လူသုံးဦး တွက်ကိန်းမှန်လေသည်။ ဂဏန်းနှစ်လုံး ပူးပါက နှစ်ဦးသာ အမှန်ရ၍ ဂဏန်းထွိုင် ထွက်ပါလျှင် ကျန်(၉)ဦး ငုတ်တုတ်မှိုင်လေသည်။ ချဲဂဏန်း များမှ ထွက်လာသည့် စာချိုးလေးများကို ဖော်ပြရပါလျှင် “၀၅၄- ကုန်မှနားအေး၅၀၅- နွားကုန်မှနားဆုန်ဆန်ဆီ- ကုန်ပြန်ပြီ”ဟူ၍ဖြစ်လေသည်။ ဆုန်ဆန်ဆီဆိုသည်မှာ ထိုင်းအသံ ထွက် (ဆုန်- ၂၊ ဆန်- ၃၊ ဆီ- ၄)ကို ဆိုလိုခြင်းဖြစ်သည်။ 

 အို…ပုရိသ ချဲသမားအပေါင်းတို့ ကိုယ့်အလုပ် ကိုယ်ကြိုးကုတ်၍ အလုပ်လုပ်၍ရသည့်ငွေကို မျှတစွာ သုံးစွဲကာ ငွေကို စုကြကုန်လော့။ သည်းခံပြီး ငွေစုခြင်းဖြင့် အချိန်တွေကြာလာပါက ထိုငွေကို အရင်းအနှီးပြု ၍ ဆက်လက်ကြိုးစားပါလျှင် နောင်၌ သူဌေးကြီးများ ဖြစ်နိုင်ပေသည်။ ထိုသို့မဟုတ်ဘဲ ဆင်းရဲမွဲတေနေ ကြရသည်မှာ ချဲထီကြောင့်လည်း ပါနေပေသည်။ နှစ်လုံးထီ သည်လည်း ဤအတိုင်းသာ လျှင် ဖြစ်လေ သည်။ နှစ်လုံးသုံးလုံးကို လောင်းကစားကြပါက တစ်သက်လုံး မွဲရမည်ဖြစ်ပြီး တစ်ခါတစ်ရံ လောင်း ကစားကြပါက တစ်ခါတစ်ခါ ပြာကျရပေ မည်။ ရံဖန်ရံဖန် ပေါက်တတ်ကြပါသော် လည်း အလောင်းကစား သမားများ ကောင်းစားသည် ဆိုရာမှာ “ခွေးရူးကောင်းစား တစ်မနက်”ဆိုသော စကားကဲ့သို့ တစ်ခဏသာ လျှင်ဖြစ်ချေသည်။ 

တစ်လုံးလောင်းဆိုသည့် ဘောလုံးအလောင်းကစားသမား ပုရိသများသည်လည်း မျက်စိနား မအားကြရပေ။ ဖတ်လိုက်ရသည့် ဘောလုံးဂျာနယ်၊ ကြည့်လိုက်ရသည့် ဘောလုံးပွဲ၊ အဖန်ဖန် အထပ်ထပ် ဆွေးနွေးကြရ သည့် ဘောလုံးပွဲသုံးသပ်ချက် အစရှိသည့်ကိစ္စအ၀၀တို့ဖြင့် အချိန်ကုန်ခံ အလုပ်ရှုပ်နေတတ်ကြသည်မှာ ကမ္ဘာ့ကုလသမဂ္ဂလူကြီးများကပင် အရှုံးပေးရပေ လိမ့်မည်။ “မြန်မာ့အားကစား ကမ္ဘာကိုလွှမ်း”ရအောင် ကြိုးစားနေသူများထက် ဘောလုံး အလောင်းကစားသမားများက သာလွန်များပြားလျက်ရှိရာ ကြာလာလျှင် လူငယ်တို့ ဒုက္ခများ ရမည့်အရေး မျှော်တွေးမိလေသည်။ တချို့ကျောင်းသားများ စာကို ကြိုးစားရမည့် အစား ဘောလုံးအလောင်းကစားဖြင့် လမ်းမှားကာ စလောင်းမှလာသည့် ဘောလုံးပွဲများကို နေ့မနား ညမအား ကြည့်နေကြရသည့်အတွက် ကျောင်းစားများကိုလည်းမကြည့်နိုင်၊ ဗဟုသုတ ပွါးစေသော စာပေ များကိုလည်း မလေ့လာ မဆည်းပူးနိုင်ကြဘဲ ဘောလုံးအားကစား သမား ယောင်ယောင်၊ ငွေေ ရးကြေးရေး အလုပ်လုပ်နေသည့် စီးပွါးရေးသမားယောင်ယောင် ဖြစ်နေကြ ကာ အနာဂတ်တွင် မလှမပသူများ မြန်မာ တွင် ပေါများလာပါက အနာဂတ်နိုင်ငံအရေးမှာ ရင်လေးစရာပင်ဖြစ်၏။ 

 “ချမ်းသာချင်လျှင် တရုတ်လိုရှာ၊ ကုလားလိုစု၊ မြန်မာလို မဖြုန်းနဲ့”ဆိုသော စကားပေါ်ပေါက် လာခြင်း သည် မြန်မာအမျိုးသား တို့၏ လိုအပ်ချက်ကို မီးမှောင်းထိုးပြနေသလိုပင်။ မြန်မာ အမျိုးသားတို့က လ္ဘက်ရည်ဆိုင်၊ ဘီယာဆိုင်ထိုင်၊ KTV ၊ မာဆက်၊ စင်တီတေးဂီတရှိသည့် အရက်ဆိုင် အစရှိသည့် ငွေကို အကျိုးမရှိ ဖြုန်းတီးနေချိန်တွင် တရုတ်တို့က ကြိုးကြိုးကုတ် ကုတ် စီးပွါးရှာနေကြသည်၊ ကုလား တို့က ငွေ ကို ချွေတာစုပြီး ရသည့်ငွေအရင်းအနှီးဖြင့် စီးပွါးရေးကြိုးစားကာ ချမ်းသာနေကြပြီ။ တရုတ်ကုလားတို့က ဆိုင်ကြီးကနားကြီး၊ တိုက်ကြီး တာကြီး ကားကြီးများဖြင့် ချမ်းသာနေကြချိန်တွင် မြန်မာအမျိုးသားတို့က လ္ဘက်ရည်ဆိုင်ထိုင်၍ ချဲတွက်၊ ဘောလုံးပွဲလောင်းကာ အကျိုးမရှိအချိန်ဖြုန်းငွေဖြုန်းနေကြဖို့ မတော်တော့ပေ။

အလောင်းကစားမှန်သမျှ ဘယ်အလောင်းကစားမှ မနှစ်သက်ကြပါလေနှင့်။ အလောင်း အစားသည် ကျင့်ကြံကြိုးစားထိုက်သည့် စီးပွါးရေးနည်းမဟုတ်ပေ။ ဘ၀ကို မွဲပြာကျအောင် လောင်ကျွမ်းစေမည့် မီးနှင့်ကစားသကဲ့သို့ဖြစ်၏။ ဘ၀၌ ကြုံတွေ့ရသည့် စီးပွါးရေးအဆင် မပြေမှု ပြဿနာတွေကို ရရစားစား ၀ါးဝါးမျိုမျို ဆိုသလို လတ်တလော ပြေလည်ရုံဆိုပြီး အလောင်းကစားဖြင့် ဖြတ်လမ်းကို လိုက်ကြပါလျှင် ဒုက္ခနှင့်သာ ခရီးနှင်ကြရပေမည်။ သတိတရားဖြင့် ရိုးဖြောင့်စွာ အလုပ်လုပ်ကာ ကြိုးစားစီးပွါးရှာကြ ကုန်လော့။ အလောင်းကစားသမားများ ကြုံတွေ့ခံစားရမည့် ဆိုးကျိုးတရားတို့ကို ဖော်ပြပြီး အမှတ်(၃) ပုရိသကံဆိုးပေါက်ကြီးအကြောင်းကို နိဂုံးချုပ်အပ်ပါသည်။ 

 အလောင်းကစားပြုလုပ်သူရရှိမည့်အပြစ် (၆)ပါး- 
“အောင်သူရန်ပွါး၊ ရှုံးသားစိုးရိမ်၊ စည်းစိမ်လျော့ပါး၊ တရားသဘင်၊ မ၀င်သက်သေ၊ မိတ်ဆွေနှိမ့်ဆို၊ မလိုထိန်းမြား၊ ဤခြောက်ပါးကား၊ ပျော်ပါးကြွေအံ အပြစ်တည်း။”  

ဆက်လက်ပြီး နောက်ဆုံးအမှတ်စဉ်ဖြစ်သည့် အမှတ်(၄)ပုရိသကံဆိုးပေါက်ကြီးအကြောင်းကို ဆက် လက်ရေးသားအကြံပြုပါဦးမည်။ “မူးယစ်ထုံထိုင်း၊ အဆိပ်ရိုင်းဟု၊ လူတိုင်းနာမ၊ သမုတ်ကြသည့်၊ တိုစဆေးဝါး၊ ဘိန်းဖြူများနှင့်၊ ဆေးဝါးဆေးခြောက်၊ မှီဝဲသောက်က၊ စိတ်ဖောက်စိတ်ကြွ၊ မောဟထွေထွေ၊ စိတ်တွေလေကာ၊ ဆိုးပေလုံးလုံး၊ ဘ၀တုံး၏။” ဆေးလိပ်သောက်ခြင်းမှ အစပြုပြီး ဆေးခြောက်၊ ဘိန်းဖြူ၊ စိတ်ကြွ ဆေးပြား အစရှိသည့် မူးယစ်ဆေးဝါးများကို မှီဝဲသုံးဆောင်ြ့ခင်းသည် လူကိုထုံထိုင်းစေကာ ဘ၀ပါပျက်သုဉ်းစေသည့် အဆိပ်ရိုင်းသဖွယ်ဖြစ်သောကြောင့် ၎င်းအမူအကျင့်သည်လည်း ပုရိသကံဆိုးပေါက်ကြီးတစ်ခုဖြစ်ပေသည်။ 

 ကျောင်းသားလူငယ်လေးများ လူပျိုပေါက်အရွယ်ရောက်လာချိန်တွင် အစဆုံးအတုယူတတ် သည့်မကောင်းမှုမှာ ဆေးလိပ်သောက်ခြင်းဖြစ်သည်။ ပရိသအများစုအနေဖြင့် ဆေး လိပ် သောက်ခြင်းနှင့် ပတ်သက်ပြီး ခံစားချက်အမျိုးမျိုး၊ အယူအမျိုးမျိုး ရှိကြလေသည်။ ဆေးလိပ် မသောက်ပါက ခေတ်မမှီဘူး ထင်နေခြင်းနှင့် မိတ်ဖွဲ့ဖို့ ကြားခံမရှိဟု ယူဆခြင်း၊ ဆေးလိပ် သောက်ပြီး စတိုင်ထုတ်လိုခြင်း၊ အရွယ်ရောက်ပြီဖြစ်ကြောင်း ပြလိုခြင်းနှင့် စဉ်းစား တွေးခေါ်မှု ယူရန်အတွက် ကြားခံကိရိယာ အဖြစ် ဆေးလိပ်သောက်ခြင်းကို အသုံးပြုခြင်း စသည်တို့နှင့် အခြားသောအကြောင်းများကြောင့်လည်း ရှိနိုင်ပါသည်။ ဆေးလိပ်သောက်ခြင်းဖြင့် ကျန်းမာရေးကို ထိခိုက်စေနိုင်ရုံသာရှိသော် လည်း ဆေးခြောက် များ၊ ဘိန်းပင်မှရသည့် အရွက်၊ အမှုန့် စသည်များကို သုံးဆောင်ခြင်းအဆင့်သို့ ကူးပြောင်းသွားပါလျှင် နည်းနည်းမှီဝဲရာက စွဲသွားကာ ဘ၀ပါပျက်သုဉ်း၍ လူညွန့်တုံးရပေမည်။ မူးယစ်ဆေးဝါး မှီဝဲသုံးဆောင်သူတို့သည် ထိုမူးယစ်ဆေးဝါးများ မမှီဝဲရပါက ဘာအလုပ်ကိုမျှ မယ်မယ်ရရ မလုပ်နိုင်ကြပေ။ ထို ပုရိသတို့သည် မူးယစ်ဆေးဝါးရရှိဖို့အတွက်ဆိုလျှင် မည်သည့်သော မကောင်းမှုကိုမဆို ပြုလုပ် ရဲကြပေသည်။ မကောင်းမှုကြီးများ ဆက်လက်တိုးပွါးစေသော မူးယစ်ဆေးဝါးမှီဝဲသုံးဆောင် ခြင်းသည် အချိန်ကုန်၊ ငွေကုန်၊ လူညွန့်တုံးကာ နိုင်ငံတော်ဥပဒေကို ပါ ဖောက်ဖျက်ရာ ကျသော ကြောင့် ထောင်တန်း ကျရောက်ခြင်းဖြင့် ဘ၀နိဂုံးချုပ်ရပေ လိမ့်မည်။ မူးယစ်ဆေးဝါးများ သုံးစွဲနေပါက မောဟများ ပိုမိုထူပြောလှ၍ ယခုဘ၀ တရားရရှိရေးကား လွန်စွာမှ ဝေးလှပေ သည်။ စိတ်ကြွရူးသွပ်ဆေးပြား ရှူကြ သည့် ကလေးများ၊ လူငယ်များ၊ လူလတ်ပိုင်းများအနေဖြင့် စရှူစတွင် မြူးမြူးကြွကြွဖြစ် ကာ ပျော်ကြရ သည်ဆို၏။ အလုပ်လုပ်လို့ကောင်း၊ စာကျက်လို့ ကောင်း စသည်ဖြင့် ရှူရင်းရှူရင်း စိတ်ဖောက်သွားကြလေ၏။ ထို့ကြောင့် ၎င်းဆေးကို စိတ်ကို လည်း ကြွစေတတ်ပြီး နောက်ဆုံး ရူးသွပ်သည့်ဘ၀သို့ ရောက်တတ်သောကြောင့် စိတ်ကြွရူး သွပ်ဆေးဟု ခေါ်ခြင်းဖြစ်လေသည်။ ထိုသို့သော စိတ်ကြွဆေးများသုံးကြသည့် လူငယ်လူရွယ် ပုရိသများ ကမ္ဘာမှာ ပေါများလျက်ရှိရာ မူးယစ်ဆေးဝါးတိုက် ဖျက်ရေးအတွက် ကမ္ဘာ့လူသား အကျိုးဆောင်ရွက်နေသည့်သူများ၏ လုပ်ဆောင်မှုကား ဂုဏ်ယူဖွယ် ရာဖြစ်ပေသည်။ တချို့အလုပ်ကိစ္စများသော ပရိသများသည်လည်း စိတ်ကို တက်ကြွစေရန်၊ အိပ်ရေး ပျက်ခံ နိုင်စေရန် စသည်ဖြင့်လည်း ထိုကဲ့သို့ ဆေးဝါးများကို သုံးဆောင်ကြ၏။ ဇိမ်ခံယစ်မူး စိတ်ကြည် နူးမှုကို ခံချင်ကြ၍လည်း သုံးကြ၏။ မောဟဖြင့် မူးယစ်နေခြင်းကို စိတ်ကြည်နူးနေသည်ဟူ၍ မှတ်ကာ သုံးစွဲနေခြင်းဖြစ်၏။ မူလတန်းကတည်းက ပုထုဇဉ်တို့စိတ်သည် မျောက်စိတ် ကဲ့သို့ ရောက် တတ်ရာရာ မကောင်းမှုအာရုံ၌ သာ မွေ့လျော်နေကြသည်ဖြစ်ရာ မူးယစ်ဆေးဝါးဖြင့် ထပ်မံ ဓာတ်ပြုလိုက်သဖြင့် မကောင်းမှုအာရုံ အတွေးနယ်တစ်ခုလုံး လွှမ်းခြုံသွားကာ ဘယ်မှာလျှင် စိတ်အစဉ် ကောင်းနိုင်တော့အံ့နည်း။ 

 အို…ပုရိသ လူငယ်လူရွယ် အမျိုးသားအပေါင်းတို့ ဆေးဝါးဆေးခြောက်သုံးစွဲခြင်းသည် အသင်တို့ကို ဘ၀အမှောင် ချောက်ကျဖို့အတွက် နည်းမှားလမ်းမှားတို့ ဖြစ်ကြကုန်၏။ ငယ်ငယ် ရွယ်ရွယ်အချိန်၌ ရူးရူးမိုက်မိုက် စိတ်ရိုင်းလေးများ ၀င်လာတတ်သည်ဖြစ်ရာ အပေါင်းအသင်း မှား၍လည်း ထိုဆေးဝါးများကို အသုံးပြုတတ်ကြ သည်ဖြစ်ခြင်းကြောင့် အပေါင်းအသင်း ရောင်းရင်းတို့ဖြင့် မကောင်းအသင်း မဖွဲ့ကြလေနှင့်။ ကောင်းမှုဖြင့် အချင်းချင်းတိုက်တွန်း တတ်သည့် မိတ်ကောင်းဆွေတစ်သင်း ဖွဲ့ကြကုန်လော့။ တချို့သော ပုရိသကြီးများက “ယောက်ျားဆိုတာ အကုန်လုပ်ဖူးရတယ်ကွ”ဟူ၍ အမြင်မှား အယူမှား ဒိဋ္ဌိတရားကို လူငယ်တို့ထံ ထိုအတွေးမျိုးရောက်အောင် ပို့ဆောင်တတ်ကြပေသည်။ အတွေးအခေါ်နည်းကြသော လူငယ်များအနေဖြင့် “အင်း ဒါမှ ငါက ပြန်ပြီး ဆရာကြီးလုပ်တတ် မှာ”ဟူ၍မှတ်ကာ “အရက်၊ မိန်းမ၊ အလောင်းကစား၊ မူးယစ်ဆေးဝါး”စသော မကောင်းသည့် အတတ်ပညာမျိုးစုံတို့ကို ကျွမ်းကျင်ပိုင်နိုင်သော ပါရဂူကြီး လုပ်ချင်လာကြကာ ဆန်းရင်းဆန်း ရင်း လိုင်းပေါင်းစုံတာဝန်ယူရသည့် ဂိတ်မှူးကြီးကဲ့သို့ ခန္ဓာကိုယ် အနားမရနိုင်တော့ဘဲ ရှာသမျှ စီးပွါးမှာလည်း ထိုလေးမျိုးအတွက်သာလျှင် အသုံးချနေကြတော့၏။ ထိုသူတို့၏ အများအကျိုး ပရဟိတအမြင်အနေဖြင့် “ယိုပေါက်လေးမျိုးထဲက တစ်မျိုးမျိုးဖြင့် သင်းပင်းဖွဲ့ရပါက သိန်းသောင်းမက အကုန်ခံနိုင်ကြသော်လည်း အရက်မသောက်တတ်သူအား အအေးတစ်ခွက် တိုက်ရမှာကို လွန်စွာ နှမျှောတွန့်တိုတတ်ကြလေသည်။” ဗုဒ္ဓမြတ်စွာ၏ တရားဓမ္မအလိုအရ ပြုကောင်းသည့်ဒါန၊ မပြုကောင်းသည့်ဒါနဟူ၍ နှစ်ပါးရှိလေ ရာ သေရည်သေရက်အလှူ၊ မေထုန်အလှူ၊ မူးယစ်ဆေးဝါးအလှူ၊ အလောင်းကစားလုပ်ရန် ကူညီသည်တို့မှာ မကောင်းသောဒါန၊ တစ်နည်းအားဖြင့် ငွေကုန်သော်လည်း ကုသိုလ်မရဘဲ အကုသိုလ်သာရရှိသော မိစ္ဆာဒါနတို့ဖြစ်၏။ “အပါယ်လေးပါး၊ လားမည့်အကြောင်း၊ မကောင်းမှုမှ၊ စပ်သမျှကို၊ ရှောင်ကြပါလေ၊ သေကာထုတ်ချောက်၊ ငရဲရောက်မည်၊ ကြောက်ရွံ့ စေ။”ဟူသော ရှင်မဟာရဋ္ဌသာရဆုံးမစာလေးကို နှလုံးသွင်း၍ ထိုမကောင်းမှုများကို ရှောင်ကြဉ်ကြပါလေ။ ပုရိသတို့၏ လမ်းမှားကာ အကုသိုလ်ဖြင့် ငွေကုန်၊ အချိန်ဖြုန်းနေကြ သည်မှာ ထိုလေးမျိုးသော “ပုရိသ ကံဆိုးပေါက်ကြီးများ”ဖြစ်ကြောင်း တင်ပြပြီး သတိတရား တိုးပွါးကာ ရှောင်ရှားနိုင်ကြစေရန် ရည်ရွယ် အကြံပြု၍ ဤဆောင်းပါးကို မေတ္တာဖြင့် ရေးသား တင်ပြအပ်ပေသည်။ 

ပုရိသကံဆိုးပေါက်ကြီးများ”
 မြတ်သောယောက်ျား၊ သတို့သားသည်
 မွေးဖွားလူလား၊ မြောက်ခဲ့ပြီ။ 
ရခဲဖို့စွာ၊ ကြိုးစားပါလျှင် 
လွန်သာမြတ်လို့၊ အောင်ပွဲဆင်။ 
ထိုသို့မသွား၊ လမ်းချော်မှားလျှင် 
တိုးပွါးဖို့တွင်၊ လမ်းမမြင်။
 ယောက်ျားဖောက်ပြား၊ အမှားများတွင်
 လေးပါးပြား၍၊ ယိုပေါက်ဆင်။ 
ပ-ဆုံးအပေါက်၊ သေရည်သောက်ကြ 
ဒု-ပေါက်ဣတ္ထိယ၊ မှားကာမ။ 
တ-ပေါက်အမှား၊ လောင်းကစားနှင့်
 ဆေးဝါးမူးယစ်၊ စတုဖြစ်။ 
ပုရိသများ၊ သတိထားပါ
 ရှောင်ရှားနိုင်စေ၊ ထိုလေးထွေ။
(ဣဒံ မေ ပုညံ အာသ၀က္ခယံ ၀ဟံ ဟောတု

အပြည့်အစုံသို့

25 Dec 2012

ပုရိသ ကံဆိုးပေါက်ကြီးများ(ဒုတိယပိုင်း)

နမော တဿ ဘဂ၀တော အရဟတော သမ္မာသမ္ဗုဒ္ဓဿ” 

အမှတ်(၁)ပုရိဿကံဆိုးပေါက်ကြီးသည် သေရည်သေရက်များ မှီဝဲသုံးဆောင်ခြင်းဖြစ်ကြောင်း ဆောင်ပါး (ပထမပိုင်း) တွင် ရေးသားတင်ပြခဲ့ပါသည်။ ဆက်လက်၍ ပုရိသ-အမျိုးသားများ ကံဆိုးစေသောအကြောင်း၊ ဘ၀မှာ တိုးတက်မှုမရှိဘဲ ဆုတ်ယုတ်စေသည့်အကြောင်းများ၊ လမ်းမှားနေသည့် စရိုက်လက္ခဏာ အမူအကျင့်ဆိုးများကို ဖော်ပြအကြံပြုကာ လမ်းမှန်လျှောက် ၍ ကြီးပွါးတိုးတက်အောင်မြင်နိုင်ကြစေရန် ရည်ရွယ်အကြံပြု ရေးသားဖော်ပြသွားပါမည်။ (ငါသာလျှင်သိ၊ ထင်ဘိမှတ်ယောင်၊ မောဟဆောင်၍၊ ဟန်ဆောင်မာန၊ မမူရပါ၊ စိတ်ကောင်း မေတ္တာ၊ ရှေးရှုကာလျှင်၊ ကမ္ဘာမြန်မာ့၊ ပုရိသများ၊ သုခချမ်းသာ၊ ကြီးပါစေကြောင်း၊ အကျင့် ကောင်းနှင့်၊ လမ်းကြောင်းမှန်ပြ၊ သတိရဖို့၊ သုတဝေစည်၊ မျှဝေသည်။)

အန္ဓပုထုဇဉ်-ပုရိသအမျိုးသားတို့သည် “”နှင့်ပတ်သက်ပါလျှင် ကိလေသာတောင်းသမျှ ခန္ဓာကြီး ကို ကျောင်းနေကြရာ စိတ်ပျိုကာ ကိုယ်နုသူဟု ကိုယ့်ကိုယ်ကို မှတ်ယူကြလေသည်။ ကာယနှင့်ဝစီ နှစ်ပါးညီ ထိုသီလကို မနောက ခ၀ါချ၍ ဘီလူးက,ကဖို့ရန်သာ မနောက ခိုင်းရှာရာ မနောတီးသည့် ဘီလူးဆိုင်းကြောင့် ကိုယ်နှင့်နှုတ် ရိုင်းရကာ ဟိုအပျို၊ သည်အပျို နောက်ကပိုး၍ ဖြိုတော့၏။ သူ့သမီး သူ့မယားကို နောက်က ကျားလိုလိုက်တော့၏။ သပြာတောင်းရှာ ပြည့်တန်ဆာလည်း နေ့မနား၊ ညမအား ငှါးလေသည်။ ယုယုယယ ခ၀ါမထံ ခေါင်းလျှော်ဆံသ ခံကြသည်။ စင်တင်ဂီတ ဆိုဟန်ပြသည့် သွယ်သွယ်လျှလျှ ကညာလှကို မျက်လုံးအဟောင်း နားမညောင်းဘဲ ညဥ့်နက်သန်းခေါင် ငေးငေါင်သည်။ အိမ်ကမယား မယ်အိုထား၍ အတွေ့ကာမ နုယွပြသည့် မာဆက်မနှင့် ပျော်ကြ၏။ ကာလာအိုကေ မိန်းမထွေ နှင့် လုံးလားထွေးလား ပျော်ပါးကြသည်မှာ အန္ဓပုရိသတို့၏ ကျင့်စဉ် ဖြစ်ပေသည်။ 

အို…ပုရိသ အမျိုးသားအပေါင်းတို့ ဘ၀မှာ မတောက်ပြောင်၊ အောင်မြင်မှုတွေနှေးကွေးစေသည့် အလှမျိုးစုံ ဣတ္ထိယကာမဂုဏ်ကို မှီဝဲသုံးဆောင်နေကြခြင်းသည် အမှတ်(၂)ပုရိသကံဆိုးပေါက် ကြီးတစ်ခုပင် ဖြစ်ပါ သည်။ ငွေကုန်အချိန်ကုန်၊ ကုသိုလ်တွေကုန်နေကြသည်မှာ မိန်းမလိုက်စား ခြင်းကြောင့်ဖြစ်၏။ မ-ဘက် လိုက်နေကြသောကြောင့် မိုက်-ဘက်သို့ ပါနေကြရခြင်းဖြစ်ပေသည်။ ပုရိသတို့ပြောသည့် “အလန်းလေးတွေ”ဆိုသည်မှာ ရောယှက်မိုက်မှားမိပါလျှင် ကဿဖဘုရားလက်ထက်က သူဌေး သားလေးဦးလို လောဟကုမ္ဘီငရဲသို့ “တန်းတန်းမတ်မတ်” ရောက်စေနိုင်သည့်အတွက် “ဒု၊ သ၊ န၊ သော” ဆိုသော ထို့သူဌေးသားလေးဦးပြောချင်သည့် စကားများကို အမှတ်ရကြပါလေ။ ထိုစကား တို့ ပေါ်ပေါက် လာပုံမှာ ဂေါတမမြတ်စွာဘုရားလက်ထက် တစ်နေ့သ၌ ကောသလ မင်းကြီးသည် တိုင်းခန်း လှည့်လည်ရာတွင် အလွန်တရာ ချောမောလှပသော မိန်းမ တစ်ယောက်ကို မြင်တော်မူလိုက်ရာ အစွဲ လန်းကြီး စွဲလန်းသွားကာ ကိလေသာပိုး ရွပိုးထိုးတော့၏။ မင်းကြီးသည် ထိုလုံမအကြောင်း စုံစမ်းမေးမြန်း ရာတွင် သူတစ်ပါးမယား ဖြစ်နေသောကြောင့် အိမ်ယာတွင် တုံးလုံးလဲကာ မရလျှင် သေရတော့မည့်အလား ခံစားနေရင်း သူ့ယောက်ျားကိုပင် ပရိယာယ်ဖြင့်သတ်ရန် အကောက်ဉာဏ် ထုတ်မိလေတော့သည်။ မင်းကြီးသည် မအိပ်နိုင် မစားနိုင်ဖြစ်ရင်း သန်းခေါင်ချဉ်းသည့်အခါတွင် “ဒု၊ သ၊ န၊ သော”ဟူသော အသံနက်ကြီးများကို ကြောင်မက်ဖွယ်ကောင်းစွာ ကြားလိုက်ရသဖြင့် တုန်လှုပ် ချောက်ချားသွားကာ တစ်ညလုံး မအိပ်နိုင်ခဲ့ရပေ။ နောက်တစ်နေ့ ညီလာခံတွင် မင်းကြီးသည် ညတုန်းက သူကြားခဲ့ရသည့် အသံကျယ်ကြီးများကို မူးမတ်တို့ကို မိန့်ကြားကာ အကြောင်းကို မေးမြန်းလေသည်။ မိစ္ဆာဒိဋ္ဌိအယူရှိသော မူးမတ်တို့သည် ဘုရင်ကြီးကံတော်ကုန်နိုင်သဖြင့် ယစ်နတ်ပူဇော်ရမည်ဖြစ်ကြောင်း အကောက် ဉာဏ်ဖြင့် လျှောက်ထားကြရာ မင်းကြီးက လက်ခံယုံကြည်ပြီး ယစ်နတ်ပူဇော်ရမည့် လူ၊ တိရစ္ဆာန် စသည်တို့ကို ဖမ်းဆီးချုပ်နှောင်စေ လေသည်။ ထိုအကြောင်းကို မလ္လိကာမိဖုရားခေါင်ကြီး ကြားသိချိန်တွင် ပညာဉာဏ်ရှိသော မိဖုရားကြီးဖြစ်သည့်အားလျော်စွာ ကောသလမင်းကြီးထံ အလျင်အမြန် လျှောက်ထား ရာမှာ- “ကုန်စင်ခပင်း သိမြင်တော်မူသော မြတ်စွာဘုရား ထံ မေးလျှောက်မှသာ အဖြေမှန် သိနိုင် ပါ ကြောင်း” သံတော်ဦး တင်လေသည်။ ဤတွင်မှ “ဒု၊ သ၊ န၊ သော”ဟူသော စကားအကျယ်နှင့် ၀တ္ထု ဇာတ်ကြောင်းကို အောက်ပါအတိုင်း မြတ်စွာဘုရား ဟောကြားခဲ့သဖြင့် ကောသလ မင်းကြီးလည်း ကာမဂုဏ်မမှား၊ ယစ်နတ်ပူဇော်ခံရမည့် လူ၊ တိရစ္ဆာန်များလည်း အသက်ဘေးမှ လွတ်မြောက်သွားလေ သည်။ 

ဂေါတမမြတ်စွာဘုရားရှေ့၌ ပွင့်တော်မူခဲ့သော ကဿပမြတ်စွာဘုရားလက်ထက်တွင် အလွန်တရာ ချမ်းသာကြွယ်ဝသော သူဌေးသားလေးဦးတို့သည် တစ်သက်စားလို့ မကုန်နိုင် သော သူတို့၏စည်းစိမ်ဥစ္စာ တို့ကို မည်သို့ဖြုန်းကာ ဇိမ်ခံရပါ့မလဲဟူ၍ စဉ်းစားရာတွင် ပုရိသအချို့တို့ အထင်ကြီးသည့် (Master Key)များလုပ်ရန် လေးဦးလုံး သဘောတူခဲ့ကာ အပျို အလှ၊ အိုလည်းလှသည့် မိန်းမမျိုးစုံတို့ကို ဥစ္စာဖြင့် ဖျားယောင်း၍ ကာမေသုမိစ္ဆာစာရကံကို ပျော်ရွှင်စွာ ကျူးလွန်ခဲ့ကြလေသည်။ သူဌေးသားလေးဦးသည် ကာမဂုဏ်အမှားကြောင့် ထိုဘ၀မှ သေသောအခါ လောဟကုမ္ဘီ(သံရည်ပူငရဲ)သို့ ကျရောက်ခဲ့ခြင်းဖြစ် ၏။ ဂေါတမ မြတ်စွာဘုရားလက်ထက်ရောက်ချိန်တွင် ငရဲအိုးမှ ပြန်ပေါ်လာသည့် အချိန်လေးတွင် သူတို့ အနေဖြင့် လူ့ပြည်က လူသားတွေကို ပြောပြချင်သည့် စကားများ ထုတ်ဟအော်ဟစ်လိုက်ရာ ပထမဆုံး စကားလုံးလေး အော်ပြီးချိန်တွင် ငရဲအိုးထဲသို့ ပြန်လည်နစ်မြုပ် သွားပြန်လေသည်။ ကောသလ မင်းကြီးက ဂေါတမမြတ်စွာဘုရားထံ လျှောက်ထားမေးမြန်းချိန်တွင် အထက်ပါ သူဌေးသားလေးဦး၏ အတိတ်ဇာတ်ကြောင်းကို ဟောကြားခဲ့ပြီး မင်းကြီးကြားခဲ့သော စကားများမှာလည်း ထိုသူဌေးသားလေးဦး တို့က လူ့ပြည်က လူသားများကို ပြောချင်၍ အော်ဟစ်လိုက်ခြင်းဖြစ်ကြောင်းနှင့် ၎င်းတို့ပြောချင်သည့် စကားအကျယ်တို့ကို အောက်ပါ အတိုင်း ဟောကြားခဲ့လေသည်- 

-“ဒုဇ္ဇီဝိတမဇီဝိမှ ယေသန္တေ န ဒဒမှသေ၊ ၀ိဇ္ဇမာနေသု ဘောဂေသု ဒီပံ နာကမှ အတ္တနော။”- 
(ငါတို့ မကောင်းမှုဒုစရိုက်တွေ ပြုလုပ်ခဲ့တယ်။ စည်းစိမ်ဥစ္စာနဲ့ အလှူခံပုဂ္ဂိုလ်ရှိပါလျက် မပေးလှူ ခဲ့ကြဘူး၊ မိမိအတွက် ထောက်တည်ရာ အားထားရာ ကုသိုလ်ကောင်းမှု မပြုလုပ်ခဲ့ကြဘူး။) 
-“သဋ္ဌိ ၀ဿ သဟဿာနိ ပရိပုဏ္ဏာနိ သဗ္ဗသော၊ နိရယေ ပစ္စမာနာနံ ကဒါ အန္တော ဘ၀ိဿတိ။”-
(ငရဲရောက်တဲ့အခါမှာ အနှစ် ၆ သောင်းရှိသွားပြီ၊ ခုပြန်ပြီးတော့ ကျသွားပြန်ပြီ၊ ဘယ်တော့များ ဆုံးမယ်လို့တော့ မသိဘူး။) 
-“နတ္ထိ အန္တော ကုတော အန္တော န အန္တော ပဋိဒိဿတိ၊ တဒါ ဟိ ပကတံ ပါပံ မမ တုယှဉ္စ မာရိသာ။”- 
(ဆုံးတော့မှာ မဟုတ်တော့ပါဘူး၊ တို့ ဟိုတုန်းက မကောင်းတာတွေ လုပ်မိတာ၊ မိတ်ဆွေတို့ ဆုံးတော့မှာ မဟုတ်တော့ပါဘူး။) 
-“သောဟံ နူန ဣတော ဂန္တာ ယောနိံ လဒ္ဓါန မာနုသိံ၊ ၀ဒညူ သီလသမ္ပန္နော ကာဟာမိ ကုသလံ ဗဟုံ။”- 
(ဒီတစ်ခါ လူ့ဘ၀ ရရင်တော့ ဘာဆိုဘာမှ မလုပ်တော့ဘူး၊ ကုသိုလ်ချည်း လုပ်တော့မယ်။) ဟူ၍ဖြစ်လေသည်။ 

လူငယ်တို့သဘာဝ ပျော်ကြပါးကြတာ ဘာကြောင့် အပြစ်ဖြစ်ရမှာလဲ၊ သူကြည်ဖြူလို့ ကိုယ်-ကလူတာ ဘယ်အရာက အရေးယူမှာလဲ၊ ဒါ ငရဲနဲ့ကြောက်အောင်ခြောက်တာ”ဟူ၍ အပြစ်ပြ ဆုံးမသည့် ဘာသာအယူကို လူငယ်အချို့တို့ မကြည်ဖြူတတ်ကြပေ။ ဘုရားအဆုံးအမတော် တို့သည် အယူဝါဒတွေ မဟုတ်ပေ။ သဘာဝဖြစ်စဉ်အမှန်တို့ကို အကြောင်းအကျိုးပြ၍ ဆုံးမတော်မူထားသည့် သစ္စာတရား ဓမ္မတို့ပင်ဖြစ်၏။ ရှောင်ကြဉ်ရန်ဟောထားသည့် ၀ါရိတ္တ သီလသည် ရှောင်ကြဉ်သူအတွက် အကျိုးစီးပွါးရရှိမည်ဖြစ်ပြီး ဆောင်ရွက်ရန်ဟောထားသော စာရိတ္တသီလသည်လည်း ဆောင်ရွက်သူအတွက် အကျိုးစီးပွါး ဖြစ်ထွန်းမည်ဖြစ်၏။ ဘာသာတရားက လူတို့ကို အနေကြပ်အောင် ဘောင်ခတ်နေခြင်းမျိုး မဟုတ်ပေ။ မြတ်စွာဘုရား၏ သစ္စာတရားတို့သည် ဥပမာအားဖြင့် “ငရုပ်သီးစားလျှင် စပ်သည်၊ ထန်းလျက် စားလျှင် ချိုသည်”ဟူ၍ ဟေားထားသည့်သဘောမျိုးဖြစ်၏။ ငရုပ်သီးကို မြန်မာစားလျှင် စပ်သည်၊ တရုတ်စားလျှင် မစပ်၊ ထန်းလျက်ကို မြန်မာစားလျှင် ချိုသည်၊ ကုလားစာလျှင် မချို ဟူ၍ မဟုတ်။ ငရုပ်သီးကို ဘယ်သူစားစား စပ်သည်၊ ထန်းလျက်ကို ဘယ်သူစားစား ချိုသည် ဟူသော သဘာဝဖြစ်စဉ်အမှန်အတိုင်းသာလျှင် လမ်းညွှန်သည့်တရားတော်ဖြစ်၏။ မြတ်စွာဘုရား တရားစကား ကိုထောက်၍ မြန်မာပညာရှိကြီးများက နိုင်ငံယဉ်ကျေးမှုအဖြစ်ယူကာ “တစ်လင် တစ်မယားစနစ်၊ သားမှတ်မှတ် မယားမှတ်မှတ် ပေါင်းရမည်ဟူသော စနစ်၊ ရည်းစားထားတာတောင် တစ်ယောက်ဆို တစ်ယောက် ပိတောက်ဆို ပိတောက် သစ္စာရှိကာ တစ်သက်လုံး ပေါင်းရမည်ဖြစ်သောကြောင့် သုံးနှစ် သုံးမိုး တစ်ယောက်အကြောင်း တစ်ယောက်သိအောင် မိတ်ဆွေလို မောင်နှမလို စုံစမ်းအကဲခတ်ရမည် ဟူသော တိုက်တွန်းမှု၊ ဟဲ့- ကောင်မလေး၊ ရည်စားတစ်ထောက် လင်ကောင်တစ်ယောက် လျှောက် လုပ်မနေနဲ့၊ မိန်းကလေးဆိုတာ ဣနြေ္ဒရှိမှ၊ သိက္ခာရှိမှ၊ မလော်လီမှ တန်ဘိုးရှိတယ်၊ ဟဲ့-ကောင်ကလေး၊ ပျိုတိုင်းကြိုက်တဲ့ နှင်းဆီခိုင်ဆိုပြီး အကုန်လုံးကို လိုက်ချိုင်နေရင် ဘယ်မှာ ယောက်ျားကောင်း တို့၏ ကိုယ်ကျင့်သိက္ခာ ရှိပါ့မလဲ၊ ယောက်ျားတို့ ကာမကို နှိုးဆွသည့် ထမီ ဟကွဲ၊ ဘောင်းဘီတို စကပ်တို၊ အပေါ်က မလုံ၊ အောက်က ဟောင်းလောင်း အ၀တ်အစားတွေ မိန်းကလေးတို့ မ၀တ်ကြနဲ့၊ တို့ မြန်မာမိန်းကလေးဆိုတာ လုံလုံခြုံခြုံရှိသည့် အ၀တ်အစားလေး တွေ ၀တ်ရတယ်၊ ကောင် ကလေး ကောင်မလေးတို့ အချိန်အခါ မတော် တရုန်းရုန်းနဲ့ သွားလာ နေကြတာ မသင့်တော်ဘူး ကွဲ့”အစရှိသည့် လူငယ်အချို့တို့အတွက် နားကြားပင်းကပ်နေတတ် သည့် မြန်မာ့ယဉ်ကျေးမှု အခြေခံသော လူကြီးသူမတို့၏ အဆုံးအမတို့သည် ကာမေသုမိစ္ဆာ စာရကံတည်းဟူသော အပါယ်လားကြောင်း မကောင်းမှု အကုသိုလ် မဖြစ်ပွါးရအောင် အလျဉ်းသင့်သည့်အခါတိုင်း ကြိုတင်ကာ တားမြစ်နေ ကြခြင်းဖြစ်၏။ 

အို…ပုရိသ အမျိုးသားအပေါင်းတို့ အနောက်တိုင်း မယဉ်ကျေးမှုမှ စီးဆင်းလာသည့် Living Together ဆိုသော လင်မယားမဟုတ်ဘဲ အတူတကွနေထိုင်ခြင်းသည် မြန်မာတို့ ယဉ်ကျေးမှု မဟုတ်ပေ။ ထို မကောင်းသည့် အကျင့်စရိုက်တို့သည် မြန်မာတို့အတွက် ယဉ်ကျေးမှု မဟုတ်သလို အနောက်တိုင်း အရှေ့တိုင်းအတွက်လည်း ယဉ်ကျေးမှု မဟုတ်ပေ။ ကမ္ဘာ့ လူသားအားလုံးအတွက် ယဉ်ကျေးမှု မဟုတ်ချေ။ လော်လီဖောက်ပြားသူတို့၏ စရိုက်လက္ခဏာ အမူအကျင့်ဆိုးများသာ ဖြစ်ကြကုန်၏။ တရားဝင် ဇနီးမယားမှတစ်ပါး အခြားဘယ်မိန်းကလေးနှင့်မှ Living Together မလုပ်ကြလေ နှင့်။ အပြစ်များက အလွန်တရာ ကြောက်စရာ ကောင်းလှပါသည်။ အရှင်အာနန္ဒာကဲ့သို့သော ဘွဲ့လေးခု ဧတဒဂ်ရခဲ့သည့် အလောင်းတော်ကြီးပင် တစ်ခုသောဘ၀ ကာမေသုမိစ္ဆာစာရကံ ကျူးလွန်မိုက်မှားမိခဲ့၍ ရောရုဝငရဲ၌ ကျရောက်ခဲ့ရပြီး ငရဲမှလွန်သောအခါတွင်လည်း စတုတ္ထဘ၀၌ ဝှေးစေ့ကို ထုတ်ပြီး ၀န်ကို ထမ်းရန် အခိုင်းခံ ရသော ဆိတ်သိုးကြီး ဖြစ်ခဲ့ရခြင်း၊ ပဉ္စမဘ၀ မျောက်ဘ၀ ဖြစ်ခဲ့စဉ်မှာလည်း အုပ်ချုပ် သော မျောက် မင်းကြီးက ဝှေးစေ့ကို ကိုက်ဖောက်စားခံခဲ့ရခြင်း၊ ဆဋ္ဌမမြောက် ဘ၀ နွားဘ၀ဖြစ်ခဲ့ စဉ်မှာလည်း သန်မာ ထွားကျိုင်းသော နွားကြီးဖြစ်တာကြောင့် ဝှေးစေ့ကို ထုတ်ခံရကာ အခိုင်းခံခဲ့ရခြင်း၊ သတ္တမ ဘ၀ ၀ဇ္ဇီတိုင်း ၌ ယောက်ျားမဟုတ်၊ မိန်းမ မဟုတ်သည့် နပုံးပဏ္ဍုပ်ဖြစ်ခဲ့ရခြင်း၊ ထို့နောက် သိကြားမင်း၏ မိဖုရားအဖြစ် လေးဘ၀၊ ဇ၀နနတ်သား၏ မိဖုရား နတ်သမီးဘ၀၊ အင်္ဂတိမင်းကြီး ၏သမီး ရုစာမင်းသမီးဘ၀ စသည်ဖြင့်ကာမေသုမိစ္ဆာစာကံအကျိုးပေးဘ၀တို့ကို ရရှိခဲ့ရပေသည်။ လောကီကောင်းကျိုးတွေ ဝေး၊ လော ကုတ္တ ရာ အသိအမြင်တွေလည်း ဆွေးစေသော သဘော ကို လေးနက်စွာတွေးတောစေ ချင်ပါကြောင်း အကြံပြုရင်း ဤဓမ္မဆောင်းပါး(ဒုတိယ ပိုင်း)ကို မြတ်စွာ ဘုရားဟောကြားခဲ့သည့် ကာမေသုမိစ္ဆာစာရ ကျူးလွန်ခြင်းကြောင့် ရရှိမည့် ဆိုးကျိုးများနှင့် မန်လည်ဆရာတော်ဘုရားကြီးရေးသားတော်မူခဲ့သော မဃဒေ၀လင်္ကာတို့ဖြင့် နိဂုံးချုပ်အပ်ပါသည်။ 

ကာမေသုမိစ္ဆာစာရကျူးလွန်ခြင်းကြောင့် ရရှိမည့်ဆိုးကျိုးများကို လင်္ကာဖြင့် မှတ်သားရန်- “မိစ္ဆာစာရ၊ ကျူးလွန်ကလည်း၊ မုန်းကြအများ၊ ရန်သူပွါး၍၊ ရှားပါးလာဘ်တိတ်၊ ချမ်းသာဆိတ် ၏၊ ဣတ္ထိပဏ္ဍုက်၊ မျိုးယုတ်ခါခါ၊ မျက်နှာမလှ၊ အရှက်ရလျက်၊ လက္ခဏဣနြေ္ဒ၊ ယွင်းသွေချို့ သိမ်၊ စိုးရိမ်များစွာ၊ ချစ်သူကွာသည်၊ ရှောင်ခါအပြန် အကျိုးတည်း။” 

မဃဒေ၀လင်္ကာ- “ကိလေရုတ်မာ၊ ဓမ္မတာ၌၊ အာသာငတ်ငတ်၊ ကြီးရမ္မက်နှင့်၊ ကလက်ကလိန်း၊ ဉာဏ်မထိန်းဘဲ၊ မိန်းမနိုင်ငံ၊ ဆက်ဆံယစ်မူး၊ အလိုက်ကျူးက၊ ညစ်ညူးဆိုးဝါး၊ အပြစ်များ၏။” 

ကာမရောဂါ၊ ၀မ်းတွင်းနာကား၊ ကုရာနတ္ထိ၊ ဆေးမရှိဘူး၊ မိမိပညာ၊ သတိသာလျှင်၊ မဟာသြသဓ၊ ဆေးမည်ဆွ၏။” 
(ဣဒံ မေ ပုညံ အာသ၀က္ခယံ ၀ဟံ ဟောတု)

အပြည့်အစုံသို့

21 Dec 2012

ပုရိသ ကံဆိုးပေါက်ကြီးများ(ပထမပိုင်း)

နမော တဿ ဘဂ၀တော အရဟတော သမ္မာသမ္ဗုဒ္ဓဿ” 

သတ္တ၀ါတို့၏ အကျိုးပေးကံတရားတို့သည် အရိပ်ကဲ့သို့ဖြစ်၏။ အရိပ်ကို လိုက်ခဲ့ရန် ခေါ်စရာမလိုသလို လိုက်ခဲ့ရန်လည်း တားဆီးလို့ မရနိုင်ပေ။ သွားနေသည်အရာနောက်သို့ ထက်ကြပ် မကွာ လိုက်နေမည်သာဖြစ်၏။ ထို့အတူသာလျှင် သတ္တ၀ါတို့ ပြုလုပ်သမျှသော ကာယကံအမှု၊ ၀စီကံအမှု၊ မနောကံအမှုတို့၏ အကျိုးပေးကံတို့သည် အရိပ်ကဲ့သို့ အစဉ်လိုက်နေလေသည်။ အကျိုးပေးတတ်သည့် ကံလေးမျိုးရှိရာတွင်-  

(၁) အလွန်ကြီးလေးသော၊ တခြားမည်သည့်ကံမှ မဖျက်ဆီးနိုင်သော၊ ဒုတိယဘ၀ သေချာပေါက် မလွဲမသွေအကျိုးပေးသော ဂရုကကံ။ (ဥပမာ- ကုသိုလ်ကံကိုကြည့်ပါက ဈာန်ရထားသောပုဂ္ဂိုလ် သည် သေပြီးနောက်ဘ၀၌ သေချာပေါက် ဗြဟ္မာ့ပြည်ရောက်သကဲ့သို့၊ အကုသိုလ်ကံကိုကြည့်ပါက မိဘကို သတ်မိသော ပဉ္စာနန္တရိကံမျိုးကျူးလွန်မိသူသည် သေပြီး နောက်ဘ၀၌ အပါယ်ငရဲသို့ သေချာပေါက် ကျရောက်ရသကဲ့သို့)
(၂) ယခင်က နေ့စဉ်အားထုတ်နေကျမဟုတ်ဘဲ သေခါနီးတွင် ပြုလုပ်မိကာ ဒုတိယဘ၀သို့အကျိုး ပေးသော အာသန္နကံ။ (ဥပမာ- ကဿပဘုရားရှင်လက်ထက်က ရဟန်းတော်ကြီး တစ်ပါး အနှစ်နှစ်သောင်း ကြာအောင် ရဟန်းသီလ မကျိုးမပေါက်အောင် စောင့်ထိန်း ခဲ့သော်လည်း သေခါနီးတွင် ပိန်းမြက်ပင်လေး ဆွဲဖြတ်မိခြင်းကို အာပတ်မဖြေရသေးဘူး ဟူ၍ နှလုံးသွင်းမိခြင်း ကြောင့် ရေ၌ နဂါးကြီးသွားဖြစ်ရ သကဲ့သို့၊ ဂေါတမမြတ်စွာ ဘုရားလက် ထက်က သေဒဏ်ကျ သူတွေကို သတ်ပေးရသည့် ဘုရင့်အမှု ထမ်းကြီးတစ်ဦးသည် အနှစ်ငါးဆယ်တိုင်အောင် မကောင်းမှုဖြင့် အသက်မွေးခဲ့ရသော်လည်း အသက်ကြီး၍ ပင်စင်ရချိန် သေခါနီး၌ အရှင်သာရိပုတ္တရာကိုယ်တော်မြတ်ကြီးကို ဆွမ်းကျွေးတရားနာပြီး ကိုယ်တော်မြတ်ပြန်သွားချိန်တွင် ဥပစ္စေတကကံတစ်ခုဖြင့် သေသွားချိန်ရာ တစ်သက်လုံးပြုလုပ်ခဲ့သော လူသတ်သည့်ကံ များက အကျိုးမပေးသေးဘဲ သေခါနီးတွင်ပြုမိသောကံက နတ်ပြည်သို့ရောက်ရှိအကျိုးပေး သကဲ့သို့)
(၃) စဉ်ဆက်မပြတ်အားထုတ်ရင်း အမြဲပူနွေးနေကာ သေခါနီးအထိ သတိမပြတ် အားထုတ် နိုင်ပါက အလွန်အားကောင်းစွာအကျိုးပေးသော အာစိဏ္ဏကံ။ (သေခါနီးပြုမိသော အာသန္နကံအကျိုးမပေး လျှင် နေ့စဉ်ပြုလုပ်သည့် ကောင်းမှု မကောင်းမှုကံတို့က အကျိုးပေးခြင်း ဖြစ်သည်။ ဥပမာ- ဂေါတမမြတ်စွာ ဘုရားလက်ထက်က ဓမ္မိကဥပါသကာကြီးသည် နေ့စဉ် ဘုရား ကျောင်းကန်သွား၊ တရားနာ၊ ဥပုသ် သီလစောင့်သော ဥပါသကာကြီးဖြစ်ရာ သေခါနီးတွင် နတ်ပြည်ခြောက်ထပ်မှ ပန်းရထားများ က ကောင်းကင် တွင် ရောက်ရှိလာပြီး နတ်ပြည်ခြောက် ထပ်မှ နတ်သားနတ်သမီးများက ကိုယ့်နတ်ပြည် ကို ကာင်းကြောင်း အမွှန်းတင်ကာ မသေခင်ကတည်းကတိုင်း နတ်ပြည်ခြောက်ထပ်ထဲက ဘယ်နတ်ပြည် ကောင်းလဲ မေးမြန်းပြီး တုသိတာနတ်ပြည်က ဘုရားအလောင်းအစရှိသော သူတော် ကောင်းများ မွေ့လျော်ရာ နတ်ပြည်ဖြစ်ကြောင်း သိရှိပြီး တုသိတာနတ်ပြည်က ပန်းရထား ကို ရွေးပြီး ထိုနတ်ပြည်တွင် နတ်သားးဖြစ်ရသကဲ့သို့) 
(၄)သေပြီးနောက်ဘ၀မှသည် နိဗ္ဗာန်မရမခြင်း ကြားသံသရာ၌ အကြောင်းတိုက်ဆိုင်တိုင်း အကျိုးပေးသော ကဋတ္တာကံ။ (ရှေ့က ကံသုံးခု အကျိုးပေးခွင့် မသာပါက ယခင် သံသရာ ဘ၀တစ်ခုခုက ပြုလုပ်ခဲ့သော ကံက အကျိုးပေးခြင်းဖြစ်သည်။ ဥပမာ- ရှေးအခါက အင်္ဂတိမင်း ကြီး၏ တိုင်းပြည်တွင် အလာတ စစ်သူကြီးသည် ယခင်ဘ၀က ပိင်္ဂလဆိုသော နွားသတ် သမားလုပ်ခဲ့သော်လည်း ငရဲမရောက်သေးဘဲ ကဿပဘုရားရှင်လက်ထက်၌ ပန်းကုံးတစ်ကုံးကို ဘုရားစေတီတော်မှာ လှူခဲ့ဖူးသည့် ကံကြောင့် နွာသတ် သမားဘ၀မှ သေပြီးနောက်ဘ၀တွင် နွားသတ်သည့်မကောင်းမှုကံများက အကျိုးမပေးသေးဘဲ ဘုရားစေတီမှာ ပန်းကုံးလှူခဲ့သည့်ကံက ဂုဏ်သရေရှိသော စစ်သူကြီးအဖြစ်ကို အကျိုးပေးသကဲ့သို့၊ တစ်ဖန် ဗီဇကကျွန်သည်လည်း ပြီးခဲ့သည့်ဘ၀က ဥပုသ်နေ့တွေ၌ ဥပုသ်သီလဆောက်တည်ခဲ့သော် လည်း ထိုကံများက အကျိုးမပေးသေးဘဲ ကဿပဘုရားရှင်လက်ထက်တွင် လုလင် တစ်ဦးဖြစ်ခဲ့ရာ ရဟန်းတစ်ပါး မျက်စိလည်၍ လမ်းမေးသည်ကို နွားပျောက်လို့ရှာမတွေ့ ဘဲ စိတ်ညစ်နေသည့်အချိန်ဖြစ်နေသောကြောင့် ရဟန်းတော်အား “သင်တို့ဘုန်းကြီးတွေ တယ်..စကားများတယ်၊ စကားများတယ်ဆိုတာ ကျွန်တွေမှ များတာ၊ အသင်လည်း ကျွန်မျိုး ဖြစ်ပါလိမ့်မယ်”ဟူသော ၀စီကံဒုစရိုက်ကျူးလွန်မိသော ကံကြောင့် ဥပုသ် သီလဆောက်တည် ထားသောကုသိုလ်ကံတွေက အကျိုးမပေးသေးဘဲ သေပြီးနောက်ဘ၀၌ တစ်ခုသောဘ၀က ၀စီကံဒုစရိုက်က ကျွန်ဘ၀သို့ အကျိုးပေးသကဲ့သို့။) ကံလေးမျိုးရှိကြ၏။ 

ကံလေးမျိုး ရှိကြောင်းကို အကျဉ်းမျှ ဖော်ပြခြင်းဖြစ်ပါသည်။ ဤဆောင်းပါးတွင် ပုရိသ အမျိုးသားများ ကံဆိုးစေသည့် အကြောင်းများ၊ ဘ၀မှာ တိုးတက်မှုမရှိဘဲ ဆုတ်ယုတ်စေသည့် အကြောင်းများ၊ လမ်းမှား လိုက်နေကြသည့် အကြောင်းများကို အဓိကထားရေးသားတင်ပြကာ အမျိုးသားအားလုံး သတိဖြစ်စေရန်၊ လမ်းမှန်လျှောက် လှမ်းနိုင်ရန် ရည်ရွယ်အကြံပြုဖော်ပြမည် ဖြစ်ပါသည်။ “ပျော်ပွဲရွှင်ပွဲ၊ အပျင်းပွဲနှင့်၊ အောင်ပွဲရှုံးပွဲ၊ ကြိုဆိုခွဲခွါ၊ မိတ်ပွဲနှုတ်ဆက်၊ ကျိုးတူဖက်ဟု၊ ဂုဏ်ပြု ပါလေ၊ သုရာမေ”ဟူ၍ ဆိုရလောက်အောင် ပုရိသတို့ကျင်းပသော ပွဲတကာတို့တွင် ပါမြဲပါနေသည့်ရာမှာ သေရည်သေရက် သာလျှင် ဖြစ်၏။ သူမပါလျှင် မပြီးလောက်အောင် နှင်သည့်ခရီး မတွင်သည်ဟု ထင်ကြပေသည်။ သူနှင့် စပြီး သူနှင့်ဆုံးမှ အောင်ပွဲရသည်ဟု မှတ်ယူတတ်ကြ၏။ ဤကား ပုရိသတို့၏ ကြီးလေးသော ကံဆိုးပေါက်ကြီး တစ်ခုဖြစ်ပေသည်။ 

 သေရည်သေရက်တို့ကို မှီဝဲသုံးဆောင်နေသမျှ ကာလပတ်လုံး မကောင်းမှုကံများ အစဉ်တိုးပွါး နေမည်ဖြစ် သည်။ ပစ္စုပ္ပန်ဘ၀တွင်လည်း အစဉ်ဆုတ်ယုတ်နေ သလို နောင်သံသရာ၌လည်း အဖန်ဖန်ဆင်းရဲ ဒုက္ခရောက်ရမည့်အလုပ်ဖြစ်၏။ ယခုအခါ တွင် သေရက်သေရက် ကို အလှဆုံး စကားလုံးများသုံး၍ အမည်အမျိုးမျိုးပေး ကာ သေရည်သေ ရက် ဟု မထင်ရလောက်အောင် ပညတ်တို့ဖြင့် ပြီပုံးကား ချထားကြ ၏။ သို့သော် ၎င်း၏ဂုဏ်သတ္တိမှာ သောက်လျှင် မူးတတ်၏။ ထိုအချက်ဖြင့်ပြည့်စုံ လျှင် သေ ရည်သေရက်ဖြစ်ပါသည်။ ကောင်းမှုမှန်သမျှ သေသွား တတ် သော အရည်ဖြစ်၏။ ရှောင်ကြဉ်ရမည့် ၀ါရိတ္တသီလနှင့် ဆောင်ရွက်ရမည့် စာရိတ္တသီလ နှစ်ပါး တွင် သေရည်သေရက်တို့ကို မှီဝဲသုံးဆောင်ခြင်း သည် ရှောင်ကြဉ်ရမည့် ၀ါရိတ္တသီလ ဖြစ်ပါ သည်။ 

 သေရည်သေရက်နှင့်ပတ်သက်၍ အဆင့်ဆင့် အပြစ်ကြီးပုံအား စာရေးသူ၏ယူဆချက်ကို တင်ပြရပါ လျှင် မှီဝဲသုံးဆောင်သူတို့သည် အပြစ်ကြီးကြကုန်၏။ ထို့ထက် သူတစ်ပါးကို တိုက်သူတို့က ပို၍ အပြစ်ကြီးကြ ကုန်၏။ ၎င်းတို့ထက် ရောင်းသူတို့က ပို၍ အပြစ်ကြီးကြ၏။ ထိုအားလုံးထက် ချက်လုပ်ရောင်းချကြသော စက်ရုံပိုင်ရှင်သူဌေးကြီးများကား အပြစ်အကြီးဆုံး သူများဖြစ်ကြပေသည်။ ကိုယ်တိုင်လည်း ထုတ် လုပ်၊ ရောင်းလည်းရောင်း၊ သူတစ်ပါးတို့ကို လည်းတိုက်၊ မိမိကိုယ်တိုင်လည်း မှီဝဲသုံးဆောင်ပါလျှင်မူ ဆိုဖွယ်ရာမရှိတော့ပြီ။ ယခုခေတ်အခါတွင် ရေဆာလျှင် ဘီယာသောက်၊ ရင်ပူလျှင် ဘီယာသောက်ဟူ၍ ဘီယာကို ရေသဖွယ်၊ အမောဖြေစရာ အချိုရည်သဖွယ် သဘောထားပြီး အမျိုးသမီးလေးများပါ မှီဝဲလာ ကြ၏။ မြို့ကြီးပြကြီးများတွင် အစည်ကားဆုံးသောဆိုင်များမှာ ဘီယာရောင်းသော သေရည်သေရက် ဆိုင်များဖြစ်ကြ၏။ သေသောက်ကျူးသူတို့ ပေါများနေသည့်ခေတ်ကာ၌ ဘီယာဆိုင်များပေါများနေခြင်းကား မဆန်းလှပေ။ ထိုသို့ ပေါများနေခြင်းသည် ပုရိသတို့၏ ဆုတ်ယုတ်ခြင်း၊ အပါယ်ဖော် မိတ်ဆွေဖွဲ့ ကြခြင်းဖြစ်ပေသည်။ သောက်ပြီးလျှင် မူး၏။ မူလျှင် ရမ်းကားတော့၏။ ရမ်းကားသည်ဆိုရာ တွင် သောက် သုံးသူ၏ စိတ်အခြေအနေပေါ်မူတည်ပြီး ဆဲဆိုအောင်ဟစ်တတ်ခြင်း၊ မင်းဘာကောင်လဲ ငါဘာကောင်လဲ မာန်ထောင်ခြင်း၊ အိမ်ပြန် နောက်ကျတတ်၍ မိသားစုစိတ်ဆင်းရဲရခြင်း၊ အမျိုးသမီးငယ်တို့ကို စ,နောက် ရိုင်းပျစော်ကား တတ်ခြင်း၊ ခိုးဖို့လည်း ၀န်မလေး၊ ခိုက်ရန်ဖြစ်ဖို့လည်း ၀န်မလေးခြင်း၊ အရှက်အကြောက် ကင်း မဲ့ကာ မကောင်းမှုမှန်သမျှ လုပ်ဆောင်ရဲခြင်း စသည့် ဆိုးရွားသည့်အကြောင်းများကို ဖန်တီး တော့၏။ 

အရက်သေစာသောက်စားရာတွင် အဆင့်သုံးဆင့်ရှိ၏။ (၁)လူက အရက်ကိုသောက်ခြင်း၊ (၂) အရက်က လူကိုသောက်ခြင်း၊ (၃) အရက်က အရက်ကိုသောက်ခြင်းတို့ဖြစ်၏။ အဆင့်(၁)တွင် ပျော်လို့သောက်၊ ပျင်းလို့သောက်၊ အောင်ပွဲရလို့သောက်၊ ရှုံးပွဲရလို့သောက်၊ ကြိုဆိုခွဲခွါ မိတ်ဖွဲ့ နှုတ်ဆက်၊ ဆေးဖြစ်ဝါးဖြစ် အစရှိသဖြင့် အမျိုးမျိုးအဖုံဖုံသော အကြောင်းများကိုပြ၍ သောက်ခြင်းဖြစ်၏။ ပုရိသကံဆိုးပေါက်ကြီး စတင်ပွင့်လာခြင်းပင်။ အဆင့်(၂)တွင် သောက်ချိန်ရောက်လာပါက လူက မနေနိုင်တော့သည့်အဆင့်ဖြစ် လာ၏။ သောက်ပွဲတွေဖြစ် အောင် အရက်က လူကိုခိုင်းနေလေသည်။ တစ်ဝိုင်း၊ တစ်ပွဲ၊ တစ်ရှဲ ဟူ၍ ဘာအထိန်းမှတ်ဖြစ် ဖြစ် အရက်က သူ့ကို ပါအောင်ထည့်ဖို့ လူကိုခိုင်းတော့၏။ ပုရိသကံဆိုးပေါက်ကြီး ကျယ်လာ ပေသည်။ အဆင့်(၃)တွင် ၀ိုင်းဖွဲ့ဖို့ မလိုတော့ပေ။ မသောက်ရလျှင် မနေနိုင်တော့သည့်အဆင့် သို့ရောက်သွား၏။ မသောက်ရပါက လက်များတုန်ရီလာခြင်း၊ အကြောတက်ခြင်း၊ သေရည် ပြတ်သွားပါက အသက်ပါသေဆုံးနိုင်သည့်အခြေအနေသို့ရောက်လာပြီး ဖြတ်လိုပါက ဆေးရုံတက်ပြီး ဆရာဝန် အကူ အညီဖြင့်ဖြတ်မှ ရသည့် အခြေအနေအဆင့်သို့ ရောက်သွားတော့သည်။ အဆင့်(၃)တွင်ကား အရက် ၏ကြေးကျွန် ဖြစ်သွားလေပြီ။ ဤအဆင့်ရောက်လျှင် မိုးလင်းသည် နှင့် တစ်ခွက် တစ်ဖလား မော့ပြီးမှ တခြားအလုပ်ကို ဆက်လုပ်နိုင်၏။ ရှေ့၌ ကုသိုလ်ကောင်းမှုရှိခြင်းသည် မင်္ဂလာတစ်ပါးဖြစ်ရာ မိုးလင်း သည်နှင့် မကောင်းမှုဖြင့် စနှင့်ပြီဖြစ်ခြင်းကြောင့် ဘယ်မှာလျှင် မင်္ဂလာရှိတော့အံ့နည်း။ 

 ရာဇ၀တ်မှုကျူး လွန်သူများအနက် အရက်အလွန်အကျွံသောက်သုံးခြင်းကြောင့် စိတ်ဖောက် သူများနှင့် အရက်စွဲလန်းသူများ အရက်ဖြတ်လိုက်ခြင်း၊ အရက်လျှော့လိုက်ခြင်း၊ အရက်ယင်း ထသူများတွင် ပြစ်မှုကျူး လွန်ခြင်းများလေ့ရှိကြောင်း တွေ့ရ၏။ စိတ်ကျန်းမာရေးဆေးရုံများတွင်လည်း စိတ်မကျန်းမာသူများမှာ အရက်သောက်ခြင်းကြောင့် ပိုဖြစ်ပွါးလျက်ရှိပေသည်။ အရက်စွဲလန်းသွားသူများအနေဖြင့် အရက်ကို နားမည်ဟုလျှော့သည်ဖြစ်စေ၊ ဖြတ်သည် ဖြစ်စေ လုပ်လိုက်သည့်အခါမျိုး၌ အရက်ယင်းထလေ့ရှိ၏။ ထိုအချိန်တွင် အရက်စွဲလန်းသူ၏ စိတ်အခံကိုလိုက်ပြီး ပြစ်မှုကျူးလွန်ခြင်းဖြစ်တတ်ကြောင်း အငြိမ်းစား အထူးကုဆရာဝန်ကြီး ဒေါက်တာဂျော်ထက်ဒိုးက ပြောဖူးလေသည်။ အရက်ယင်းထခြင်းဆိုသည်မှာ အရက်ဖြတ်လိုက်ပြီး ပထမ တစ်ရက်၊ နှစ်ရက် လက်တုန်ခြင်း၊ ပျို့အန်ခြင်းများဖြစ်ကာ အိပ် မရခြင်း၊ ကြောက်လန့်ခြင်းများဖြစ်တတ်ခြင်း၊ တတိယနေ့တွင် ဆေးကုသခြင်းများမရှိပါက အသံများကြား လာလေသည်။ အဆိုပါအသံများတွင် ခြိမ်းခြောက် သံများ၊ အမိန့်ပေးခိုင်းစေသံများ ကြားရခြင်း တို့ ဖြစ်လာ တတ်ခြင်းကိုဆိုလိုကြောင်း သိရပေ သည်။ ထိုအသံများတွင် သူ့ကိုလာသတ်မည်၊ ခုတ်ထစ်မည်ဟူသော အသံများ၊ တချို့အစွဲ အလန်းကြီးသူများတွင် မျက်စိထဲပါမြင်ခြင်း၊ သူ့ကို လိုက်သတ်နေသည်ဟူ၍ အသံလည်းကြား၊ ရုပ်လည်းမြင်သည့်အတွက် ဘေးမှလူများ၊ မိသားစုများကို လူဆိုးဟုမြင်လာပြီး ရန်သူလို မြင်လာခြင်း၊ တချို့ကျတော့ စိတ်အားငယ် သူများဖြစ်ရာ ကြောက်ပြီးထွက်ပြေးခြင်း၊ ကြောက် လွန်းအားကြီးပြီး ပြူတင်းပေါက်မှခုန်ချထွက်ပြေးခြင်း၊ အမြင့်မှခုန်ချထွက်ပြေးတတ် ခြင်း၊ တချို့ကျတော့ ဓာတ်ခံက ဒေါသဓာတ်ခံရှိလေရာ သူ့ကို အထိမခံ၊ ပြန်ချမည်ဆိုသော သူမျိုးကျတော့ အရက်ယင်းထ သည့်အခါ အခံကကြမ်းသည့်အတွက် ပြန်လုပ်တတ်တာမျိုး၊ တွေ့ကရာလူကို ရိုက်တတ်ခြင်း၊ သတ် တတ်ခြင်း၊ မိဘမှန်းမသိ၊ ဆွေမျိုးမှန်းမသိဘဲ ပြန်သတ်တတ်ခြင်း၊ အရက်အလွန် အကျွံသာက်သောကြောင့် စိတ်ဖောက်သွားခြင်းများ၊ ယင်းမှတဆင့် ပြစ်မှုကျူးလွန်ခြင်းများ ရှိလာတတ်ပေသည်။ ၎င်းမှာ အရက်ကြောင့် တိုက်ရိုက်စိတ်ဖောက် ခြင်းဟုခေါ်ကြောင်း ဒေါက်တာဂျော်ထက်ဒိုးပြောကြားသည့် အရက်နှင့်ပတ်သက်သည့် အကြောင်းကို ဂျာနယ်တစ်စောင်မှ ပြန်လည်ဖြည့်စွက် ဖော်ပြလိုက်ပါသည်။ 

အရက်သောက်ခြင်း အဆင့်(၃)သို့ရောက်သွားသော အရက်၏ကြေးကျွန်ဖြစ်သွားသည့် ကျွန်ုပ်တို့ရွာက ပုရိသတစ်ယောက်အကြောင်းကို ပြောပြချင်ပါသည်။ သူသည် ယခင် ငယ်စဉ်က ဉာဏ်ကောင်းပြီး ဥပဓိရုပ်ကောင်းသည့် အုပ်ချုပ်ရေးမှူးကောင်းတစ်ဦးဖြစ်သည်။ ရေနံရှာဖွေရေးဝန်ထမ်းလုပ်ဖူးသောကြောင့် အတွေ့အကြုံဗဟုသုတရှိသူ ဖြစ်၏။ ၀န်ထမ်းမှ အနားယူသည့်အချိန် တွင် ကျေးရွာအုပ်စုဥက္ကဋ္ဌ အဖြစ် ရွေးချယ်ခံရသည်။ ရပ်ရေးရွာရေး ကိစ္စအ၀၀အားလုံး နည်းလမ်းတကျ မှန်မှန်ကန်ကန် ဆုံးဖြတ်နိုင်သဖြင့် ကျေးရွာလူထု၏ အထင်ကြီးလေးစားမှု ရရှိသူဖြစ်လေသည်။ ထိုအချိန်ကား သူသည် လူက အရက်ကိုသောက် သည့်အဆင့်သာရှိသေး၏။ သို့သော် တဖြေးဖြေးစွဲလာကာ အဆင့်(၂) သို့ ရောက်လာ သည်။ ကျေးရွာလူထုကို ရပ်ရေးရွာရေးကိစ္စများ အသံချဲ့စက်ဖြင့် ပြောဟောချိန်တွင် စကားများမှာ အပ်ကြောင်းထပ်၍လာတော့၏။ ပြောပြီးသောစကားများ မမှတ်မိ၍ ထပ်ကာ ထပ်ကာ ပြောမိ လေတော့၏။ ရွာကလူများ သူ့အသံကို နားငြီးလာလေပြီ။ တစ်ခါတစ်ခါ အရက်သောက်ပြီးမှ ပြောသောအခါ ပို၍ဆိုးလေသည်။ မကြာပါပေ။ ဥက္ကဋ္ဌရာထူးကို ရွာကလူများ ၀ိုင်း ၍ဖြုတ်ပါ တော့၏။ အရက်သမားရာထူးကို ဆက်လက်ခံယူပြီး မိုးလင်းသည်နှင့် အရက်ဆိုင် သို့ ပြေး ပါ လေတော့၏။ အိမ်တွင် အရက်ကို သိုလှောင်ထားရပါတော့၏။ သူသည် ကျွန်ုပ်ဗိုလ်လောင်း သင်တန်း တစ်နှစ်ပြည့်လို့ ခွင့်ပြန်လျှင် သူ့အိမ်၌ ကောင်းကောင်းမွန်မွန် ချက်ပြုတ်ကာ ကျွန်ုပ် ကို ထမင်းဖိတ်ကျွေး တတ်၏။ ထိုအချိန်တွင် ကျွန်ုပ်သည် သူ့၏ ယခင်က ကျေးရွာ၌ ရွှေရောင် လွှမ်းခဲ့သော ဘ၀ကို တမ်းတမိကာ အရက်မသောက်ဖို့၊ အရက်ဖြတ်ဖို့တရားများ အကြံပြု ဟောကြားခဲ့ဖူး၏။ သူသည် ကျွန်ုပ်ကို ချစ်ခင်ပြီး လေးစားမှုရှိသောကြောင့် ဤအချက်ကို ထောက်ပြီး အကြံပြုပြောဟောနိုင်ခြင်းဖြစ်၏။ သူ၏ အမျိုးသမီးသည်လည်း သူ့အမျိုးသား အရက်မသောက်ဖို့ ပြောပေးရန်သာ ကျွန်ုပ်ကို တဆာဆာ အကူအညီတောင်းနေသူဖြစ်၏။ ကျွန်ုပ် တဆတ၌ တာဝန်ထမ်းဆောင်ချိန်တွင် ခွင်ပြန်သည့်အချိန်၌ သူသည် ဘာအလုပ်ကိုမျှ ကြိုးစားပမ်းစား မလုပ်နိုင်တော့ပါ။ အရက်ဖြင့် အသက်ဆက်နေရသည့် အဆင့်(၃)သို့ ရောက်ရှိနေလေပြီ။ ကျွန်ုပ်ကို ထမင်းဖတ်ခေါ်ကျွေးချိန်တွင် ကျွန်ုပ် ထမင်းစားနေသည့်ရှေ့၌ ကျွန်ုပ်ကို ထိုင်ကြည့်ကာ အသံထွက်၍ ငိုပါတော့၏။ ကျွန်ုပ်ကို ထမင်းဖိတ်ကျွေးရာတာ ၀မ်းသာလွန်လို့ပါ ဟူ၍ ပြော၍ပြော၍ ငိုလေသည်။ ကျွန်ုပ်သည် သူ့အား စာနာသနားမိပါသည်။ အဘယ်ကြောင့်ဆိုသော် သူ့၌ စကားပြောဖော် မရှိတော့ပါ။ ရိုသေလေးစားသူ မရှိတော့ပါ။ သူ ပြောမည့်စကားများကိုလည်း အရေးတယူနားထောင်ပေးမည့်သူ မရှိတော့ပါ။ ရွာကလူများ မဆိုထားနှင့်၊ အိမ်သူ သားသမီးများကပင် မလေးစား၊ မကြည်ညိုကြတော့ဘဲ အပြန်အလှန် ခွန်းတုန့်ပြန်သည့် လောကဓံများကား သူ့အား နေ့စဉ် လိုလို ရိုက်ခတ်ခံနေရလေသည်။ ယခင်က သူသည် ကျေးရွာဥက္ကဋ္ဌကြီးအဖြစ် ရွာသူရွာသား များက လေးစား၊ တခြားကျေးရွာ ဥက္ကဋ္ဌများကပင် လေးစားခံနေရသူဖြစ်ရာ အိမ်သူသားသမီးများ၏ ချစ်ကြောက်ရိုသေလေးစား ခြင်းခံရသူဖြစ်၏။ ထိုစဉ်က ကျွန်ုပ်သည် သူနှင့် အချိန်ကြာမြင့်စွာ အပြန်အလှန် စကားပြောနေ ခဲ့ပါသည်။ သူပြောချင်သောစကားများကိုလည်း အရေးတယူ နားထောင်ခဲ့ပါသည်။ ယခင်က ဥပဓိရုပ်ကောင်းသော်လည်း ပိန်လီနေသောသူ၏ ခန္ဓာကိုယ်ကိုကြည့်ပြီး ကျွန်ုပ် သနားမိသလို သံဝေဂလည်း ပွါးနေမိခဲ့၏။ ကျွန်ုပ်ခွင့်ရက်ပြည့်လို့ တဆတ၊ ရန်ကုန်သို့ ပြန်ရောက်ပြီး လေးငါးလလောက် ကြာသောအခါ သူ၏အကြီးဆုံးသမီးသည် နယ်တွင် မူလတန်းပြဆရာမ တာဝန်ကျလျက်ရှိရာက ရန်ကုန် တွင် ခေတ္တတည်းခိုရာ ဖခင် အသည်းအသန်ဖြစ်၍ ရွာကိုပြန်မည့်အကြောင်း သိရလေသည်။ ကျွန်ုပ် သိလိုက်ပါသည်။ နေ့စဉ် ရက်ဆက် သောက်သုံးခဲ့သော အရက်သေစာများကြောင့် သူ့ အသည်းခြောက်နေလောက်ပါပြီ။ သူသေရတော့မည်ကို တထစ်ချ ထင်မြင်ယူဆလိုက်သဖြင့် မြတ်စွာ ဘုရားပုံတော်ကျောဘက်တွင် သူသေခါနီး နှလုံးသွင်းနိုင်ရန်အတွက် ကျွန်ုပ် စာရေးပေးလိုက်ပါသည်။ ကျွန်ုပ်ရေးပေးလိုက်သောစာမှာ- 
-“ဗုဒ္ဓေါ မေ သရဏံ အညံ နတ္ထိ”- မြတ်စွာဘုရားမှတစ်ပါး ငါ့၌ ကိုးကွယ် ရာ၊ မှီခိုအားထားရာ မရှိတော့ပါ။ -“ဓမ္မော မေ သရဏံ အညံ နတ္ထိ”- တရားမှတစ်ပါး ငါ့၌ ကိုးကွယ်ရာ၊ မှီခိုအားထားရာ မရှိတော့ပါ။ -“သံဃော မေ သရဏံ အညံ နတ္ထိ”- ဘုရားသားတပည့်သားသံဃာတော်အရှင်သူမြတ်တို့မှတစ်ပါး ငါ့၌ ကိုးကွယ်ရာ၊ မှီခိုအားထားရာ မရှိတော့ပါ။ ဟူ၍ဖြစ်ပါသည်။ 

 ဘုရား၊ တရား၊ သံဃာတို့အား ကြည်ညိုစိတ်ဖြစ်ပြီး သေသွားလျှင် သုဂတိဘုံရောက်နိုင်ရန် ရည်ရွယ်ပြီး ရေးသားပေးလိုက်ခြင်းဖြစ်၏။ နောက်နှစ်ရက်ကြာသော် သူ သေဆုံးသွားကြောင်း သိရပါသည်။ သူ၏ နိစ္စဓူဝ လုပ်နေသော အစိဏ္ဏကံ အကျိုးပေးပါလျှင် သူ အပါယ်ငရဲကျမှာ သေချာ သလောက်ရှိပါ သည်။ သေခါနီး ဘုရား၊ တရား၊ သံဃာအား ကြည်ညိုမှု၊ တရားနှလုံးသွင်းမှု တစ်ခုခုရှိခဲ့ပါလျှင် ထိုသေခါနီးတွင် ပြုမိခဲ့သော အာသန္နကံအကျိုးပေးပါလျှင် ကောင်းရာဘုံ ရောက်နိုင်ပါသည်။ ယခင် သံသရာက ပြုလုပ်ခဲ့သော ကံတစ်ခုခု ကဋတ္တာကံ အကျိုးပေးပါလျှင် ထိုကံ စီမံရာအတိုင်း သံသရာခရီး ဆက်၍ နှင်နေပေမည်။ 

 ပုရိသဓမ္မမိတ်ဆွေ အမျိုးသားအပေါင်းတို့ အရက်သေစာများကို ပျော်လို့လည်း မသောက်ပါနှင့်။ ပျင်းလို့ လည်း မသောက်ပါနှင့်။ မိတ်ဖွဲ့စီးပွါးဖက်ဖို့လည်း မသောက်ကြပါနှင့်။ မြန်မာ့ယဉ်ကျေးမှု မဟုတ်ပါ။ ကမ္ဘာ့ယဉ်ကျေးမှုလည်း မဟုတ်ပါ။ ဘုရား အစရှိသော သူတော်ကောင်းများ တားမြစ်သည့် အဆိပ်ရည်သာဖြစ်ပါသည်။ “သေနှင့်အရက်၊ စီးပွါးပျက်ကို၊ တစ်စက်ကယ်မျှ၊ မသောက်ကြနှင့်၊ ရှောင်ကြ ပါလေ၊ ရှင်တော်ဟောသည့်၊ အဆိပ်ရေ”ဟူသော ရှင်မဟာရဋ္ဌသာရ၏ ဆုံးမစာလေးကို နှလုံးသွင်းစေချင်ပါ သည်။ လူသားတိုင်း စောင့်ထိန်းအပ်သော ဂရုဓမ္မသီလဖြစ်သည့် ငါးပါးသီလမှ သုရာမေရယမဇ္ဈပမာ ဒဋ္ဌာနသိက္ခာပုဒ်ဖြစ်ပါသည်။ ကိုယ်တိုင်ရှောင်ကြဉ်ရမည်ဖြစ်သလို သူတစ်ပါးတို့ကိုလည်း ရှောင်ကြဉ်ရန် တိုက်တွန်းနှိုးဆော်အကြံပြုအပ်သည့် ဂရု- ကြီးလေးသော၊ ဓမ္မ- နိဗ္ဗာန်ရောက် ကြောင်း ပါရမီထိုက်သော၊ သီလ- ကိုယ်ကျင့်တရားဖြစ်ပါသည်။ 

 လူငယ်လူရွယ်တို့သည် လမ်းမှားလိုက်နေသူတို့၏အကျင့်ကို အတုမလိုက်ကြပါနှင့်။ လမ်းမှန် လျှောက်၍ ကြီးပွါးတိုးတက်အောင်မြင်နေသူတို့၏ နည်းမှန်လမ်းမှန်ကို အတုယူကြိုးစားသင့် ၏။ ပျော်လို့အောင်လို့ဆိုပြီး အရက်သောက်လျှင် အမှန်တကယ်ပျော်ရွှင်ရမည့်အချိန်များ အကျိုးမဲ့ဖြစ်သွားပါမည်။ စိတ်ညစ်လို့ သောက် ပါက အနာပေါ် တုတ်ကျသလို ပို၍ပင် ဒုက္ခ ရောက်ရပေမည်။ စိတ်ညစ်လျှင် စိတ်ညစ်သည့်အကြောင်းရှာ အဖြေထုတ်၍ ပျော်ရွှင်မှု ရရှိအောင် ကြိုးစားရပါမည်။ ရှုံးနိမ့်လျှင်လည်း စိတ်ကို ဖရီးရိုက်ကာ သောက်စား မူးယစ် နေမည့်အစား ရှုံးရသည့်အကြောင်းရှာ အဖြေထုတ်၍ နိုင်ပွဲရအောင်ကြိုးစားမှ ယောက်ျားပီသ သူဖြစ်ပေမည်။ မိတ်ဖွဲ့ဖို့ ၀ိုင်းဖွဲ့ရာ၌ သေစာနှင့် ၀ိုင်းမဖွဲ့ကြပါနှင့်။ မြန်မာ့ယဉ်ကျေးမှုဖြစ် သည့် ရေနွေး ကြမ်းနှင့် လ္ဘက်သုပ် အလွန်ပင်ကောင်းလှပါသည်။ အချိန်ကြာကြာ စကားပြောဆွေးနွေးလို့ ရပါပေ သည်။ တစ်ငုံသောက်လိုက်၊ တစ်ကျိုက်သောက်လိုက်၊ စကားပြောဆွေးနွေးလိုက်နှင့်ဆိုတော့ ဟန်ကျလှပေ ၏။ ရေနွေးကြမ်းသောက်ခြင်းသည် သွားခိုင်ခြင်း၊ သွေးကြောကျဉ်းခြင်းမှ ကာကွယ်ခြင်း၊ ကင်ဆာရောဂါ မဖြစ်ခြင်းဟူသော အကျိုးကျေးဇူးများရရှိကြောင်း ဆရာကြီး မသ်းသုဝဏ်၏ စာပေဟောပြောပွဲတွင် ဆရာကြီး နှိုးဆော်တိုက်တွန်းသွားသည်ကို နားထောင် လိုက်ရပါသည်။ ကျွန်ုပ်တို့ရွာက ရေနွေးကြမ်းကို အကြိုက်သောက်ကြသော အဖိုးအို၊ အဖွားအို များ ထို့ကြောင့် အသက်ရှည်နေကြသည် ဖြစ်တန်ရာ၏။ သို့သော် တစ်ယောက်နှင့် တစ်ယောက်၏ ကံ၊ စိတ်၊ ဥတု၊ အာဟာရများ မျှတမှု မတူညီနိုင်သောကြောင့် မည်သည့် အစားအသောက်ပဲဖြစ်ဖြစ် ကိုယ်နှင့် သပ္ပါယမျှမှသာ မိမိကျန်းမာရေး အထောက် အကူ ဖြစ်နိုင်ကြောင်းကို ဖြည့်စွက်ဆွေးနွေးတင်ပြလိုပါသည်။

 သေရည်သေရက်သောက်သုံးခြင်းကြောင့် ရရှိသောဆိုးကျိုးများမှာ- “သေရည်သောက်လင့်၊ သင့်မသင့် ကို၊ ရေးခွင့်မသိ၊ ပျင်းရိမေ့မူး၊ ကျေးဇူးမဆပ်၊ ဟီရောတ္တပ် ကင်း၊ ခပင်းများထို၊ အကုသိုလ်ကို၊ မပြိုလွယ်စွာ၊ ပြုကျင့်ရာသည်၊ ရှောင်ခါအပြန် အကျိုးတည်း။” (ဟီရောတ္တပ်ကင်း= ဟီရိ၊ သြတ္တပ္ပကင်းခြင်း) 

အမှတ်(၁)ပုရိသကံဆိုးပေါက်ကြီးအကြောင်းကို ဆောင်းပါး(ပထမပိုင်း)အဖြစ် ဤတွင် နိဂုံချုပ် အပ်ပါသည်။ စာရှုသူဓမ္မမိတ်ဆွေများ ဤဘ၀ ရဟန္တာမဖြစ်သေးပါလျှင် “ဘ၀တိုင်းမှာ၊ မူးယစ်ကာ၊ သောက်တာ ကင်းနိုင်ကြပါစေ။” 
(ဣဒံ မေ ပုညံ အာသ၀က္ခယံ ၀ဟံ ဟောတု)

အပြည့်အစုံသို့

14 Dec 2012

ပါရမီကုသိုလ် အစဉ်နွေးအောင် စိတ်ကောင်း စေတနာကောင်းအစဉ်မွေးပါ

နမော တဿ ဘဂ၀တော အရဟတော သမ္မာသမ္ဗုဒ္ဓဿ” 

စေတနာသည် လူတိုင်းနှင့် ထိုက်တန်ပါ၏။ စေတနာသည် လူတိုင်းနှင့်မထိုက်တန်ဟူ၍ မမှတ်ယူသင့်ပေ။ အဘယ်ကြောင့်ဆိုသော် စေတနာကောင်းရှိသူထံသို့ ကောင်းကျိုးတရားများ ရောက်ရှိပြီး စေတနာဆိုးရှိသူထံသို့ ဆိုးကျိုးတို့ ရောက်ရှိမည်ဖြစ်ရာ ကိုယ်ပြုသည့်ကံ ကိုယ်ထံသာ ပြန်လည်ရောက်ရှိသည်ဖြစ်သောကြောင့် ဘယ်သူကောင်းကောင်း မကောင်းကောင်း ကိုယ်ကောင်းနေအောင်၊ ဘယ်သူတော်တော် မတော်တော် ကိုယ်ကတော် နေအောင် ကြိုးစားရမည်ဖြစ်သည်။ “ဓမ္မော ဟဝေ ရက္ခတိ ဓမ္မစာရီ- တရား ကိုစောင့်ရှောက် သောသူအား တရားက ပြန်လည်စောင့်ရှောက်” ကြောင်း ဘုရားရှင် ဟောကြား ခဲ့ပေသည်။ ထို့ကြောင့် ဘယ်သူတရားပျက်ပျက် ကိုယ်မပျက်အောင်၊ သူများ မိုးခါးရေသောက်လည်း ကိုယ်မသောက်မိအောင် သတိရှိရှိဖြင့် တရားအသိ အမြဲရှိနေကြရမည်ဖြစ်၏။  

အရင်ဦးဆုံး ကိုယ်ကောင်းအောင်၊ ထို့ကြောင့် သူတစ်ပါးတို့ကောင်းအောင်လည်း ကြိုးစားကြ ရပါမည်။ နှိုးဆော်တိုက်တွန်းအားပေးသမု ပြုကြရပါမည်။ Globalization ကမ္ဘာ့ရွာကြီးဟု ဆိုသည့်အတိုင်း လူသားအားလုံး အချင်းချင်း ဆက်နွယ်နေကြသည်ဖြစ်ရာ ကမ္ဘာ့လူသား အားလုံး ကောင်းကြပါလျှင် ကမ္ဘာကြီး ငြိမ်းချမ်းသာယာနေမည်ဖြစ်၏။ “ဂျင်းစိမ်းနှင့်မဿလင်- သူကြင်မှ ကိုယ်ကြင်”မည်ဆိုပါလျှင် လက်ဝါးနှစ်ဖက်တီးက အသံထွက်သလို၊ လှိုဏ်ခေါင်းထဲ တွင် အော်ဟစ်လိုက်ပါက ထိုအသံအတိုင်း လှိုဏ်သံပေးသလို ခိုက်ရန်ဒေါသတွေ၊ မာန်မာန ထောင်လွှားသံတွေ ထွက်လာကာ ကြားရသူအပေါင်း စိတ်နှလုံး မချမ်းမြေ့ဖွယ်ဖြစ်၏။ ရွာထဲက ဘေးချင်းကပ်နှစ်အိမ် ဆဲဆိုအော်ဟစ် ရန်ဖြစ်ကြပါ လျှင် ဘေးနားကကြားရသော အိမ်အများ စိတ်မချမ်းသာနိုင်ကြပေ။ ထို နှစ်အိမ် တွင် နေထိုင်ကြ သူတို့မှာလည်း နှစ်ဖက်စလုံး ပူလောင် ဒေါသ ရန်မီးတွေ ပွါးနေရသောကြောင့် စိတ်ချမ်း သာနေကြရမည် မဟုတ်ပေ။ တစ်အိမ်တည်းရှိ တစ်မိသားစုမှ သူနှစ်ဦး ရန်ဖြစ်ကြမူလည်း တစ်မိသားစုလုံး စိတ်ဆင်းရဲကြရပေသည်။ 

 မြတ်စွာဘုရားရှင်က “ရန်ကို ရန်ချင်း မတုန်းညှင်းနှင့်၊ မေတ္တာဖြင့်သာ ငြိမ်းစေရာ၏”ဟု ဆုံးမ ထားပေသည်။ ဓမ္မပဒ ပါဠိတော်၌လည်း “ငါတို့သည် တစ်နေ့ကျ လျှင် သေကြရမည်ဟု မသိကြကုန်သော သူမိုက်တို့အတွက် ခိုက်ရန်ဒေါသ ငြင်းခုန်ခြင်းသည် မပြေငြိမ်းကြ ကုန်။ တစ်နေ့၌ သေကြရမည်ဟု သိကြကုန်သော ပညာရှိတို့ကာ်း ခိုက်ရန်ဒေါသငြင်းခုန်ခြင်း တို့ ပြေငြိမ်းကြကုန်၏။”ဟူ၍ ဆုံးမထားပေ သည်။ နှစ်ဦးနှစ်ဖက်အကျိုးမဲ့သောအလုပ်သည် သူမိုက်တို့၏ အလုပ်၊ အကျိုးရှိအောင် ဆောင်ရွက်ခြင်းကား ပညာရှိသူတော်ကောင်းတို့၏အလုပ် ဖြစ်၏။ လူတိုင်းပေါ် တွင် စေတနာကောင်း ထားပြီး ပြောဆိုပြုမူနေ ထိုင်ခြင်းသည် အကျိုးရှိသော အလုပ်၊ မိမိရော သူတစ်ပါးပါ စိတ်ချမ်းသာစေသော အလုပ်ပင် ဖြစ်ပါသည်။

 မြတ်စွာဘုရားက “စေတနာ အဟံ ဘိက္ခ ကမ္မံ ၀ဒါမိ- ဘိက္ခဝေ- ငါ၏ချစ်သား ရဟန်းများ တို့၊ စေတ နာ- စေတနာ ကို၊ ကမ္မံ- ကံ ဟူ၍၊ အဟံ ၀ဒါမိ- ငါ ဘုရားဟောတော်မူ၏။” ထို့ကြောင့် စေတနာကောင်း လျှင် ကံကောင်းမည်၊ စေတနာဆိုးလျှင် ကံဆိုးမည် ဖြစ်၏။ ယခင် သံသရာက စိတ်ဆိုးစေတနာဆိုး ရှိခဲ့ပါလျှင် ယခုဘ၀ ကံဆိုးမိုးမှောင်ကျနေသည့် အဖြစ်ဆိုးတို့ ကြုံတွေ့နေရခြင်းကို စိတ်ရိုင်းစိတ်မိုက်များ ထပ်မံမွေးမြူနေပါလျှင် နောင်သံသရာ၌ကား သည်ထက်ပိုသော အပါယ်ဆင်းရဲသို့ ကျရောက်ပေတော့ မည်။ အပါယ်ငရဲသို့ ကျရောက်သွား ပါက ကောင်းဆိုးနှစ်တန် ခွဲခြားတတ်သည့် ယခုလို လူ့အဖြစ် ရရန်ကား လွန်စွာခဲယဉ်း ပေသည်။ အပါယ်လေးပါး ကျရောက်နေသော သတ္တ၀ါတို့ သည် ကောင်းမှုကို မဆည်းပူးနိုင်ဘဲ မကောင်းမှုတို့သာလျှင် ပြုလုပ်နေကြရသည်ဖြစ်ခြင်းကြောင့် ဆင်းရဲပြီးဆင်းရဲ နွံတွင် နစ်သကဲ့သို့ လှုပ်လေ မြုပ်လေ ဖြစ်ကြရပေသည်။ သတ္တ၀ါတို့၏ အမြဲနေအိမ်မှာ အပါယ်ဘုံ ဖြစ်ရာ ထိုသို့ ကျင်လည်နေရခြင်းမှာ မကောင်းမှုတို့ကို ကြိမ်ဖန်များစွာ လုပ်နေ ရခြင်းကြောင့် ဖြစ်သည်။ တိရစ္ဆာန်သည် အိပ်မည်၊ စားမည်၊ မေထုန်မှီဝဲမည် ဤသုံးခုသာလျှင် သိ၏။ ဤ အလုပ် သုံးခုကိုသာ ပတ်ချာလည် အမြဲလုပ်ဆောင်နေ၏။ ရတနာမြတ်သုံးပါးဆိုသည်ကို မသိ။ သီလ မည်သို့ ဆောက်တည်သလဲ နားမလည်။ ဘာဝနာ ဘယ်လို ပွါးသလဲ မတတ်မြောက်နိုင်ကြပေ။ လူသည်ကား သံသရာဆိုတာကိုလည်း သိ၏။ အဘယ်ကြောင့် ကျင်လည်နေရသည်ကိုလည်း နားလည်၏။ ကောင်းမှု၊ မကောင်းမှုတို့ကိုလည်း ခွဲခြားနိုင်၏။ သံသရာမှလွတ်မြောက်အောင်လည်း အားထုတ်နိုင်ပါပေ၏။ လူ့ဘ၀ရရှိခြင်းကား လွန်စွာ မွန်မြတ်လှပေသည်။ မွန်မြတ်သည့်လူ့ဘ၀မှာ မွန်မြတ်သည် စိတ်ကောင်း၊ စေတနာကောင်းများ ထားရှိမွေးမြူကာ ကျင့်ကြံအားထုတ်မှသာ တန်ဘိုးရှိ သည့် ကလျာဏပုထုဇဉ်အဖြစ် မှသည် သောတာ ပန်နှင့် အထက်အထက်သော အရိယာသူတော်စင် များအဖြစ်သို့ ရောက်ရှိပြီး ဘ၀၏ဒုက္ခတောနက်ထဲမှ လွတ်မြောက်နိုင်ကြပေမည်။ 

 စိတ်ကောင်းစေတ နာကောင်းဖြင့် လုပ်ကိုင်ဆောင်ရွက်ပါသ်ာလည်း အဆင်ပြေမှုတို့ မရရှိ၊ လောကဓံဆိုး တို့သာ လျှင် ထပ်ခါ ထပ်ခါ ကြုံတွေ့ရသည့်အခါ စိတ်ဓာတ်တွေကျလိုက်၊ စိတ်ဓာတ်တွေ တင်းမာသွားလိုက်ဖြစ်ကာ စိတ်ဆိုးစိတ်ညစ်များ ၀င်လာတတ်ပေသည်။ ကိုယ်ကောင်းသလို တုန့်ပြန်မှုတွေ မကောင်းသည့်အခါ သည်းခံစိတ်ကိုသာ အားတင်းမွေးမြူ ရာ၏။ လောကဓဆိုးတို့ ကြုံတွေ့ရသည့် အချိန်တွင် “သြော်…ငါယခင်က အတော်ကို မကောင်းတာတွေ ပြောဆို ပြုမူမိခဲ့ပါလား”ဟူ၍ ကံနှင့် ကံ၏အကျိုးတို့ကို ဆင်ခြင်သင့်၏။ ကိုယ်စေတနာ သူတစ်ပါးတို့ နားလည်ဖို့၊ သိရှိကြဖို့ မျှော်လင့်နေမည့် အစား မိမိစေတနာ မိမိသိဖို့သာလျှင် အရေးကြီးပေ သည်။ ကျေးဇူးတော်ရှင် မေတ္တာရှင်-ရွှေပြည်သာ ဆရာတော် အရှင်ဇ၀န၏ သြ၀ါဒကို ပြောရပါလျှင် “လောကီ စာမေးပွဲ၌ ဖြေသူက မိမိ၊ အမှတ်ပေးသူကား သူတစ်ပါး၊ လောကုတ္တရာစာမေးပွဲ၌ ဖြေသူရော အမှတ်ပေးသူပါ မိမိသာလျှင်ဖြစ်၏။” ကိုယ်ကောင်းသည် ကို ကိုယ်သိဖို့ လို၏။ ကိုယ်မကောင်းသည်ကို ကိုယ် ဆင်ခြင်ဖို့ လို၏။ ကိုယ့်ကိုယ်ကို ဆုံးမနိုင်ခြင်း ကား မြတ်သောအောင်မြင်မှုပင် ဖြစ်လေသည်။ 

 ကောင်းမှုကိုလုပ်က ကောင်းကျိုးရပြီး မကောင်းမှုလုပ်က ဆိုးကျိုးရကြောင်း မြတ်စွာဘုရား ဆုံးမထား ၏။ ကောင်းမှုလုပ်လျက် ဆိုးကျိုးတွေ့ရသည့်အခါ ကံတရား၏ အကျိုးပေးသဘောကို နားလည်မှု လွဲတတ်ပေသည်။ ဥပမာဆိုရလျှင် “ဗောဓိကိုင်း ချိုးလို့ ရွှေအိုးရ၊ ဗောဓိပင်ပျိုးလို့ ခြေကျိုးရ”ဆိုသည့် သာဓကကိုထောက်၍ မကောင်းမှုလုပ်လည်း ကောင်းကျိုးပေး၍ ကောင်းမှုလုပ်ပါကလည်း ဆိုးကျိုးရ သည်”ဟူ၍ ကံနှင့်ကံအကျိုးအပေါ်၌ လွဲမှားစွာမှတ်ယူပြီး ယုံကြည်မှု လွဲတတ်ပေသည်။ ထိုသာဓက၏ အကြောင်းအရင်းမှန်မှာ ဗောဓိကိုင်း ချိုးသော သူသည် ထိုနေ့ ဗောဓိကိုင်း မချိူးဘဲ နေခဲ့ပါ မူ ရွှေအိုးပေါင်းများ ရရှိမည်ဖြစ်သော်လည်း မကောင်းမှု အကုသိုလ်အလုပ် လုပ်မိသောကြောင့် ရွှေအိုး များစွာရရှိမည့် အတိတ်အကြောင်းခံ ရှိသော်လည်း ရွှေအိုးတစ်လုံးသာရရှိပြီး အကျိုးပေးနည်း သွားခြင်းဖြစ် ၏။ ဗောဓိပင် ပျိုးသောသူ မှာလည်း ထို့နေ ဗောဓိပင်ပျိုးသည့် ကုသိုလ်ကောင်းမှု မလုပ်မိပါလျှင် အသက်ပါ သေဆုံးရမည့် အကုသိုလ်အကျိုးပေးအတိတ်အကြောင်းခံရှိသော် လည်း ဗောဓိပင်ပျိုး သည့် ကောင်းမှု ရှိလိုက်သောကြောင့် အသက်မသေဘဲ ခြေကျိုးရုံသာ အကျိုးပေးနည်း သွားခြင်း ဖြစ်ပေ သည်။ မြတ်စွာဘုရားတိုင်း၏ သြ၀ါဒအနှစ်ချုပ်မှာ “မကောင်းမှုရှောင်၊ ကောင်း မှုဆောင်၊ ဖြူအောင် စိတ်ကိုထား”ရမည်ဖြစ်ရာ မလွှဲသာ မရှောင်သာကာ အကုသိုလ်အလုပ်ဖြင့် အသက်မွေး ၀မ်း ကြောင်းပြုနေ ရသော၊ သို့မဟုတ် မကောင်းမှုကို မပြုချင်သော်လည်း ကျူးလွန်မိနေကြသည့် သူတို့အနေဖြင့်လည်း စိတ်ကောင်းစေတနာကောင်းဖြင့် မွေးမြူဆောင်ရွက်နိုင်သလို ကောင်းမှု များကိုလည်း ပူးတွဲဆည်းပူး လုပ်ဆောင်သင့်ပေသည်။ အရက်သေစာ သောက်စားမိနေသူ သည် တရားပွဲနှင့် တွေ့သောအခါ တရားနာကြားလိုက်ခြင်းဖြင့် အသိအမြင် တိုးသွားနိုင်သလို၊ ရိုသေစွာ နာကြားခြင်း သက္ကစ္စ ဓမ္မဿဝန ကုသိုလ်ကောင်းမှု ရရှိနိုင်၏။ တချို့က အရက် သေစာသောက်မိလျှင် တခြားကုသိုလ်ကို မယူရဲတော့ဘဲ ရှိကြ၏။ မကောင်းမှုသက်သက်ချည်း ပြုလုပ်မိနေခြင်းသည် မီးခဲကိုသာ ကိုင်နေပြီး ရေနှင့် မဖြန်းမိ သလို ဖြစ်သောကြောင့် ပို၍ ပူလောင်စေပေသည်။ 

 ကောသလမင်းကြီး၏ စစ်သူကြီးတစ်ဦးသည် စစ်ပွဲများ စွာ အရှုံးမရှိ အောင်နိုင်သောကြောင့် ခုနစ်ရက်တာ မင်းစည်းစိမ်ကို ခံစားခွင့် ပေးသနားခံရပြီး ကချေသည် အလှကညာတစ်ဦးကို ရာသက်ပန် ကြင်ရာတော်အဖြစ် ရွေးကောက်တင်မြှောက်မိလိုက်ရာ ချစ်ဦးသက်ကလျာမှာ ရုတ်တရက် သေဆုံးသွား သဖြင့် စစ်ပွဲတစ်ရာ အောင်နိုင်ခဲ့ပါသော်လည်း အချစ်တစ်ပွဲမှာ ရှုံးနိမ့် သွားရသော စစ်သူကြီး ခမျာ ဖြေမဆည်နိုင်ဘဲ သေရည်ခွက် လက်မှာကိုင်၍ အရူးမီးဝိုင်း ခံရသလိုဖြစ်ကာ အသဲကွဲ ရှာတော့၏။ ဘယ်လိုများဖြေရပါ့ဟူ၍ အကြံတော်တောင်းလိုက်မှ မသေဆေးကျွေးတတ်သည့် မြတ်စွာဘုရားဆိုသော သမားတော်ကြီးဆီသွားပါက ဝေဒနာ ပျောက်ကင်းနိုင်ကြောင်း သိလျှင်သိခြင်း မသေဆေးတောင်းခံရန် အတွက် ဘုရားထံ အမြန်ပြေးလေရာ ဥပါဒါန်အစွဲအလန်းကြောင့် ဒုက္ခရောက်ရသည့်အဖြစ်ကို အသိဖွင့် လမ်းပြလိုက်ခါမှ လေးပါဒ တရားအဆုံးတွင် အရဟတ္တမဂ်ဖိုလ် ဆိုက်ရောက်သွားလေသည်။ ရှင်ဘုရင် အ၀တ်အစားဖြင့်ပင် ရဟန္တာဖြစ်သွားသော စစ်သူကြီးမှာ ပါးစပ်၌ သေရည်အနံ့ပင် မပျောက်သေးပေ။ အရက်သောက်ထားသူ တရားမနာကြားရဟူ၍ မြတ်စွာဘုရား မဟောကြား ခဲ့ပေ။ ထို့ကြောင့် ဘီယာလေး တမျှမျှ၊ သေစာကလေး မ၀တ၀ မှီဝဲတတ်ကြသောသူများသည် တရားဆွေးနွေးခြင်း၊ တရားနာကြားခြင်း၊ ဘုရားရှိခိုးခြင်းအလုပ်များကိုလည်း ပူးတွဲလုပ်ဆောင် ပါလျှင် ကုသိုလ်က အသာရ၍ သံဝေဂ ၀င်ပြီး ဉာဏ်အမြင် ပွင့်လင်းသွားနိုင်ပေသည်။ မြတ်စွာဘုရားလက်ထက်က အရိယတံငှါသည်တစ်ဦးရှိရာ တစ်နေ့သ၌ ဘုရားရှင်နှင့် သံဃာတော်များ ဒေသစာရီကြွချီရင်း ငါးမျှားနေသော အရိယတံငှါ သည်ကို တွေ့သောအခါ မြတ်စွာဘုရားသည် အရိယတံငှါသည်၏ တရားရနိုင်သော ပါရမီရှိ သည်ကိုမြင် ၍ ခေတ္တရပ်ကာ အမည်နာမ မိတ်ဆက်ပြီး“အရိယဟူသောအမည်သည် သူတော်ကောင်းတရား တို့နှင့် မွေ့လျော် သူဖြစ်ကြောင်း” အစရှိသဖြင့် တရားဓမ္မ ဆုံးမလိုက်ရာ အရိယတံငှါသည်သည် ရေစပ်၌ တရား နာရင်းဖြင့် သောတာပန်တည်ကာ အမှန်တကယ် အရိယာသူတော်စင်တစ်ဦးအဖြစ်သို့ ရောက်ရှိပြီး တံငှါသည်ဘ၀မှ လွတ်မြောက်သွားပေသည်။ မလွှဲသာ မရှောင်သာ၍ မကောင်းမှု ပြုမိနေကြရသော်လည်း စိတ်ကောင်းမွေးကာ ကောင်းမှုကို ပူးတွဲလုပ်ဆောင်နိုင်ပါလျှင် နိဗ္ဗာန် ကို မျက်မှောက်ပြုနိုင်ကြောင်း သာဓကထုတ်အပ်ပေသည်။ 

 စိတ်ကောင်း စေတနာကောင်း အမြဲမွေးမြူနေခြင်းသည် မသေဆေး အမြဲမှီဝဲနေသော ကျန်းမာရေး အသိရှိသူတစ်ဦးကဲ့သို့ ဖြစ်ပါသည်။ ပုထုဇဉ်မှန်သမျှသည် ရောဂါရနေကြသော ဝေဒနာ သည်များ သာဖြစ်ကြ၏။ မိမိ၌ ရောဂါရှိနေသည်ကို မသိရှိကြဘဲ ကိုယ့်ကိုယ်ကို မသေသေးဘူးဟု ထင်နေကြပြီး အဖန်ဖန်သေနိုင်သော ကိလေသာဓာတ်စာတို့ကိုသာ အမြဲမှီဝဲ ကာ ငါကွ အာဂလူဟူ၍ မိမိကိုယ်ကို အမြဲကျန်းမာသန်စွမ်းနေသည်ဟု ထင်နေကြပေသည်။ ကိလေသာရောဂါထပြီး အမျိုးမျိုး ကာမဂုဏ်တွေ မှီဝဲသုံးဆောင်နေနိုင်သည်ကို ငါလိုလူ ဇမ္ဗူမရှိဟူ၍ ၀ါကြွားနေတတ်ကြပေသည်။ နောင်သံသရာ အဖန်ဖန် သေရမည့်အရေးကိုကား မေ့လျော့၍ နေကြကုန်၏။ ပုထုဇဉ်တို့ကား ကိုယ့်ကိုယ်ကို အမောဖောက်နေမှန်းမသိသော စိတ်ရူးသွတ်နေသူတစ်ဦး အစွမ်းကုန်ပြေးနေသကဲ့သို့ ဖြစ်၏။ ကိလေသာ အမောဆို့၍သာ ဘ၀များစွာ အကြိမ်ကြိမ် သေပွဲဝင်ကြရသူများ ဖြစ်၏။ သေတစ်နေ့ မွေး တစ်နေ့၊ သေတာ များ ဘာဆန်းလဲဟေ့ဟူ၍ သေမင်းနှင့် စစ်ခင်းကာ ကြိမ်ဖန်များ စွာ ရှုံးပွဲရနေကြသူများဖြစ်ကြပေ သည်။

 “ကိလေသာစရိုက် 
စိတ်စေတနာ အရိုင်းအမိုက်တို့ကို
မြတ်ဘုရား တရားအမြိုက်ဖြင့်
ဆေးကြောရန် အချိန်ဆိုက်သော်လည်း 
ဆက်လက်၍ မိုက်မြဲပါလျှင်
နောင်အခါ သံသရာနှင့်တိုက်ဖို့ 
ဘယ်တော့များ ထိုက်တန်ပါအံ့နည်း။” 

 စာရှုသူ ဓမ္မမိတ်ဆွေအပေါင်းတို့ ပါရမီကုသိုလ် အစဉ်နွေးအောင် စိတ်ကောင်း စေတနာ ကောင်း အစဉ်မွေး၍ နိဗ္ဗာန်သို့ အပြေးဝင်ရောက်နိုင်ကြပါစေ။ 
(ဣဒံ မေ ပုညံ အာသ၀က္ခယံ ၀ဟံ ဟောတု)

အပြည့်အစုံသို့

24 Nov 2012

မပျင်းလုံ့လ အားထုတ်ကြ

နမော တဿ ဘဂ၀တော အရဟတော သမ္မာသမ္ဗုဒ္ဓဿ

ဗာဟုသစ္စဉ္စ သိပ္ပဉ္စ- ဗဟုသုတနှင်ပြည့်စုံခြင်းသည် မင်္ဂလာတစ်ပါး”ဖြစ်ကြောင်း မြတ်စွာဘုရားဟောကြားတော်မူ ခဲ့၏။ ထို့ကြောင့် ဗဟုသုတတိုးပွားအောင် ဆည်းပူးလေ့လာခြင်းဖြင့် ကောင်းမွန်သောအကျင့်ကို ပျိုးထောင်အပ်၏။ ပျင်းနေလို့ မတော်ပေ။ ပျင်းလျှင် ဖျင်းမည်။ ဖျင်းလျှင် ဗဟုသုတ၊ အသိဉာဏ်တို့ ဗလာဖြစ်မည်။ ဗဟုသုတ၊ အသိဉာဏ်တို့ ဗလာဖြစ်လျှင် ဘေးကိုရောက်မည်။ ဘေးကိုရောက်ပြီးနောက် မြောင်းထဲကျသွားကာ လုံးဝ သုံးမရဖြစ်ပြီး လူ့ဘ၀ရကျိုးမနပ်ဘဲ ဘ၀နိဂုံးချုပ်ရပေမည်။ ထို ဒဿနလေးသည် ဆရာတော် အရှင်အာစာရာ လင်္ကာရ(ကိုးဘွဲ့ရဆရာတော်)၏ “ပ-ဖ-ဗ-ဘ-မ” ဒဿနလေးပဲဖြစ်ပါသည်။

အရာရာအောင်မြင်ဖို့ဆိုသည်မှာ ထက်သန်သောဝီရိယရှိဖို့လိုအပ်၏။ “၀ီရိယ ၀တော ကိံနာမ ကမ္မံ နသိဇ္ဈတိ”- ၀ီရိယရှိသောသူအတွက် မအောင်မြင်သည့်အရာဟူသည် မရှိပေ။ ထို့ကြောင့် အောင်မြင်လိုလျှင် ၀ီရိယ အရင်းခံရပေမည်။ ထက်သန်သောဝီရိယတရားရှိခြင်းသည် အောင်မြင်မှု၏သော့ချက်ဖြစ်၏။ ဆရာဝန်ဖြစ်လို လျှင် ဆရာဝန်ဖြစ်အောင် အားထုတ်ရမည်။ အင်ဂျင်နီယာဖြစ်လိုက အင်ဂျင်နီယာဖြစ်အောင် ၀ီရိယစိုက်ရပေ မည်။ မြတ်စွာဘုရားရှင်သည် သတ္တ၀ါအနန္တအပေါ်တွင် မဟာကရုဏာတော်ဖြစ်ကာ လမ်းမှန်ကိုညွှန်ပြနိုင်သည့် ဘုရားအဖြစ်သို့ ရောက်လိုသောကြောင့် ဘုရားဖြစ်အောင် ကြိုးစားအားထုတ်ခဲ့ပေသည်။ ဘုရားဖြစ်ဆေးစား၍ မဟုတ်။ ဓာတ်လုံးသောက်ပြီး ဘုရားဖြစ်ခဲ့ခြင်းလည်း မဟုတ်။ လေးအင်္သေချေနှင့် ကမ္ဘာတစ်သိန်း ကာလပတ်လုံး အသက်သွေးချွေးပေးဆပ်ပြီး ပါရမီတော်ဆယ်ပါးကို အပြားသုံးဆယ်ဖြင့် ဖြည့်ကျင့်အားထုတ် ၀ီရိယအမြဲမပြတ် စိုက်ထုတ်ခဲ့ရခြင်းဖြစ်၏။

အခြေခံပညာမူလတန်းတုန်းက သင်ယူခဲ့ရသည့် ယုန်နှင့်လိပ်ပုံပြင်လေးထဲတွင် ယုန်နှင့်လိပ် အပြေးပြိုင်ရာ၌ ၀ီရိယမပြတ်အားထုတ်သော လိပ်ကလေးက ပျင်းရိခြင်းအကျင့်ရှိသည့်ယုန်ကို အောင်နိုင်ခဲ့ပုံမှာ ၀ီရိယမပြတ်အားထုတ်ခြင်းသည် အောင်မြင်မှုပန်းတိုင်ရောက်ဖို့ အဓိကကျကြောင်း ပြသထားခြင်းပင်ဖြစ်သည်။ လိပ်၏ပြေးနှုန်းသည် ယုန်နှင့်ယှဉ်ပါက ကွာခြားလှသော်လည်း ပျင်းနေသူကို မပျင်းသူက ကြာလျှင် ကျော်သွားနိုင်သည့်သာဓကဖြစ် ၏။ ၀ီရိယရှိသူသည် လမ်းမှန်ကို လျှောက်လှမ်းနိုင်ပါလျှင် နိဗ္ဗာန်ကို လျင်မြန်စွာ ထိုးထွင်းသိမြင်နိုင်ကြောင်း မယွင်းမှတ်ယူထားပါလေ။

 မြတ်စွာဘုရား သက်တော်ထင်ရှားရှိစဉ်အခါက သောဏာထေရီဖြစ်လာမည့် မုဆိုးမတစ်ဦးသည် သားသမီးကလည်းများ၊ စည်းစိမ်ဥစ္စာတို့ကလည်း သူ့တစ်သက် စားလို့မကုန်နိုင်လောက်အောင်ချမ်းသာသည့် သူဌေးမကြီးဖြစ်၏။ သားသမီးတို့က အိမ်ထောင်ကိုယ်စီရှိကြပြီး အမေမသေခင် အမွေကို ကြိုယူချင်နေကြသောကြောင့် အမေကို ဖျောင်းဖျကြသည်မှာ “အမေ့ အမွေတွေကို အညီအမျှ ခွဲဝေပေးလိုက်ပြီး အမေကတော့ သားသမီးတွေထံ အလည်လှည့်စားသောက်နေထိုင်ရင်း မြေးတွေကို ချစ်ခင်ယုယစွာ နေထိုင်ပါ အမေ”ဟူ၍ပြောဆိုကြရာ ထိုအတိုင်း ဆောင်ရွက်ပေးလိုက်သည့်အခါတွင် အသက်ခြောက်ဆယ်ကျော် အဖွားအိုကြီးခမျာ မျှော်လင့်ထားသည့်အတိုင်းဖြစ်မလာခဲ့ပေ။ ချွေးမနှင့်သားမက်တို့၏ ငြူစူစောင်းမြောင်းအော်ဟစ် ခံရသည့်ဒုက္ခတို့ ရင်ဆိုင်ရပြီးနောက် ခွက်တစ်လုံးဆွဲ တုတ်တစ်ချောင်း ကိုင်ကာ တောင်းစားရသည့် အဖြစ်သို့ ရောက်ရပေတော့၏။ ကံကောင်းထောက်မ၍ မြတ်ဗုဒ္ဓသာသနာတော်တွင် မှီခိုအားထား ရာရသဖြင့် သောဏာထေရီအဖြစ် သာသနာ့ဘောင်မှာ နေခွင့်ရရှိခဲ့လေသည်။ သာသနာ့ဘောင်မှာလည်း အသက်ကြီး၍ ဆွမ်းခံမလိုက်နိုင်သဖြင့် ကျောင်း၌နေရစ်ခဲ့ကာ ရေနွေးအိုးကျိုရင်း၊ ကျောင်းဝေယျာဝစ္စတွေလုပ်ရင်း လူ့ဘ၀ဒုက္ခတို့ကို သံဝေဂပြင်းစွာ ရရှိထားသူပီပီ တရားကိုလည်း တရားကိုလည်း မပြတ်အားထုတ်လေ၏။ တရားအားထုတ်ရာ၌ မျက်စိကမှုန်၊ အားကလည်းကုန်နေသည့် အရွယ်ဖြစ်သောကြောင့် ကျောင်းဆောင်တိုင် ကိုင်ပြီး ပတ်ချာလည်ရင်း တရားမှတ်လေသည်။ မြတ်စွာဘုရားရှင်က တရားရရန် ပါရမီ ရင့်သန်သူ သောဏာထေရီကို မြင်တော်မူသဖြင့် ရောင်ခြည်တော်လွှတ်ပြီး တရားဓမ္မ ဆုံးမတော်မူရာ ပီတိသောမနဿဖြစ်ရှာသော သောဏာထေရီမကြီးသည် ဆုံးမထားသည့်အတိုင်း ဆက်လက်အားထုတ်လိုက်ရာ အဘိညာဏ်ရ ရဟန္တာမကြီးအဖြစ်သို့ ရောက်ရှိသွားလေသည်။ ပုံမှန်နေတွေ၌ ဆွမ်းခံမှပြန်လာသော ထေရီမငယ်တို့က သောဏာထေရီမကြီးကို ရေနွေးကျိုခြင်း၊ ကျောင်းဝေယျာဝစ္စတို့ လုပ်ဆောင်ခြင်းမပြီးလျှင် ငြူစူစောင်းမြောင်း ပြောဆိုတတ်ရာ တရားထူးရရှိပြီးသည့်နေ့တွင် ရေနွေးအိုးကို မီးမွှေးစရာမလိုဘဲ တန်ခိုးဖြင့်ကျိုပြလေသည်။ တရားထူး ရရှိထားကြောင်း ပြသလိုက်ခြင်းပင်။ ကြွားဝါခြင်းကား မဟုတ်ပေ။ တစ်ခြားနေ့များ ကဲ့သို့ ငြူစူစောင်းမြောင်းပြောဆိုလိုက်လျှင် ကံကြီးထိုက်မည့် အနာဂတ်အဖြစ်ကို သနားငဲ့ကွက်၍ တန်ခိုးပြခြင်းသာဖြစ်ပေသည်။ ထိုသောဏာထေရီမကြီးကား ရဟန္တာထေရီမအားလုံးတွင် တရားရရှိရန်အားထုတ်သူများထဲ၌ ၀ီရိယဧတဒက်အဖြစ် ချီးမြှင့်ခြင်းခံရသူဖြစ်ပေသည်။ ၀ီရိယ၏စွမ်းပကားသည် အသက်ကြီး၍ ဉာဏ်ရည်ကျနေသူကိုပင် တရားထူးရရှိရန်မြှင့်တင်ပေးနိုင်သည်မှာ တကယ့်လက်တွေ့ သာဓကဖြစ်၏။ ထို့ကြောင့် အသက်ငယ်ရွယ်သူများအနေဖြင့် ဉာဏ်ရည်ကောင်းနေချိန်လည်းဖြစ်သောကြောင့် ၀ီရိယမပြတ်ကြိုးစားအားထုတ်ထိုက်ပေသည်။ ၀ီရိယမပြတ်အားထုတ်သူအဖို့ လောကီအတတ်ပညာ သာမက လောကုတ္တရာ အသိပညာပါ ရရှိနိုင်သည်မှုာ မလွှဲဧကန်သာ ဖြစ်ပေသည်။

စာရေးသူအကြောင်းကို အနည်းငယ်သာဓကပြလို၏။ စာရေးသူသည် ဉာဏ်ရည်ထက်မြက်သူမဟုတ်ပေ။ သာမန်ဉာဏ်ရည်သာရှိသူဖြစ်၏။ သို့သော် ၀ီရိယတရားကို ယုံကြည်စွာအားထုတ်ခဲ့သဖြင့် သူငယ်တန်းတွင် တတိယဆု၊ ပထမတန်းမှန၀မတန်းအထိ ပထမဆု၊ ဒသမတန်းတွင် သင်္ချာဂုဏ် ထူးဖြင့် နှစ်ချင်းပေါက် အောင်မြင်ခဲ့ပြီး စတသ(၄၅)သင်တန်းတက်ရောက်၍ ကွန်ပျူတာဘွြဲ့ ဖင့်အောင်မြင်ခဲ့ကာ စတသတွင် အဆင့်(၁၂၂/၉၂၅)၊ စုမှူးသင်တန်း(၁၆၂)တွင် အဆင့်(၂/၉၂၃)၊ ဘာသာစကားသင်တန်းအမစ(၄)၊ အုပ်စု(၁၆)တွင် ပထမဆုရရှိကာ ရုရှားနိုင်ငံတွင် မဟာသိပ္ပံ(ကွန်ပျူတာ)ဘွဲ့ ရရှိခဲ့ပြီးနောက် ခွဲမှူးသင်တန်း(၂၄)တွင် အဆင့်(၁၁)နှင့် တပ်စိတ်အလိုက် မိုင်(၃၀)ဆန်းစစ် တပ်စိတ် ပထမဆု၊ တဆတ၌ လ/ထကထိက(ကွန်ပျူတာဌာန)နှင့် စာပေဦးစီးအရာရှိတာဝန်ထမ်းဆောင်ချိန်တွင် (၆၆)နှစ်မြောက်တပ်မတော်နေ့ အကြို စစ်သည်တော်ကျင့်ဝတ်ပြိုင်ပွဲ(အရာရှိအဆင့်)တွင် ပထမဆု၊ ထို့နောက် မင်္ဂလာဒုံတပ်နယ် စစ်သည်တော်ကျင့်ဝတ်ပြိုင်ပွဲ(အရာရှိအဆင့်)တွင် ဒုတိယဆုရရှိကာ တိုင်းအထိဖြေဆိုခဲ့ရပြီး ခလရ(၂၆၂)တွင် တပ်ခွဲမှူးတာဝန် ထမ်းဆောင်ခဲ့စဉ်က ကရခ၊ တစသ(၁၂)၊ တိုက်/စည်း(အရာရှိ)သင်တန်း(၉၈)တွင် ပထမဆုနှင့် ရင်းအဆင့်အုပ်ချုပ်မှုမွမ်းမံသင်တန်း(၁/၂၀၁၂)တွင် ပထမဆု၊ ကော့သောင်းတပ်နယ်၊ စစ်သည်တော် ကျင့်ဝတ်ပြိုင်ပွု(အရာရှိအဆင့်)တွင် ပထမဆုများ အသီးသီးရရှိခဲ့ပေသည်။ ဉာဏ်ထုံသူ ကျွန်ုပ်သည် ၀ီရိယကား အစွမ်းကုန်အားထုတ်သူဖြစ်၏။ ၀ီရိယ၏စွမ်းပကားကို သာဓကပြချင်၍သာ ဂုဏ်ကိုထုတ်ဖော်ရခြင်းဖြစ်၏။ စာရေးသူအနေဖြင့် ယခုကဲ့သို့ တရားဓမ္မဆောင်းပါးများ ရေးသားနိုင်ခြင်းမှာလည်း တရားဓမ္မများကိုလေ့လာခြင်း ၀ီရိယတရားကြောင့်ဖြစ်သည်။ ရုရှားနိုင်ငံတွင် ပညာသင်ယူနေချိန်၌ ဆရာတော်ပေါင်းစုံ၏ တရားတော်များ နေ့စဉ်နာကြားခြင်း၊ တရားဓမ္မစာအုပ်များ ဖတ်ရှုခြင်း၊ တရားဆွေးနွေးပွဲများ ဖြစ်မြောက်အောင် အကျိုးဆောင်ခြင်း၊ ဓမ္မစာပေမှတ်စုများ ထုတ်နှုတ်မှတ်သားကာ ပြန်လည်ဖတ်ရှုခြင်း၊ အလှူအတန်းများပြုလုပ်ကာ အနုမောဒနာတရားများ နာကြားရာ၌ ရိုသေစွာနာကြားခြင်း၊ ရောက်ရာဒေသတွင် ကလေးငယ်တို့ကို စာပေသင်ကြားပေးခြင်း စသည့် ၀ီရိယတရား အားထုတ်ခြင်းကို စဉ်ဆက်မပြတ်ပြုလုပ်ခြင်းကြောင့် ဖြစ်ပေသည်။ ရဟန္တာမဖြစ်သေးသမျှ ကျွန်ုပ်တို့ ကြိုးစားအားထုတ်ခြင်းအလုပ် မပြီးမြောက်သေးပေ။ ဤအချက်ကား သတ္တ၀ါတိုင်း မိမိကိုယ်ကို အမြဲတမ်း သတိတရားဖြင့် သိရှိထားရမည့်အချက်ဖြစ် သလို မြတ်ဗုဒ္ဓ၏အလိုတော်လည်းဖြစ်ပါသည်။ ဆရာတော်အရှင် ဆန္ဒာဓိကတရားတော်တွင် နာကြားခဲ့ဖူးသည်မှာ “ရဟန္တာမဖြစ်သေးသမျှ ငါချမ်းသာလိုက်တာ ဟူ၍ ဘယ်သောအခါမှ မအောင်းမေ့လေနဲ့” ဟူ၍ မြတ်စွာဘုရားဟောကြားခဲ့ကြောင်း မှတ်သားခဲ့ရပေသည်။ အနာဂါမ်အဆင့် သို့ ရောက်ရှိချိန်တောင် ဗြဟ္မာဘ၀ကိုခင်တွယ်သည့် ဘ၀တဏှာရှိနေသေး၍ ခန္ဓာဝန်ချပြီးနောက် ကမ္ဘာပေါင်း တစ်သောင်းခြောက်ထောင် အသက်ရှည်ကြာနေရသည့် သုဒ္ဓ၀ါသဗြဟ္မပြည် ၌ ဗြဟ္မာဘ၀ နေရသေး ၏။ မြတ်စွာဘုရားသည် ပကဗြဟ္မာမင်းကြီး တန်ခိုးဖြင့် မာန်ရစ်နေခြင်းကို တန်ခိုးချင်းယှဉ်ပြိုင် အောင်နိုင်ကာ “ဘ၀မှန်သမျှ ဘယ်ဘ၀မှ မကောင်း”ဟူ၍ ဆုံးမတော်မူခဲ့လေသည်။ ထို့ကြောင့် နိဗ္ဗာန်ကို မျက်မှောက်ပြုရေးအတွက် ကျွန်ုပ်တို့အားလုံးသည် လောကီကောင်းကျိုးအလုပ်၊ လောကုတ္တရာ ဘ၀ချုပ်ငြိမ်းကြောင်းအလုပ်တို့ကို အသက်ရှိနေသေးသ၍ မပြတ်ကြိုးစားအားထုတ်နေကြရမည်ဖြစ်ပေသည်။

ကျွန်ုပ်တို့ မြန်မာလူမျိုးမများစုသည် အပျင်းထူခြင်းနှင့် ရောင့်ရဲနိုင်ခြင်းကို ရောထွေးစွာ နားလည်နေတတ်ကြ၏။ အပျင်းထူနေခြင်းကို ရောင့်ရဲနိုင်ခြင်းဟုမှတ်ယူကာ ကိုယ့်ကိုယ်ကို ဂုဏ်တင်ပြောဆိုနေတတ်ကြ ၏။ လောကမှာ ငွေရှိအောင် အားထုတ်နေဖို့မလိုဘူး၊ စားသောက်ရုံလောက်ရလျှင် တော်ပြီ။ ဘာလို့ လောဘဇောတိုက် စီးပွားရှာနေမှာလဲ ဟူ၍ အလုပ်ကို မကြိုးစားကြပေ။ သမလောဘဖြင့် မှန်မှန်ကန်ကန် ကြိုးစားလုပ်ဆောင်ခြင်းများကိုကား အရိယာသူတော်ကောင်းများပင် မပယ်ကြပေ။ ဘုရားရှင် လက်ထက်က စီးပွားရေးလုပ်ဆောင်ကြသော သောတာပန်ပုဂ္ဂိုလ်များ များပြားစွာ ရှိခဲ့၏။ (ဥပမာ- အနာထပိဏ် ကျောင်းဒကာကြီးနှင့် ၀ိသာခါ ကျောင်းအမကြီးတို့ကဲ့သို့တည်း။) တချို့ တရားအားထုတ်နေ သူများသည် ဒါနပြုခြင်းသည် ဘ၀သံသရာကောင်းကျိုးများသာ ဖြစ်၏။ ထို့ကြောင့် ၀ိပဿနာဖြင့် သာတော့မည်ဟူ၍ ၀ိပဿနာအားထုတ်ခြင်းဖြင့်ပင် ရောင့်ရဲနေတတ်ပြန်ပေသည်။ တချို့မှာ ဒါန၊ သီလကား သံသရာလည်ကြောင်း ၀ိပဿနာမှသာ သံသရာလွတ်မြောက်ကြောင်းဟု မှတ်ယူပြီး ဒါန၊ သီလကို ပုတ်ခတ်ပြောဆိုတတ်သူများ ရှိကြလေသည်။ ၀ိပဿနာ အားထုတ်ခြင်းသည် သံသရာ လွတ်မြောက်ကြောင်းဟု သိခြင်းကား မှန်သော်လည်း ဒါန၊ သီလကား သံသရာလည်ကြောင်းဟု မှတ်ယူကာ ပြောဆိုခြင်းသည် အပြစ်ကြီးသောယူဆ ပြောဆိုခြင်းဖြစ်၏။ ဒါနပြုခြင်းသည် လိုချင်မှု လောဘကို စွန့်လွှတ်မှ ပြုနိုင်သည်ဖြစ်ခြင်းကြောင့် အလောဘတရားရှိခြင်းဖြစ်၏။ သီလဆောက်တည်ခြင်းသည် လည်း သူတစ်ပါးအကျိုးကို လိုလားစိတ်ဖြစ်မှသာ ပြုနိုင်သောကြောင့် အဒေါသတရားရှိခြင်းဖြစ်၏။ ဒါနပြုခြင်းသည် ဘုရားအလောင်းအစရှိသော သူတော်ကောင်းတို့၏အလုပ်၊ သံသရာမှလွတ်မြောက်ရန်၊ နိဗ္ဗာန်သို့ တက်လှမ်းနိုင်ရန် လှေကားသဖွယ် အထောက်အပံ့ဖြစ်သောအလုပ် အစရှိသဖြင့် အကြောင်းအကျိုးတို့ကို ဆင်ခြင်ပြီးမှ လုပ်နိုင်သောကြောင့် အမောဟတရားရှိခြင်းဖြစ်၏။ တရားအားထုတ်ခြင်းသည် အလောဘ၊ အဒေါသ၊ အမောဟတရားများရှိအောင် အားထုတ်ခြင်းဖြစ်သောကြောင့် ကုသိုလ်ကမ္မပထတရား(၁၀)ပါး မည်သည့်အလုပ်ပင်လုပ်သည်ဖြစ်စေ၊ လျောင်းနေသည်ဖြစ်စေ၊ ထိုင်နေသည်ဖြစ်စေ၊ ရပ်နေသည်ဖြစ်စေ၊ သွားနေသည်ဖြစ်စေ အလောဘ၊ အဒေါသ၊ အမောဟတရားရှိနေအောင် ပါရမီ(၁၀)ပါး မည်သည့်ပါရမီကို ဖြည့်ကျင့်သည်ဖြစ်စေ မပြတ် သတိရှိနေမှုသည် တရားအားထုတ်ခြင်း၏ “စံ”ထားရမည့် ကျောရိုးဖြစ်ပေသည်။ လောဘ၊ ဒေါသ၊ မောဟတရားများ ရှိနေချိန်၌ကား တရားအားထုတ်ခြင်း မမည်တော့ပါပေ။ ထို့ကြောင့် ပါရမီကုသိုလ်မှန်သမျှကို “မိုးရွာတုန်းရေခံ၊ လသာတုန်း ဗိုင်းငင်”ဆိုသလို အပတ်တကုတ်ကြိုးစားအားထုတ်သင့်ပေသည်။

 ၀ီရိယဟူ၍ ဆိုလိုက်သည်နှင့် ထကြွလုံ့လ သွားလာလှုပ်ရှားနေခြင်းကိုပင် ခေါ်ဆိုခြင်း မဟုတ်ပေ။ ၀ီရိယနှစ်ပါးရှိရာတွင် စိတ်ဝီရိယနှင့် ကိုယ်ဝီရိယတို့ဖြစ်ကြ၏။ ထိုနှစ်ပါးတွင် စိတ်ဝီရိယက အဓိကကျ၍ ဦးဆောင်နေခြင်းဖြစ်သည်။ မလျှော့သောဇွဲ၊ လုံ့လ စသည်တို့သည် စိတ်ဝီရိယဖြစ်၏။ ကုန်းဘောင်ခေတ်တုန်းက ဦးကျည်ပွေ့ကို လူတိုင်းကြားဖူးကြပေသည်။ ထိုဆရာတော်ကြီးသည် အသက်ခြောက်ဆယ်၊ ၀ါတော်လေးဆယ်ခန့်အထိ စာပြီးအိပ်နေ ဘိက္ခဝေ ဆိုသကဲ့သို့ ရဟန်းသီလကိုသာ စောင့်ထိန်းပါသော်လည်း စာပေပရိယတ္တိ ဘာတစ်ခုမှ မသင်ကြားခဲ့ပေ။ တစ်နေ့တွင် ကျောင်းဆောင် လေသာပြူတင်းပေါက်မှ ကိုယ်တိုင်နေ့စဉ်စွန့်ပစ်ခဲ့သည့် ဒန်ပူ (သွားကြားထိုးတံ)တို့ မြေပြင်၌ အပုံကြီးဖြစ်နေသည်ကိုမြင်ပြီး သတိတရားဝင်သွားသည်မှာ “ယခင်ကတည်းက စာပေပရိယတ္တိကို ဤဒန်ပူလေးတွေကဲ့သို့ နေ့စဉ်နည်းနည်းခြင်း ကြိုးစားကျက်မှတ်ခဲ့ပါလျှင် ယခုအခါ၌ ပိဋကတ်သုံးပုံကို အလွတ်ရေးနိုင်ပြီး အာဂုံနှုတ်တက်ပင် ဆောင်နိုင်နေပေမည်” ဟူ၍ စဉ်းစားမိလေသည်။ သို့သော် “ဤယနေ့မှစ၍ အပတ်တကုတ် လေ့လာကြိုးစားပါလျှင်လည်း ရနိုင်သေးသည်”ဟူ၍ သတိသံဝေဂ နှိုးဆွသည့်အတွက် ရှင်ဘုရင်ထံသွားကာ ပရိယတ္တိ သင်ကြားတော့မည်ဆိုသည့်အကြောင်း မိန့်ကြားရာတွင် ဘုရင်က “ကျည်ပွေ့ အတက်ပေါက်မှ ဒီတစ်သက် အရှင်ဘုရား စာတတ်မြောက်နိုင်ပါလိမ့်မည်” ဟူ၍ ပြန်လည်လျှောက်ထား လိုက်ခြင်းကို ခံလိုက်ရခြင်းကြောင့် ဆရာတော်ကြီး၏ ထက်သန်ပြင်းပြနေသော ၀ီရိယတရား ကို နှစ်ဆတိုးမြှင့်ပေးလိုက်သကဲ့သို့ ဖြစ်ကာ ဆရာတော်ကြီးသည် ပရိယတ္တိကို အစွမ်းကုန်ကြိုးစား အားထုတ်လေတော့၏။ များမကြာမီ ကာလတွင် ဆရာတော်ကြီးသည် ကျည်ပွေ့၌ သစ်ရွက်သစ်ခက်လေးများ ချည်နှောင်ကာ ကျည်ပွေ့တွင် အတက်ပေါက်နေပြီဖြစ်ကြောင်း ရှင်ဘုရင်ကို ပြသလိုက်ရာ ရှင်ဘုရင်က စာပေပရိယတ္တိ မေးမြန်းခြင်းများစီစဉ်ပြီး စာမေးပွဲစစ်သည်တွင် မေးခွန်းမဆုံးခင် အဖြေကို ဒိုးဒိုးဒေါက်ဒေါက် ခြင်္သေ့ဟောက်သကဲ့သို့ မေးခွန်းမှန်သမျှ မကြောက်တော့သည့် အသွင်ဖြင့် ဖြေကြားတော်မူနိုင်လေသည်။ မဖြေကြားနိုင်သောမေးခွန်း မရှိခဲ့ချေ။ ဤတွင် ပိဋကတ် သုံးပုံ နှံ့စပ်တော်မူသော ဆရာတော်ကြီးအဖြစ် ဘွဲ့တံဆိပ်များရရှိပြီး ကုန်းဘောင်ခေတ် တွင် ကျော်ကြားခဲ့ကာ ယနေ့တိုင်လည်း ဆရာတော်ဦးကျည်ပွေ့ဟူ၍ မြန်မာတို့ အမှတ်ရနေကာ ကလေးတုိ့ စာကြိုးစားကြဖို့ ဦးကျည်ပွေ့စံထားကာ ဆုံးမပြောကြား နေကြရပေသည်။ ၀ီရိယတရား ထက်သန်သူသည် လမ်းမှန်လျှောက်က ချမ်းသာပြီး လမ်းမှားကို လျှောက်ပါက ဆင်းရဲရပေသည်။ ထို့ကြောင့် လမ်းမှန်ကိုသွား၊ လမ်းမများ၊ လမ်းမှားမလိုက်မိရန် ၀ီရိယထက်သန်သူအတွက် အမြဲသတိချပ်ရမည့် တရားဖြစ်ပေ၏။ “တစ်နေ့တစ်လံ ပုဂံ ဘယ်ပြေးမလဲ” ဆိုသော်လည်း ပုဂံကို ကျောခိုင်းပြေးနေပါက ပုဂံကိုရောက်လိမ့်မည် မဟုတ်ပေ။ အပြေးသန်လေလေ ကြာလာလေလေ ဆန့်ကျင်ဘက်အဝေးသို့ရောက်လေလေ ဖြစ်နေမည်။ ထုိ့ကြောင့် လှေတွင် လိုရာထိန်းပေးသည့် ပဲ့ကဲ့သို့ ဘ၀မှာ လမ်းမှန်လျှောက်နိုင်အောင် ပညာတည်းဟူသော ပဲ့ဖြင့် အမြဲထိန်းကျောင်းရပေမည်။

စာရှုသူဓမ္မမိတ်ဆွေအပေါင်းတို့သည် လောကီ၊ လောကုတ် နှစ်ဖြာအလုပ်ဖြင့် အစွမ်းကုန်ကြိုးစားအားထုတ်ကြကာ လမ်းမှန်ရန်အတွက် ပညာဖြင့် အစဉ်ထိန်းချုပ်၍ နိဗ္ဗာန်နှင့်မလွဲ သံသရာဝဋ်ဆင်းရဲမှ လွတ်ကင်းနိုင်ကြပါစေကြောင်: ဆုမွန်ကောင်းတောင်းရင်း ဤဓမ္မဆောင်းပါးဖြင့် ကျေးဇူးပြုလိုက်ရပါသည်။

အပြည့်အစုံသို့